لا بغيت تغيب غيب

لا بغيت تغيب غيب

.
.


إذكر إني قلتها لك ألف مرة مايصير
لا بغيت تغيب غيب وبس حآسب في سؤالك

لاتجيني من بعد ما أيقنت بـ غيابك مصير
والسبب إنك سمعت بـ غيرك أخترته بدالك

ليه ترجع ..؟! بعد ما أقلمْت نفسي ماأطير
بعد ماقصقصت جنحان الحلم .. مالي ومالك

ألف مرة أحتضر في غيبتك موتي عسير
وأتهاوى ضيق وإنته حضرتك ماجاء فـبالك

إنه بـفرآقك كسر أكبر من إحساس الفقير
لا إنسأل في رجعته ماجبت لقمة إلـ عيالك

لا لمح وبـ أم عينه .. دمعة عياله نذير
لا سمع حس الذبول يقول له .. ياشين فالك

ألف مرة قلتها لك .. إني أتعب بك كثير
وإني أصحى بـ حضن دمعه وأرقد بحضني خيالك

وألف مرة قلتها لك والله إني مو بخير
في غيابك كل حاجة بـ دنيتي عجزت تنالك

للمزيد من مواضيعي

 

وللشجن مع بشرى البشرى ههنا مصافحة ثانية
عساكِ وخير الخير يا راقية

بُشْرَى معجب بهذا

المشاركة الأصلية كتبت بواسطة الدّانة

وللشجن مع بشرى البشرى ههنا مصافحة ثانية
عساكِ وخير الخير يا راقية

.
.

سلمت روحها الغالية
حياك عطرنا

الدّانة معجب بهذا