اتساق الكلام ..! ( مساجلة وثنائيات شعرية )

جميلتنا نورة ..
أسفرت وأنورت وصح لسانك

-

من درفه البارح إلى واقع اليوم !
... ... ... ... مافيه يومٍ [ دون ذكراك ] عدى

اللي مضى فينا مقدر ومقسوم
... ... ... ... والشوق من بين الضلوع أستبدا

اسمك بعد ربي في الاذكار مختوم
... ... ... ... وانت الوحيد الي بعمري : مبدا

يزورني طيفك في الاحلام وآقوم
... ... ... ... تقول كن أنت / الأمير المفدى

من حق غيري صرت، يا شرهه القوم!
... ... ... ... وانا عليها في الشعور آتعدى

عهد النور معجب بهذا

المشاركة الأصلية كتبت بواسطة عهد النور

الكلام اللي على المعنى خطر
قد شكى صمت الليالي واكتوى

صوته المبحوح في ضفة شطر
مثل حزن البارحة فيك ارتوى

يالقصيد العذب وش قصد العذر
لو تعذّر بالمواجع والنوى !

حيهلاً بالأنيقة/ عهد النور ..
أضفيتِ على المكان نورًا وشعورًا ..
أهلاً بك على الدوام 🌹

عهد النور معجب بهذا

-

بأسمك ياربي ارفع الصوت وآقول !
... ... ... ... يا الله تكتب لي العفو والتياسير

وتكتب لغيري ماحلم إنه ينول
... ... ... ... وتعفو لكل الذي : خذته المقادير

عشت الحياة الواهيه عرضٍ بطول
... ... ... ... ولا حسبت حساب باكر وش يصير

ابعتذر ماكنت في وضع مسؤول !
... ... ... ... والطيش اخذني في زمان التدابير

جيتك على حلمك ومغفرتك آعول
... ... ... ... يارب..! تقبلني وتكتب لي الخير

؛




ما بين لا يُعقل أسيبك … ومعقول
كانت تحث لـ نفترق؛ رجلك السير !
،
حتى غدى ما بيننا الصبح مشلول
شيئًا فـ شيئًا؛ لين حسّيت شي غير !
،
إن الدجى؛ من بعد ما كان مغلول
صار " الفجر " عنّه … يفك الأزارير !
،
وآمنت بـ إن البعد لا شك محصول
بذرة سكوتي يوم أجي وماني بخير !

‏علي آل طلال ,شعور معجبون بهذا

؛



جيت أسيّل وجهك البارح بـ عيني
‏وأتخذ لك بـ المُقابل .. وجه ثاني !
‏،
‏ما أبي ؛ يبقى لك ؛ وماضيك فيني
‏أي شي، يْفكّ لـ "الذكرى" حناني !
‏،
‏واستعيدك .. وانا ما فِيّ ؛ لـ حنيني
‏لا استثار ودسّ اِسمك، في لساني !
‏،
‏و " كـبـريائي " تعرفيه .. و تعرفيني
‏رغم ضعفي .. طابعه: جدًّا أناااني !

-



آه ليتك يـ/ المشاعر تعتقيني !
... ... ... ... ولا تطري لي هوى منهو نساني

ذاك ما كان بنظر عيني ضنيني
... ... ... ... كان أبو قلبي وكان أغلى خٌواني

كان منٌا عايشٍ بيني وبيني
... ... ... ... أشهد أن العشق لعيونه : عماني

يوم كنت أشعل لعينه راحتيني
... ... ... ... كان هوٌ يجهز طعونه : عشاني !

كنت أحسبه مثل ماحبه يبيني
... ... ... ... وأكتشفت إنه بعمره؟ ما هواني

؛


نمت ياصوتي وما صانوا الكلام
كن ما به لـ اتساقك؛ غيري فَمْ !
،
ما بـ احمّلهم عتابي ، والمَلام
إنت أوّل من بـ " نومك " مُتَّهَم !

وابل معجب بهذا

تهمتي ترفرف على غصن الغرام
والحقيقه مايسنبلها الوهم

إسجنيني خلف قضبان الغمام
الظما في عالم العاشق أهم

تركي المعيني معجب بهذا

؛



كثر ماني؛ معْك "ذقت الإنهزام"
ما تبقّى للـ " أحبـــك " بي نَهَمْ !
،
استحلتك حتى في " عزّ المنام "
كن وجهك منخلق من رحم هَمْ !

..

إيه انا العايف ومملي بالملام
ولو تبي عفوي ؛ أبد ماقلت سم !
،
ذي أنا لي عزة ، وقدر ، ومقام
ما التفت للي بعد فرقاي تم !


محاولة ركيكه جدا *


..


شكراً للشاعر :تركي
حينما امطر عليها بقافيته ووزنه

/

تركي المعيني معجب بهذا