من مجارياتي

من مجارياتي

من مجارياتي
مع الشاعر ناصر آل مداوي



مُنهَـك الــروح والراحــة عليهــا الســلام
مثل مــا بــه علــى الموتى ســلام ونعـي

جرهد السمت عالي الصمت شَحـْب الكلام
عاطف ن من نضوب المحجــرين اصبعي

ناحــل البـــال.. والاحـــوال هشّـة عـظــام
العصــا فــي يـــدي والوقْــر فــي مسمعي

لا جفـون ن نواعــس.. لا عيون ن نيــام
الســهر طير حــرّ ن والقنَص مضــجعــي

شـرق الافـراح مسـعاها.. والاتــراح شـام
كسـر سـاقي بعد فـي الشـام خضت السعي

لا سـنــا ضحكــةٍ .. ولا وميـض ابتســام
غيمــة الوجـــد يلعــج بـرقهــا بـ اضـلعـي

من (فصل) مرتَـكَــب عمـداً بحق (السيام)
مــا طلع مرتَكـب ســهـــواً .. ولا مطبعــي

عــلّ ترعـى معـاليقــي صـــغـار الســـنـام
فطَّـر الكسـر مــا تلقــى بـ صــدري رعــي

يـــوم تخــديــــر دكتـــور الغـــلا والغــرام
كـــان منحـــاز للكـامــل عـن الموضـــعــي

ســـاع جـــرَّت خـطـــى ترحــالهـــا للأمـام
مـــا وراهـــا الاّ انـا و كمـومي و مدمـعـي

عنـــدلٍ روحهـــا للـحـــســــن حِـــلّ ودوام
و الجســـد مــوت مـن لاعقــاب للأصمعـي

جـيـن ما اجـمـع عليــه ابعضْـي بالانعــدام
جـينهــا المسـتقلّ .. اجـمـع عليــه اجمعـي

غـــاب عنــي بغيبتهــا اعـــذب الارتســـام
كانت اهــْي ابتســامـاتي .. وهــي منبعــي

كنت قلـبٍ علـى اللّيــــن وعلى مـا يـــــرام
وهْـي كانـت ســـويـــدائي وهـــيّ انصــعي

مـعـــدنٍ فــايـــق الــرنّــة نـفـيــس الجـرام
حجّـــةٍ مـــا تـقصّــــر شــارب المــــدّعـــي

وصرت قلبٍ بعـــد ما غـيّـبـت.. يـا حـــرام
قـــاســيٍ مـع جميــع الناس .. حتــى معـي

لـــوّ طبـــع الدمـاثــة لـــه بخُـلـقــي مقـــام
و القســـا مـــاهــو بـ طبعـــي ولا منقعـــي

آه.. والبُعـــد مـن جاتــه بـ حــــدّ الحســـام
أعــرضــت مرغمـة عـن قربــي وموقعــي

و الهـقـــاوي تـــردّت فــي مـــردّ الجهـــام
و العشــم خــاب فـي مـشّ الجَلَــد لـ اربعي

و الزمــن مــرّت ايّـامــه.. مــرور الكــرام
و اثقـل امــن الغُفُــل مــرّت علــى مرتعــي

صـارت النـاس تـدعـي لـي بـ حسن الختـام
عـقــب كانــت بـ طــول العـمــر لي تـدّعــي

عقب كانـت عـن اخبـــاري تحـــرَّى التمـام
صـارت النـاس تـتـحـــرَّى خبــر مصــرعي

طــاف عـمــري بعــد غـابت ثمــانيــن عـام
طــاح فـكـــري وحــوّل عــن مــدار الوعـي

مـن بعـــد كــان لـي فكـــرٍ يــفــضّ الظــلام
وعـُمْــرٍ بـ عِـقـــده الــــدرّيّ .. و الألمعــي

ناصر آل مداوي






صح ربي لسآنك بعد أجمـل سـلآم
عـدّ ما ربّنـا لـ افـلآكــه مـوسِّـعـي

عدّ ماغآبت الشمس وكسآناالظلآم
و احتـوآنا مــدآد فصولهـا الأربعي

من بسـآتين قلب ٍ لك وقف إحترآم
أجمع الورد في بآقــآت مستمتـعـي

ردّني قـآفـك لـ نـور السنين القـدام
يوم قلبي من اللي فيــه يلعـي لعـي

إيه شـوَّقتــه يعــآنـق لذيــذ الغمـآم
رغـم أنف العقــآرب قـد ما تلسعـي

سمّهــا يذبــح و فيــه الشفـا للأنـآم
دآمنــا عن سفــآه القــول نتــرفّعـي

للمزيد من مواضيعي

 

.
.

مجاراة من شاعر مقتدر يطوّع الكلمات ومعانيها
صح لسانك شاعرنا الصقري ..
دوما في المقدمة ..
تقتنص الجميل فتجاريه ..
لله درك
للوشم والتقييم والنشر مع منح المكافأة

عبدالله الصقري معجب بهذا

قصيدة كلها حيووووووية
مجاراتك أعذب وأنقى
باركك الرحمن وجعلك علما في المدائن
ريحانة لقلبك

عبدالله الصقري معجب بهذا

صحّت ابدانكم

و سلمت قلوبكم جميعا

لكم جل تقديري و احترامي

مع أرق و اجمل تحيه