كلمة عتب،!

كلمة عتب،!

ابتدا بكلمة عتب ..
وينك انت ِ .. انتظرتك
خلصت ناري الحطب !!
ليــه غبت ِ ؟
ليه عن قلبي بعدت ِ ؟
ليه لما احتاج يقتلني غيابك ..
وانا واقف عند بابك
ما سألت ِ شاللي جابك ؟
وش اللي فيني ؟
وش اللي دايم في غيابك يعتريني..؟
آه من هم ٍ دفنته وسط صدري
وهم تنتظره سنيني
العمر ما ينتظر ..
في سباق يجري
وانت أتعبتي سنيني..
جاوبيني : ليـــه غبت ِ ؟؟؟

تدري إني دايم اتحراك
واشعل لك قناديلي ..
وأعطر كفي والباقي من الأيام
واشم في ريحتي صوتك
ينادي لي :
أنا مالي سواك انسان أتحراه
واحقق كل مايطري على باله
ويتمنااه ..
تراك انت الوحيده اللي على صدرك أقول الآه
تدور عيونه .. يتساءل
أنا توي سمعت صوتك يناديني
وجيت ملهوف..
تسابق خطوتي الأيام
واقول اسرع منتظره تلاقيني
وقفت عند نفس الباب
ولابه غيري ينتظرك
تحريتك ..
وعرفت ان الأمل كذاب
لكني تمنيتك ،،
فتحت الباب أهلي به
تفضل يا زمان الجور ..
تفضل بس لا تسأل
منو آنا..؟
من اللي في الهوى عانى ؟
ومن اللي يمشي في ظلك
حزين وخاطره مكسور
مشينا ف صمت انا وياه
يتحداني واتحداه !!
من فينا يحدد وجهتك إنت ِ؟
وأنا الأدرى ..
لأنك في وسط عيني
وفي قلبي سكنت ِ ..
بس قولي لي بصراحة
وين كنت ِ ؟!
ليه تخليني وتروحي
يابعد عمري وروحي
وانت ِ أدرى إني بغيابك أذوب
وتختلف عندي عناوين الدروب
لما أسأل وين إنت ِ؟
يعني أحتاجك تجيني ..
ولما أسأل وين كنتِ ِ؟
يعني يشتاقك حنيني ..
ولما أسأل هو إنت ِ باقي إنت ِ؟
يعني خليك قريبه
يا حبيبه .. من أنيني
من الحياة لا تحرميني
آااه لو تدري بشوقي
كان ما ذبلت عروقي
كان كل همسه
وكل لمسه
وكل احساس يصرخ لك
من تحتي لفوقي ..
ما تفووقي !!
في بعادك لا تخليني أعاني
في بعادك ..
قلبي يخفق .. خوف .. غيره
لا تحبي شخص ثاني
ياللي أتعبتي مشاويري
وتفكيري وكياني
أوعديني لا تغيبي عني أكثر
أوعديني..
إني إحساسك أكون
إبعدي عني الظنون
خلي حبي في فؤادك
يعتلي يكبر ويكبر
أوعديني ..
لجل أنسى قسوتك
ولجل أعيش بدنيتك
لا تغيبي .. أوعديني
:
:
بس خلص من كلامه
وكنت آنا ..طير طاير
مثل هاذيك الحمامه
تلبس الفرحة
وترفرف بابتهاج
تنثر البسمة
وتحلق في هيامه ..

للمزيد من مواضيعي