تَلمِيحْ ..

المشاركة الأصلية كتبت بواسطة إلهام

يسخر الله لك الطيبين أمثالك إللي جعلهم ما يذهبون
كلنا نمر بمثل هذه المواقف نفترض الطيب وحسن النيّة ثم ناكل "هواء"

قصة قديمة ذكرت لنا "بالعامي"
رجل كان على خيله وفي الطريق، لقى واحد كأنه ينازع الموت يأشر له بيده
نزل من الخيل وقرب عنده بيساعده، غدر فيه أخذ إللي معه من مال وخيل وانحاش
يعني كان يكذب ويمثل ومقرر أنه يسرقه
راعي الخيل قاله: تكفى لا تقوله لأحد لا يموت الطيب بالناس، ثم يخافون ياقفون لأحد محتاج

/
آللهم آمين وياك يارب..
وشكرا على الدعوة الجميلة
عن نفسي كليت هواء
وراعي الخيل مسكين أكلها مفلفلة
صحيح تعمل خير وتلقى شر.. _ومافي حيله _يقول
لاتسولف على أحد..
..
حتى مع الحيوانات تصير
هذا طال عمرك يا إلهام
سنة من السنين تسولف علينا جدتي الله يرحمها.
تقول : عندنا غنم واسرح بها ومرة من المرات الصبح جيت بسرح بالغنم فتحت الشبك
طلعن الغنم إلا وهاك الطلي ( خروف ) ناشب راسه بالشبك حاولت اطلعه عجزت ورحت جبت زراديه بقص الشبك ، قصيته وطلعت راس الطلي (الخروف) ورحت اركض بمكن الغنم لايبعدن ما دريت إلا شيء رجفني من وراء على ظهري والله ياوليدي احسبه قنبلة او شيء وقع علي وعضيت الارض والرجلين فوق وفكن الله من الزراديه مافقشت راسي وطول يومي ادعي عليه يامال السكين اللي تذبحك أو ذيب يمعطك ويوم وليله يدهنوني بفكس .
جت هالقصة على طاري الخيل والسوالف القديمة،
لكن قصة راعي الخيل تقهر ..
شاكر لهذا التواجد الحيّ والممتع
احترامي وتقديري
../

إلهام معجب بهذا