::أدعوك إلهي ربِّ اجعل قلبي بِحبكَ موصول فَ هب لي رضاك :: | .
بوح الأرواح ( بوحٌ تتسيّدُه أقلامكم الخاصّة في عزلة مقدّسة بعيدا عن الردود ( يمنع المنقول ) |
( بوحٌ تتسيّدُه أقلامكم الخاصّة في عزلة مقدّسة بعيدا عن الردود
( يمنع المنقول )
09-21-2022, 03:02 PM | #372 |
|
رد: إحسآس .. و مجرَّد حروف
انا ؟! مريض نفسي . و أبياتي عْلاجي اكتب عشان ارتاح . ما ذقت انا الراحه في قصتي وا مسي . طرفي غدا ساجي و القلب من تخديــر كل ابناجهـا واحــه فيني من الوجدان ما يطفي سنا سراجي فيني من التحنـان ما زوَّد بــه جـراحـــه ما بـاقي الا ورد ذابــل .. زوَّد احـراجـي إذا ارتـوى ما بقى بعد الـروى ســاحـــه 11:24 ص 21/09/2022 |
|
09-27-2022, 07:23 AM | #373 |
|
رد: إحسآس .. و مجرَّد حروف
من جـد . طاح الجمل . كثـرت سكاكينـه أيقنتهـــا بـ شـوفـــة مْنــوَّم يزورونــــه و السالفـه ( في الفجر , باللي مسمّينـه في غرفتـه ) و الفرح !؟ دمعٍ يدارونــه بِكرَه و أوّل ولـــد هـم بــه منـــادينــــــه جاني و انا حـارس المصعــد و ما دونـه قبل اســألَه سـم , آمـر , قال : ذا وينــه 1 قلت انزع الكمّام . لاجل اشوف مظنونـه في حَضـرة الكـل جــاوبنـي مطـر عينــه و اخذني فـ حضنه و و هيَّضني شجونـه هو جـاري و هو أخـوي من اوّل سنينــه أبـــوه شيـــخٍ كبيــر و طـاحـت سـنـونــه أبــوه ابــوي .. و مـربّـيـنــي على دينـــه إمــــام في مسجـــــد الحـــاره يحبــونــــه جيتــه , و قبّلــت راسـه , خــدّه , يـدينــه و هو طريــح الفـراش اربـــع يــداوونــــه قال اتصـل لي بـ ابــوك ( اغلى محبّينـــه ) أوّل مصلِّي وراه لـ مَــن يـلـبّـــــونــــــــــه جـاوبت : لا زال مـع جملـــة مصلّينــــــــه لكـن أجيبـه و لو ما تشـوفــك عيـــونــــــه و اخــذت اورّيـــه بـ الجــوَّال فـي حـيـنــــه عيـــد الفطــر , قبــل مَجْمَعنـــا يـهـدونـــه لكنّـه انـهـــــدّ .. و العَـبـــــره ريــاحـيـنــــه 2 لكنّهـــا غــرَّقــت قـلـبــي و مـكَّـنــــونـــــــه لـقـيــت نـفـسـي بــــلا ورده و لا تـيـنـــــه وَضَعتهــــا في مكانــه . هِنت مـن هُـــونــــه لقيـت الانســان روح , و نـفــس مسكينـــــه الـــــروح لله وحـــــده و ذيــــك مغبــونـــــه حصري الاحد 25/09/2022 12:47 1 الفرح هنا انا التقينا بعد عام محد يدري عن الثاني حين أتى ابنه إليه ولم اعرفه بسبب الكمامه 2 ( يعني حاول ما يبكي لحد ما ساءت حالته ) المفارقه ان له اربعة ايام و وقتي معه 4 دقـائق دعـواتكــم لـه بالشفـــآء |
|
09-28-2022, 06:08 PM | #374 |
|
رد: إحسآس .. و مجرَّد حروف
إنت ؟! جتـك عيـون حلوه بـ الكحــل أعميتهــــــــــــا جتك ..... مثل الريح فلـوه راويه ،،،،، و اظميتهـــــا ضمّتـك في كـل خــلــــــوه و انت !! مـا ضمّيتهــــــــا ليـــــن مـــلَّا الحب دلـــوه و الجـــــروح ادمـيـتـهــــا حصري الآن 06:00 م 28/09/2022 |
|
09-30-2022, 08:18 AM | #375 |
|
رد: إحسآس .. و مجرَّد حروف
يا نبض قلبي ضي عيني كيف تطعن مهجتي بخنجر ظنون اغتالني في عز سطوة عشقنا ترى الأكيد اني من اول ما عشقتك من سنين الى الممات احتاج لك و احلم بصوتك ينتشلني من لظى مليون غربه |
|
09-30-2022, 08:19 AM | #376 |
|
رد: إحسآس .. و مجرَّد حروف
يـا نـاظـري .. إنت الـنـظـــر و احلى من الروض الخضـر يا اغـلى عليّ من الـعيـــون لا تــزيـــدنـي هــمّ و قـهـــر ســألـتـنـي : كـيــف الأمــــر نجني من الغيــــم الـجـمــــر ؟! . .. نـكـوي ظمـآنا وما نهـون لـو مـا لـنــا نـهـي و أمـــــر لــو يـنـتـظــــر ضـيّ البـــدر و اقـــدّم لـ شــمـســي عــذر يـمكـن يـغـرّبـهــا الـشجــون و يـــأخّــــر آذآن الـفـجـــر انــا نـــديــمـــك يــا بــحــــر مـا ابـيـعـــك بـ ليلـــة سهــر يـا مـــوج بـاللـه لا تـخــون لـي قـلـبـن مـطــوّل ســفـــر يــا نــاظـــري طــال الــدهـــر مــا ذقـت مــن زخّ الـمــطــــر الـغـيــــم لـو جـافــا ,, حنـون يـرحــم بــه اللّـــه الـبـشــــــر وش للـغــريــب من الـهـجـــر أو للــدفـيــن من الـصّــبــــــر ذاك انـتـهـى عـمــره بــــدون و الـبـيــــد للـــراحـل قـبــــــر أبـكـي عـلى قـلـب انـغــــــــدر و الاّ عـلـى صـحـبـــة شـهـــر و الاّ عـلـى ســـوء الـظـنـــون و الاّ عـلـى قـــولــــة : قـــــدر يـا نــــور هــــدّاج الــقــمـــــر حـالـي مـن الـهـجـــر انــدمـــر بـيـن الـشـفـايـف لي طـعــــون مــوت ٍ أبــيـــه و مــا حـضـــر |
|
10-14-2022, 05:14 PM | #380 |
|
رد: إحسآس .. و مجرَّد حروف
هذا سلامي يـ المحبين ابـ القيه قآفٍ ورثه المهتوي من جدوده للي غدا واحتار مثلي ابـ اهديه أمّا السعيـد حْظوظ وقته جنوده ما قدعرفت الحب ماكنت اناديه ولااستقرَّت في ضميري وفوده امشي ولي دربٍ مجافيه واشيه ظلّه بــراد و مـايســـاتٍ وروده ترسمني الفرحه قصيـدٍ أغنّيـــه بـ لحون بشراهــا مقابيـل نـوده أهامس اوزانه و تضحك قوافيه و مرتِّبــات سنين عمري بنـوده وانـام ما في القلـب شي ٍ يعنّيـــه ولا بـه اللي يأمـــره او يـقــــوده اليوم صاراطلال في شوف ناعيه و من الهوى يا ناس همَّه يروده هـــدَّه حبيبٍ لو يفــارقني اغليـــه فيـه آتفكَّــر و المشـاعــــر ودوده اللي عيونــه جاهل الحب تـدعيــه هي مولـد العـاشق و فيها لحـوده اللي جديلــه كـ الغــداري مساريـه يكسي لريَّـــان الـرَّعابيــب عــوده كيف القدر ساقـه و عجَّل خطاويه يمِّي و صحّى خافقـي مـن رقــوده قال اشتَراك الحب مني وابـ اَشريه منَّـك و خذ عربون و ابرم عقـوده تـرفٍ رقيــق الحِس أغراني بـ فِيـه عَـيَّـشـنـي بـ جـوٍ غرامــه يســـوده قلـت الفـؤاد ارتـج وشلـون اهدِّيــه قال انتظــر والحـب تلقى شهــــوده اقبــل عليّ و ضمّني بيـن ايـاديــــه لا والله اغواني بـ ضمَّـــــة نهـــوده فمَّه يسـاقيني من الخمـــر واسقيــه شـــوقٍ لواهيبـــه تــــذوِّب جمــوده محـلا الكـرز محـــلاه عنّاب أجنيــــه من روضة اوجانـه و جيده وخدوده لا شك يسحـر من يشوفـه و يغويــه و انا شبكني في حبــايــــل كيـــــوده لكنّ بَحــره مــا عــرفنـــــا موانيـــــه ليـــلٍ بـه الغـرقـــان تــاهـت حــدوده ياللي ملكـت القلــب ردّه لـ راعـيــــه وشعـــــاد بــاقــي لي بليَّـــا وجـــوده قلــبٍ ملكـتـــه لا تتـلَّـــــه و تشقيـــــه و فكـــرٍ مـريــحٍ لا تهيِّــض ركــــوده لولاي اسلِّـي خــاطري كان يـمـديـــه مْن الصَّبُـــر مـا حَـبّ حتـى قـيـــــوده دنيــا لها ميعــــاد للضّيـــم بـ وجيـــه من مَـدَّهـــا بـ الطِّيــب يلقـى جحــوده يهنـاك طـرد اللال في واســع التيـــه يا خــافقٍ ضيَّـــع دوازيــــن عــــوده و يا عيـن عِــزِّي دمعـــك ولا تهلِّيــه لو الفـــراق يزيــــد همَّـــــال جــــوده تستـرسليـن بـ وجــدك و كم رسلتيه لا هو رجــع لك لا ولا ارســل ردوده اقفـى وخـلاَّنــي بـ روحــي مخفِّيـــــه ما آبي تشوفــه كل عيـــنٍ حســــوده اللي سـكـن فيني و انا ســاكـنٍ فيـــه ولَّعني بـ حبَّـــه و طــــوَّل صـــــدوده اول ليا من ضــاق صـــدري يسلِّيـــه واليـــوم خــالفني و خــالف عهــوده كم قلــت لـه لا تتعـب القلـب يكفيـــــه ياما و ياما ميــر ضــاعــت جهــــوده منــآي بس اوصـل مكانـــه و اناجيــه قبـل الجســد في الرِّمْـس ياكلْــه دوده و آعــرِّفـــه جــرح الغــرام و معانيــه يمكـن يـراجــع نظرتـــه في وعــــوده ما كان اهوجـس به ولا آقول هاويـــه و ما اعماني من الغيم شوفـة رعـوده من الإرشيـف |
|
مواقع النشر (المفضلة) |
الذين يشاهدون محتوى الموضوع الآن : 1366 ( الأعضاء 0 والزوار 1366) | |
أدوات الموضوع | |
انواع عرض الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حروف الجر.. معانيها واستخداماتها | الشادي | المكتبة الأدبية ونبراس العلم | 10 | 06-19-2022 11:59 AM |
حروف متوحشة | الامير | سحرُ المدائن | 8 | 08-06-2021 08:11 AM |
حروف الظلام | الغيث | قناديـلُ الحكايــــا | 20 | 07-23-2021 05:53 PM |
حروف خرساء | علي المعشي | سحرُ المدائن | 17 | 07-14-2021 10:02 PM |
حروف وطني | سليدا | قناديـلُ الحكايــــا | 15 | 05-25-2021 04:29 PM |