فيض

-


يا خيبه الإحساس في عز حاجتك !
... ... ... ... للي تبي منه [ يمثل ] أمانك

-



بعد ليلهٍ حمراء من قبله !

ترفع هي صوت المذياع عالياً على أغنية صاخبه وترقص ،
خشية ! أن يبدأ بتكرارِ أسمها وينتهي بالبكاءِ عليها
وتبقى هي .. بين وجع الخيانة ، وغدر قلبها النازف بحبه






تصٌور شقد قلبي تنزف جروحه!
... ... ... ... والا انت وشلون تشعر لاجل تتصور؟

احدٍ يقدم على كف الوجع روحه
... ... ... ... وأحدٍ على ذكريات الغير / متـكور !

-

كثير سمعت أن الأنطباع الأول ما يتغير !
وماني عارفه اذا أنتو توافقون هالرأي أو لا ..

عن نفسي اؤمن أنك ماتقدر تأخذ أنطباع ( حقيقي ) عن الشخص الا بعد ماتعرفه كفايه
و اؤمن أن لكل شخص مزايا مهما ظهر لكم بغاية السوء ..

ممكن هالشخص تحت ضغط أو ظروف معينه أو حتى بقلبه خوف من إنه يكون بطبيعته بأختصار


شكثر شفت ناس !
لو بحكم عليهم من أول مره كنت مستحيل أكرر لقائي فيهم وبعد فتره انصدمت أنها
كانت قشرة المظهر وبمجرد ما راحت طلعوا لي ناس جميلين حيل بأخلاقهم وشخصياتهم

أنا ضد أن أحنا نحكم على شخص لمجرد إنه يتركب من الأغلاط الشي اللي الله سلمنا منه وصدقوني
يمكن لو جاتنا الفرصة راح نكون اسوء بكثير .. يجوز تخالفوني الرأي بس النفس آماره بالسوء فعلاً !

محد فينا معصوم لولا رحمه الله


أنا هنا ما أكتب نصيحة أعرض رأي شخصي وبس .. وأتمنى من الناس تعطي الفرص من يدري
ايش ممكن يضيع من يده لو أكتفى بس بالأنطباع الأول !