إحسآس .. و مجرَّد حروف

كل ما فيني بقـايــا
و شعـر يرويني

إنتهت كل الحكايــا
و ضاعت سنيني

قلب مبتور الزوايـا
و نبض ما عيني

حب غرقان بخفايـا
و شـوق مدميني

حلم سوَّا بي سوايا
و عِلْـم يقصيـني

ماطلبت من المرايا
غيــر تحـويـنـي

نبع يزهر بالحنايــا
و صوت يحييني

كانت جنـوبي خوايا
من الرّيــاحـيـني

لين حَلَّت في حشايا
و اَثَّـــرَت فـيـنـي

حبَّهـا أعظـم سوايـا
مـن مـعــاديـنــي

عَمَّق رمـاح المنايـا
و قلت زيــــديني

حبَّهـا من الله عطايا
و نـور يضـويني

إي نعم أغلى الهدايا
روح تـغـلــيــنـي

لكن حْظـوظي هفايـا
دايـــم تْـشِــيـنـي

لا تلآشت هـ البقـايـا
مـنــــك حِـلِّـيـنـي

مشاعر ساكنه ,‏يَمَامْ.! ,بُشْرَى معجبون بهذا

أعلَنْـت الاسـتـســـلام و التسليــــم
لـ مـواجـعــي
للـ صـمــت
للـ آآهــــآت
لـ التـرنيـــم
أشهــرْت إفـلاسـي
من التعليــم
و من كل ارتجـاف يضيــم
صـرت اجهـلك
صـرت اخــذلك
صرت احتــرق
صـرت آتـوسَّـل غـصـب لك
عـــدَّة سنيـن
و احلـف أتـوب و ما اسـألك
و اقول والله ما اطلبـك
حقِّـك على راسـي
!!
توهيــم في توهيــم
تجريــم لـ احســاسي

*****

أحـب حـرف الميــم
به يبتـــدي اِسمـك
و في قلبي مقيــم
حـبٍ عظيــم
أحيـا الرميــم
و هـزّنـي هـزَّ اليتيــم
بـ كـف تنبـت للـ عديــم
بـ قلـب في حبي كريــم
بـ روح تجــذبنـي لهــا
فـوق الصـرآط المستقيــم
تقــول
حبَّـك ضي عيني في العتيــم
تقــول
هرجـك عَطَّر انفـآس النسيـم
تقــول
نبضـك غيَّــر الـوان السديــم
و صـرت مــآي
و صـرت زآدي
لي قسَمْـك الــرب يــا
غـآيــة مــرادي
لا تـعـصِّـــب
إنـت احلـى و انـت هـــادي
فُـل منْـه يغـــار كــادي
صبـح لـ الليــل المعــادي
مـ انت عــادي
إنت أيقـونــة بــلادي !!
تقــول
أعشـق كل خصلــه فيــك
ولا يغــرَّك عنــادي
من عرفتــك
و المحبَّـــه سيـــل وادي
شـال جِـــدِّي واجتهــادي
صـرت غـرقـانـــه فـ حبَّــك
صآر حبَّــك هو لبــاسي


تقــول



و تقــول



و




تقــول



،،



هي صـادقـــه فيمــا تقــول
هي أغــدق افـراحي هطول
هي بسمـــة سنيني
هي الطــرف الخجــول
اللي لعينيهـــا كتبت
اجمـل قصيـــد و ما كـذبـت
هي الحيـــآة اللي لها قلبـي وهـبـت
و اجمـل عيـــون
لـ رمشهـــا الغـــافي انـتـسَــبــت
و اعقـل جنـون
و كل بـــوح و كل كـبــت
ذربــــه حنـــون
و شاطــره معهــا رسـبـت
هـي كـل كـونـي
هي لـ صحــرا القلــب ديـــم
هي العـــذرا البتـــول


******


مـر عقــد مـن الزمــان
تعـاقـبـت فيـه الفصــول
بـ كل ما فيهــا
و ما فينــا يجــول
ما تــدري العالــم بنــا
ما بــه عــذول
ما بــه أحـــد فينـــا يقـول
و لا لـ عشـرتنـــا يطــول
أحبـــآب محـــدٍ قـــدَّنـــا
و عهــودنـــا قـــدام ربي مـا تــزول
يشهـــد بهـا سبحــانـــه اللي
عن هـوى انفسنــا يحــول
المطَّلـع فيهــا
اللي غرسنــا في بعـض
يـوم الوفـــا دولٌ تــدول
اللي جعلنـــا في المحبَّـــه ما نِطــول
الا الظنــا ياللي
بْـ جفــاك اتـرعـت كـــاسي

>>>>>>>>>


يتبع

بُشْرَى ,‏يَمَامْ.! معجبون بهذا

هو نبض قلبي في ثواني احتلَّني
قـاموســه اكبر ليتني استـوعبــه

لا من سكتّ شـوي ، عاد و ذلّني
جيته بليَّا علم . و اجتـزت اصعبه

يحش عشب القـلب حش المنجلي
دايــم و يكـتبـنـي قبـل مـا أكتبـــه

دامـه يطفِّي نـــار قلبي المصطـلي
خلّيه يحرقني . و له روحي هبــه

بُشْرَى ,‏يَمَامْ.! معجبون بهذا

يا عسى قلب المولع بالعوافي
ما يعاف لصاحبه مهما يكون

الظروف اصعب معاذير المجافي
بس جيم و نون ما تعني جنون

جن تلبس مستحلين القوافي
اجمل الأشعار لـ اهداب العيون

لا غفت ما ينفع علاج المشافي
و ان تبسَّم طرفها تسكنك نون

بُشْرَى ,‏يَمَامْ.! معجبون بهذا

صمت كل انسان فآرَق . أشبه بـ كي الجـروح
لا يمـوت . ولا يونّ . و فيـه لـ امـر الله سعــه

بُشْرَى ,‏يَمَامْ.! معجبون بهذا

🌹🌹🌹

همســك رقيـــق

أشــذى من المســك العتيــق

يشعشــع المــخ و يفيــق

و عذبــه الحانــه

يا لـولـو الدآنـــه

نقي دآيــم

أنيــق

و عقــدك الليلـه

بـ مـدآئننـــا يليــق

آيــآت من در

و جدايــل نـــور لـ اركانــه

بلبــل على اغصانــه

و ومضـآتــك بريــق

🌹🌹🌹

بُشْرَى ,مشاعر ساكنه ,‏يَمَامْ.! معجبون بهذا

تاريخنــا فـي الحـب مـسْـــوَدَّه
حتى عـن اللي أرَّخَــــه خــافي

مـا تــم تعميــــده . و لي مـــدَّه
أستجمعــــه و القـاه فـي قــآفي

و آلِـمّـنـــا لـو كــان مــــــا ودَّه
و اشرب مـدآد ارواحنـا الصافي

تـاريــخ مُلغَـى عـن أهَـل جــــدَّه
منقـوش وسـط الهـآجس الغـافي




1 ذو الحجه 1443
1 يوليو 2022


حصري للمدآئن

بُشْرَى ,‏يَمَامْ.! معجبون بهذا

و من شاف الجميـع بـ عين طبعـه
و به عـاملهــم ... يشـوف الأذيَّــه

و اذا المعــروف هآن و جآز منعـه
تســآوَى الطَّيِّـب و راعي الرديَّــــه

شتـات الشَّمـل عند البعـض جَمعــه
و حتَّى المــوت فيهــم كـ الهــديَّـــه

هـذول اهل الحسـد في شـر صنعــه
تـفــرِّق عيــن واحــدهـــم بــريَّــــه

بُشْرَى معجب بهذا

إرحـل وما لك ذكـريـات ٍ فـ قلبي
لانَّه معـك ملــزوم يا خل يـرحـل

يَتْبَعْــكْ واتبـعكــم و يحتـآر دربي
ألقآك والا القآه ؟ ولوين اباوصل

أدري غريبـه شرقك يضم غربي
بس الولـه بعيونـه الكون يشمـل

يطوي فلك و يحل سلبك و سلبي
سآعـة صدفنـا ضمّنا و كل ٍ اقبـل

يامن حرمت العيـن لو خفت ربي
مـا كـان تتغـلـى و تثقـل و تجهـل

حسَّستني بالهجـر ضعفي وغلبي
وانا الـذي في كـل ميقــآت أسـأل

يـاآســري ويَّــآك وش كـان ذنبي
ليت الزمـآن لـ بآقي الرحلـه اكمل

ليتـك خـذيت الحب ما بــآت جنبي
و الا رجعت بـ خـآفق ٍ معك يرحـل

بُشْرَى معجب بهذا

ردي على الشاعر القدير نجم سهيل

في موضوع القوارير الحسان

https://www.boohalharf.com/vb/showthread.php?t=10434




لا أبـد يا نجـم يا عــذب البيــان
إفتكـر في خلـق ربي و حكمتــه

قلت ظلع اعوج لـ عمود المكان
إيــه عمــود المكــان و رحمتــه

دونهـن ما للرجــل سكنى أمــان
أم و اخـت و بنـت والا حـرمتــه

و النهـايـه صح قلبـك واللســان
يـا نجـم سطَّـر بـ نـوره بصمتــه

بُشْرَى معجب بهذا