مساجلة شعرية بيني وبين نجم ضاوي ..

مساجلة شعرية بيني وبين نجم ضاوي ..

السلام عليكم ورحمة وبركاتة

أسعد الله قلوبكم بكل خير ي انقياء

من المساجلات الطريفة بيني وبين الشاعر نجم ضاوي

اتمنى تنال استحسانكم ..

*


*


*
البداية مني



كل ما أدق باب النجم في يدي !
يقول : من هو ياينا هالحزه !!

قلت الله الله لا تخف يا بعدي
ما غير جيت لهاجسك آجزه

وضعك مريب ولون خطك وردي
والقلب فندق فيه مية مُزه

لكن صبراً ذا علاجك عندي
بعلمك وشلون بس تتنزه

والله لو انك تقتلب لي هندي
لابد من هجسي تلاقي وخزه

ما انتا ( بجندح امرؤ قيس الكندي )
لا ولا ( خالد ) ... ولا انتا ( حمزه )

و لا انتا ( قريني ) ولا انتا أيضاً ( ندي )
لـ الشيخ سيف ... وللي يرعى معزه !

انتا عجيني / خبزي اللي في يدي
وشلون ماقدر لك وانتا خبزه

يلا استرح لازلت عندي جندي
ما ودي تأخذني باثمك عزه

هذي النهاية.. وباقي أكثر عندي
لا لا تسابق ( صقر شعري ) بـ وزه !؟


* * *

الرد من نجم ضاوي




هدي شويه يا وله بس هدّي
اشوفك الليله ترا تتزهزه


صغير ما تقوى لجزري ومدي
ابعد وشعرك في يدينك بزه


بسكت لسانك بس انا ماودي
تبات ليلك كل ساع تفزه


ابعد قبل لا أصلّحك لحم مندي
وادهسك بيدي مثل رز المزه


رح رح وحذرا لاتقرّب حدي
وشعرك ترا مثل الخشب بأحزه


خلي القصيد وروح غنّي ديدّي
وحظن من الحسره جدار ولزه


وان قلت انه لون خطي وردي
عادي ترا ورأي الخلايق طزه


حب المزز في كل حد يا بعدي
محدن وقف قلبه على حب مزه


حتى الوله داخله ما يعتدّي
من وسط مكه لين يوصل غزه

للمزيد من مواضيعي

 

)



مساجله
باذخه بين عملاقة الشعر
صح لسان الوله
وصح منطوق النجم
مبدعين ياساده ..
:

إلى النور مع ختم الجمال وتقييمي
وتقديري ..

الغيث ,الغند ,غصن و 1 آخرون معجبون بهذا

عبدالله الصقري

هالله هالله
وش هالجمال
ترى شوي وكنت بتهور
بس مسكت نفسي وقلت خل الشعر يهدي
بين خبز اليد و الرز المزه
شرق الحرف في حلقي وقمت ابكي
ماشاءالله عليكم
مساجله رائعه
اعدت قرائتها مراراً وتكراراً
فـَ ليهنأ بكم المدائن
ارجو ان لا تكون اخر العهد بهذه المساجله
لا حرمنا هذا الابداع

الغيث ,الغند ,غصن و 2 آخرون معجبون بهذا

النقاء ,عبدالله الصقري

مسابقة تسر الناظرين

وهنا يكتمل الجمال ويختصر كل المعاني الأنيقة

بالتوفيق لكم


يمنح لك المكافأة تستاهل اكثر واكثر

واشكرك

الغيث ,عبدالله الصقري ,الغند و 1 آخرون معجبون بهذا

غصن

مساجلة طاروقها مشتدي
والقافية من سحرها مبتزة
شفت الوله في المعركة متحدي
والنجم سيفه في اليمين يهزه
وتصد عين القافية وتلدي
وأشوف باقي في نظرها غمزة
والشعر مثل السيل لو بيعدّي
تبقى على اطرافه طراوة نزّة
جيتكم واكتب ملخص ردي
حول معناكم من أول همزة

مساجلة ذات احتدام من نوع آخر
أجزم بأن هناك المزيد
صحت ألسنتكم

نجم ضاوي ,الغيث ,عبدالله الصقري و 1 آخرون معجبون بهذا

الغند

.
.

صح لسانكما ..
رائعة من أجمل السجالات الشعرية ..
بكل ما حوت .. باسقة

دمتما للشغر واحة غنّاء ..
لقلبيكما السعادة ..
ودي

الغيث ,عبدالله الصقري معجبون بهذا

الله الله الله
صوت وصدى رائعين
صح لسانك شاعرنا وله
وصح لسانك نجم ضاوي
لاهنتم

تقديري

الغيث ,عبدالله الصقري معجبون بهذا

الله الله على جمال مبدعينا



الوله



نجم ضآوي



صحَّت ألسنتكم مدد بلا عدد
قوافي مميّزه و معاني جزله



القدير غصن

مجاراتك مسك الختام يوم الأعمال بخواتيمها

كـ الشمس غطّيت النجوم
و صرت يـ المسك الختام



للجميع جل الود والتقدير والاحترام

مع أرق واجمل تجيه

الغيث ,غصن معجبون بهذا

ماأجمل تلك المشاعر التي
خطها لنا قلمك الجميل كتبت وابدعت
بين سحرالحرف كان التجول سعيد وممتع

آسيا

الغيث معجب بهذا

مساجلة رائعة في قالب عفوي جميل
الله ما أجملكما من شاعرين
تحية لكما وعساكما ع القوة