قــــــــالــــــــوا حــــبــــيــــبــــك ( للشاعر المبدع ( متعب التركي ) ..

قــــــــالــــــــوا حــــبــــيــــبــــك ( للشاعر المبدع ( متعب التركي ) ..

قرأت هذه القصيدة للأخ الزميل الخلوق
الشاعر المبدع متعب التركي ... فقطفتها لكم ..

قالوا حبيبك يسمع الشعر قلت أيه
يقراه بعيوني قبل تسمعونه

لولاه حتى طاري الشعر ما ابيه
مير أكتبه من شان خاطر عيونه

هو روح شعري وأمنياته وماضيه
جذع الشجر وش كان لولا غصونه

اكتب لغيره والقصايد تجي فيه
كن القصايد حالفه ما تخونه

هذاك لا منه زعل قمت أهاديه
حتى وهو مخطي تعذرت دونه

يمكن لو أنه يلمس الجرح بيديه
يستغرب ان اللي لمسها طعونه

ابطى وهو غايب وزلت حراويه
هوأنا من العام آتحرى مزونه

هو مادرى اني في غيابه محاتيه
ليته نشد عن حالي اللي يجونه

واقلبي اللي توه أفلت عراويه
كيف انسرق وضلوع قلبي حصونه

عجزت أرده كان ماني براعيه
يوم انتثر شوقه وهاضت شجونه

يبسن عروقي لكن اللي يعزيه
ان اكثر العالم تردد لحونه

خافو من الله لا تجيبون طاريه
لا صرت أنا موجود لا تذكرونه

لو كل غالي جابه الله لغاليه
ما شفت لك مخلوق تبكي عيونه

كان هنا ومضى

للمزيد من مواضيعي

 

.

.

اكتب لغيره والقصايد تجي فيه
كن القصايد حالفه ما تخونه

هذاك لا منه زعل قمت أهاديه
حتى وهو مخطي تعذرت دونه


الله يا سمو الشعر ..
جلبٌ ثمين ..
الذائقة شاهقة منك يا عصي ..
سلمت على الإمتاع ..
وصح لسان قائلها .. وسلم ناقلها هنا ..


طبت وطابت هذه الروح

أسِيف ,عصي الدمع معجبون بهذا

"يقراه بعيوني قبل تسمعونه"

بليغ وشاعري جدًا، أحب لغة العيون

عصي الدمع معجب بهذا

موضوع أكثر من رائع

لقلبك الفرح ..

عصي الدمع معجب بهذا

)


قطف مثمر
جماله خُلق منه وفيه..
كلمات عميقة المعاني
وزادت علو وتسامي
حين قطفتها لنا عصيّ الدمع بيدك
سلمت الأكف أستاذي ..

عصي الدمع معجب بهذا

لك الورد

عصي الدمع معجب بهذا