مساجلة شعرية بيني وبين الشاعر عتيق

مساجلة شعرية بيني وبين الشاعر عتيق

‌


أسعد الله قلوبكم بكل خير




مصافحة اولى


مساجلة بيني وبيني صديقي الشاعر عتيق


*


*


*

البداية مني




الوله



الهاجس اللي مزعل الناس شره
صرت اتقية عشان قلب الحبايب


الناس راحت والخوي صح عمره
وين الغنايم ياللي طولت غايب


( أسهل عليا الرد من أكل تمره )
ومن اول الرميات بالعون صايب

ومن قبل ما يبرد على الطرس حبره
تلقى القوافي غرور والوزن ذاااايب

.......

عتيق

اللي على المعني يا لله دره
يكفيه مايشمل قصيدة ضرايب

و الناس تفنى قبل تفنى المجره
اما الغنايم غير كسب الغلايب

ترمي جنوب الناس مليون مره
و تجيك ميه و ما تسميك تايب

خل ذا الحبر عبدن جليلن ل حره
ول تقول هذي من غريب الغرايب

....


الوله


يا مرحبا ترحيب غالي لقدره
اعداد ما هلت مزون السحايب

الذيب ما يسري بليات فكرة
والجو توه طاب والشعر طايب

والهاجس المجنون كره وفره
يعطيك نبذه عن زمان العاجيب

أحيان يكتبي قصيدن بصدره
وأحيان فارق شملنا روح خايب

ولا تقرب المجنون في وقت حره
يمكن يجي لك سهم ابلا سبايب


.....


عتيق

حييت يا شاعر على الجلب دره
في غبتن من نورها النور غايب

للذيب مسرى بس للذيب جره
يتبع أثرها معربين النسايب

مجنون ليلى باح للناس سره
وانته على النيران دايم لهايب

احيان اشوف الشعر زين و مسره.
واحيان ما يجلب ياكود الطلايب.

ان كنت مجنونن عليكم مضره
و علاجكم بشهار وشهار نايب

.......



الوله

يا راسك اللي ما بقى فيه شعره
الراس صلع وانت بالعمر شايب

ودك معايا اليوم في الشعر فره
لكن عزمك طاح ويش انت جايب

رغم ان قدرك يعلم الله مررررره
وانا رفيقك في السلى والنوايب

ببقى كما كادي ملئ الكون عطره
لـ السلم عطر .. وللحرايب حرااايب

.......


عتيق

يا عقلك اللي ناقصن فيه نمره
عز الله اني منك ماني بهايب

انته صغير وخوتي لك تشره
وانا كبير و خوتك مال سايب

التغلبي سم الحياه ل ال مره
وش أنت جايب معه ويش انت جايب

مانت الرحى و ابتنطحن مثل بره
و اللي يعيب الناس يلقى المعايب


......

الوله

اللحم عمره ما طلع منه ظفره
الا انت باقصك وبنهي الغلايب

شوفه هجوسي حد يجرحك شفره
يا الشايب اللي بآخر العمر عايب

بينك وبين التغلبي الف سفره
وبيني وبينك ضعفها بالحسايب

للمزيد من مواضيعي

 

الله الله

صح لسانكم

شعر جميل وقافية عذبة

امتعتونا بحق

كل الشكر لكم

بانتظار المزيد من هذا الجمال
تحيتي واحترامي

النقاء معجب بهذا

مسا جلة رائعة تليق بكم شعراء المدائن


متابعة لكم
وياهلاوغلا فيكم
أشكركم...

الوله

مرحباً بك في مدائن البوح
إطلالة أولى برائحة التوت
ومساجلة غناء حسناء
بينك وبين صديقك عتيق
وكم نتمنى أن تدعي
صديقك عتيق لينور المنتدى
شكري وتقديري لك
مع مكافأة المنتدى
وكل عام وأنتم بخير

سليدا معجب بهذا

الشاعر المتألق / الوله

مرحباً بك في مدائن البوح أنت ورفيقك الشاعر المبجل العتيق
إطلالة أولى لك ولصديقك الذي زين حرفك عطرت مدائن البوح بالمسك والريحان
ومساجلة شعرية رائعة وممتعة
لا فض فوك

واهلا وسهلا بشاعرنا الثاني العتيق

اعجابي بما طرحت مع التقيم

تقديري ....

صحت الالسن ..
ابداع كما عفرفنا عنكم دائما ..
شكرا اخواني الشعراء وله وعتيق..
يعطيكم الف عافيه..
تحياتي لكم

صح لسانك واعتلى شانك

مساجلة جميلة ورائعة لبن نجمين لا معين
استمتعنا بأبياتها البرونزية
تحية لك شاعرنا الوله
واخرى لزميلك السامق