وداع الشهيد زهرة عمرى

وداع الشهيد زهرة عمرى

زهرة عمري ...حته من قلبى

بس ما يغلاش ابدا على بلدي

وهو مسافر قاللي

ادعي لمصر وادعي لجيشنا يا أمي

قولي لزوجتي

ان ما رجعتش

ياخد بتاري بدالي ابني

كا ن حاسس باللي حيجرى

كان بدموعه وقلبه بيصبرني

وانا بودعه قاللي

وحياتك يا أمي اوعي تبكي

الدموع يا أمي راح تألمني

شاركي معايا فرحي

وانا بشهادتي بقابل ربي

حماية بلدي ووطنى هو عملي

ولحبي لبلدي أخلص في واجبي

أنا المصري أنا العربى أنا الجندي

أموت ولا شفشي

حد ياخد مني بلدي

طول عمري رافع علمي

والدنيا تشهد للجندي المصري

كان بيودعني ويشد على ايديّ

وأنا أشده واخده في حضني

مقدرتش أداري دمع عينيّ

وبصوت عالي قلت حبيبي يا ابني

ويقوللي يا أمي شهادتي أمنيّه

ودموعه الساخنه نزلت على خدي

مسحها بايده بحب وحنيهّ

ودقات قلبه بتزلزل صدري

روح يا حبيبي وحترجع ليّ

انت أملي وحبي وحياتي وعمري

جاني الخبر..قلت يا ربي

يا ربي صبرني

الله هو اللي أمر

وفداكي يا مصر ابني

يا رب يا رب صبرني

مسح دموعي كل مصري وعربي

وكل واحد قاللي

موش ابنك بس هو ابني

ابن مصر وكل الوطن العربى

والكل جاني ووقف جنبي

ورب الكون هداني وصبرني

ولحبي لبلدي انشرح صدري

والكل في وداعه جه يشاركني
******************
اللهم ارحم شهداؤنا
فى مصر وكل الوطن العربى

للمزيد من مواضيعي

 

في حب الأوطان
كل من يهب الإبداع أولا وأخيرا
وكل من يكتب أو يرسم
سيغدو حقيقيا وصادقا


صح لسانك شاعرنا القدير

الختم

التنبيه

ومكافأة المنتدى

اقتباس:
المشاركة الأصلية كتبت بواسطة نبيل محمد

في حب الأوطان
كل من يهب الإبداع أولا وأخيرا
وكل من يكتب أو يرسم
سيغدو حقيقيا وصادقا


صح لسانك شاعرنا القدير

الختم

التنبيه

ومكافأة المنتدى
/////////////
شكرا أ خى وحبك وكلماتك
وسام على صدرى

نص حزين ومؤثر
مع الابرار والصالحين بحول الله
دام نبضك أستاذ شوقي

اقتباس:
المشاركة الأصلية كتبت بواسطة الغيث
نص حزين ومؤثر
مع الابرار والصالحين بحول الله
دام نبضك أستاذ شوقي



شكرا أخى الغيث مرورك بسعدنى تحياتى وتقديرى