كوتني الونات ..

كوتني الونات ..

كوتني الونّات
========
حركت في قلبي مشاعر ساكنه وابعدت ليه ؟؟
طب ليه اجل تحييه لتجدد سبب تحيا بموته ؟!

ياموجع ن قلبي وكيف انسى حنين ن يرتجيه
كيف الغلا تسلاه هو نبض الجوى وكلّ قوته

كوتني الونات في جوفي اسى يشره عليه
صدى بعاده داخلي كم مرة(ن) ينبض بصوته

قلبي عجز ينساه حتى الصبر عيا يجيه
اقفى وهمسه بالحشا صرخات من دمعة سكوته

غديت مابين الرجا والياس روحي تحتريه
حسرات بعده والجوى آهات من عيني كتوته

والشوق في قلب الرجا يوقض مشاعر تهتويه
فاحت بذكرى عطرها في خافقي وروحي نحوته

رحل وخلّاني مع الدمعات دايم نحتريه
أواه ياقلب(ن) ضناه الشوق بعده هي بلوته

ياوجد حالي من زمان(ن) حدّني شي ماابيه
توّه خطاوينا كتم هالقلب ضيمه في صموته

ادمى خفوقي من فراقه مابقى صبر(ن) يجيه
يبّس غصون القلب من بعده وجوره مع قتوته

مات الامل لين انقطع بالياس حلم(ن)ارتجيه
اقفى وفي صدري شتاتي مع بقايا من نحوته

اتجرّع احزاني وحسرة خيبتي وجحود فيه
زادت همومي بالحشا وضيْم قلبي من سكوته

حزني طفح لكن فؤادي يعشقه ويموت فيه
احيا علي دقّات نبضه والعمر يفوت فوته

صاح الخفوق من الجفا ياغايتي لاتبتليه
اقفيت عنّي والشقا في داخلي بانت فتوته

ليه اختفى فيك الوفا؟! قلبك حجر واحترت فيه
في لحظة(ن) تهجر وتنسى والجفا زادت سطوته

ليه المشاعر لو طرى ذكره وله تبكي عليه؟!
وليه تتبع من قفا والتيه من اشقى بخوته؟!

وشلون قلبي ماسلى من باع عهده ويشتريه؟!
ياكيف ينسى واقعه ويعيش صدّه مع قسوته ؟!

نادت طيوفه والخطاوي تتبعه تبكي عليه
تبكي على حب(ن) مضى من دمع موق العين قوته

ماتت اماني دنيتي عطشا غلا تشره عليه
عايش علي نبضه ونبضي من رحل ساكن بيوته

مشاعر ساكنه

للمزيد من مواضيعي