هديَّـه

هديَّـه

تَغَنَّى بي و لَحِّنِّي بـ كيفك
و خذ من قلبي المغرم هديَّـه
و خلّينا بـ هـ الليله نغنِّي
خواطرنا يسلِّيها سهرها


أظلّ ان جيتني في الدار ضيفك
تهلِّي بك أحاسيسي نديَّـه
جذبها هآجسي منّك و ظنّي
و غيمه ما يجود اْلنا مطرها


ألا يا من سرق هـ الشوف طيفك
و عَتَّم بـ النظر . وشعآد ليَّه
أنا بـ شفآتك الترف اْمتعنّي
و لا علّيت من صافي نَهَرها


وليفي لا تماري لي بـ زيفك
و لو كانت همومك سرمديَّه
إذا خفت الحكي عنَّك و عنّي
ترى الدنيا خذت وجهة نظرها


حبيبي من عيونك رد سيفك
ولا تسفك دموع ٍ نرجسيَّه
و يالعبره جرحتيني . تمَنَّي
يجيك الدرّ من غبَّة بَحَرها


ترفَّق لو طغى بـ شتآك صيفك
و ملِّ الكآس . خَلَّ الشآذليَّه
ينسِّينـا و قرطوعـه يهنِّي
ولو خآن الصدور وما سترها


ولا تندم ولا يزدآد حيفك
ولا تبكي من اوتآر ٍ شجيَّه
كتب ربي على نآس ٍ تغنِّي
لـ نآس ِ ما يفارقها كدرها



من إرشيفي الخاص
1419/5/1هجري

للمزيد من مواضيعي