ماللقلوب أوجاع في حضرة جنابك

فعلا كنت بصدد طرح قصيده الليله هنا
لكن المعروض في القسم فاخر جدا
تتوارى أبياتك الخجلى أمام هذا الإبداع

لكن أبشروا بالعوض ولا القطيعه

للعلم فقط ..




ياناشدن عن ذاتي وعن حرفي وجوفي ومكنونه
تجيك الأخبار من قدح القصيد وصافي كلامه

أنا الوفي اللي ماخابت بالناس هقوته وظنونه
وانا الحليم صابر على جور الخوى والعامه

وانا العاقل اللي ليا شبت الحميّا جن جنونه
وانا الحكيم اللي طيّش الظلم عدله وأحكامه

ماصغت المدح أدور صيت عند راعي مهونه
صيتي شامخٍ بين ربعي ومرفوعةٍ فوق أعلامه

لكن ننصف النفس بالحرف والبيان وفنونه
لعل كل حاسد قبل ينطق يخاف الملامه

وان جات للنفس ماتدور ورى الناس معونه
يالله عسانا من الناس في حفظ وسلامه



،،

النايفه

ممتنه لكافة العابرون هنا

مما وصلتي من تقييم

بأجي كل يوم هالناسفه انسف الروتين الممل برحابة حرفك

المهم انتبه طال عمرك بأسباب السلامه
الخوذه والدرع

وختاماً

لاتظنن سكب المشاعِرْ هينٌ
كأنّها أشواكٌ تُنْزَع من الحشا


،،

صباح الخير

هل يعقل هذا ؟
مدونتي بالصفحه الثانيه ؟
ليه بس
وإذا غبت ! أهون عليكم تحذفونها بالمستودع

من نصاني ،
قلت له أبشر وآمر وتم
لو يديني من الدراهم والزاد فارغه

الصدّه بخل .
والمقابل كرم حاتم
كُنْ طلق المحيا ،
بسمتك حاضره

والعطايا مواقف
والخذلان مأتم
وتكرم يميني عن المدّه الصاغره

الشعر هوايه . .
وفي روايه غوايه
وكلٍ له بصمه . .
وفن واحساس

والنقد بابٍ له أسلوب ..
ودرايه ..
فيه المعتلي
وفيه معلن افلاس ..

حروفي أصايل
ميدانها صدرٍ وقافي
تسبق فعول الاوادم
وعينها تشوف

تسلب لِباب عقولٍ ذهنها صافي
سلوم العرب تقلط عليها ضيوف

وللشعر بردةٍ
بات راعيها دافي ..
كنّ القوافي بيده سلّة سيوف

ألا ياشعري
دونك الهوى لافي
وفي عتمة الليل أشعل حروف

صباح الخير

ومن ثم كح كح
ماهذا الغبار ؟.

أدري مقصره
ويحق لكم تسحبون العضويه

لكن .
عطونا فرصه لعل الآخلاق تزين

أنتم " كريمين " واحنا على باب الله