|
|
| قبس من نور ( إبحار رأي، ومقال تسكبه حروفكم ) ( يمنع المنقول ) |
( إبحار رأي، ومقال تسكبه حروفكم )
( يمنع المنقول )
 |
|
|
أدوات الموضوع | انواع عرض الموضوع |
|
#1
10-24-2023, 08:36 PM
|
|||||||||||||||
|
|||||||||||||||
هجين تجار الدم
ياترى بعد مبتحط القنبلة ...
وتسمعها بودانك ... وتشوفها بعينيك ... فرتكت كام واحد ... اللي قطعت دراعة ... واللي رجله ... واللي شقته نصين ... ونافورة الدم ابتلعت المكان ... والناس مخضوضة مذعورة مصدومة ... من بشاعة المنظر ووحشية الانسان ... ياترى بتشوف ده كله ... بيوصلك ... بتحسه ... بتشعر بيه ... بيأثر فيك ... ولا عادي طبيعي ... وبتكمل يومك وبتعيشه ... ولا كأن فيه حاجة حصلت ... ولو كنت بتصلي بتدعي بإيه في صلاتك ... يسترها عليك ... يغنيك ... يشفي مرضاك ... ويحبب خلقه فيك ... بتقول لربنا إيه ... في لحظتك دية ... بتطلب منه السماح ... يرحمك ... يغفرلك ...ولا ايه ... ولما بتقعد مع صحابك ونَاسك ... بتضحك كده وتهزر اخر روقان ... بترد علي ده وده تكبر ... وده تلضمه في سبحتك قوام ... ولما بتجوع ... ياتري بتاكل بنفس مفتوحة ... بتمضغ لقمتك بالراحة ... بتستطعمها ... مالحة جارحة ... مهضومة ... وعيالك بتبص في عينهم ... بتشاغلهم ... بتجيب حاجة حلوة معاك ليهم ... بتقعد كدة وسطيهم ... فرحان بيهم ... وبيك هايصين ... وساعة النوم ياتري ... بتترمي علي فرشتك كده من غير تفكير ... ولا بتعاشر حتتك ...ولحظتك بذمة خالصة ... بضمير ... وياتري بيجيك النوم علي طول ... ولا بتاخد وقت ودماغك شغالة ... صحيح هي بتشتغل دماغك ... يعني بتفكر ... بتسألك وبتسألها ... بتاخد وتدي معاها ... ولا فيك مبتسألش ...و تسيبك وتنام ... وتبدأ تاني يومك ... وعينك علي تليفونك ... مستني تعرف ... هتدبح مين النهاردة ... هتيتم مين النهاردة ... هتحرق زرع مين ... وقلب مين النهاردة ... والسبب انت نفسك مش عارفه ... ولا فاهمه ... ولا شاغل بالك بيه ... انت همك كله نفسك ... اللي حرقت انسانك ... حقيقي انت مش بشر ... ولا حيوان ... انت هجين ... صنعوك تجار الدم ... من جهل وحقد ... وفكر لعين ... حسبي الله ونعم الوكيل ... فتحي عيسي للمزيد من مواضيعي
  
|
|
10-24-2023, 10:17 PM
|
#2 | |
  
|
رد: هجين تجار الدم
.
. مشاهد مؤلمة تعمّق الحزن فينا ما نحن صانعون !؟ لا نملك إلا الدعاء لهم بالنصر والرحمة تكتب بمداد الواقع الأليم شكرا لمشاعرك العظيمة وتفاعلك الكبير بحق كل التقدير لأدبك الرفيع سلمت روحك وحماك للوشم والنشر مع منح المكافأة |
|
|
.
. يا بلسماً في الحب لك الروح ساخية دم سالماً يا قرّة قلبي بصحة وعافية #أبي  
|
|
10-24-2023, 10:36 PM
|
#3 | ||
  
|
رد: هجين تجار الدم
اقتباس:
الأديبة السامقة بشرى نعم مانحن صانعون ننظر والألم يمزقنا والغرابة تلفنا والعالم أجمع يعلم كم من الإطفال والنساء والعجائز تحت الأنقاض والبيوت والمستشفيات تدمر كل دقيقة والصهيوني الأكبر يعلنها اليوم لاوقف لإطلاق النار قبل تسليم الأسرى الفلسطنيين هذا المخرف الملعون بايدن يالهول مابنا أين جمعنا لاحول ولا قوة إلا بالله تشريف يطيب لي ويسعدني برؤاه النيرة وإحساسه العالي صدقا وحرفه الغارف من نبع الأدب الأصيل تفاعل أقدره غاليا وأثني عليه شكرا كبيرة لشخصك الغالي وذوقك الرفيع بارك الله في عمرك وأسعد أيامك مودتي وإحترامي |
||
|
التعديل الأخير تم بواسطة فتحي عيسي ; 10-24-2023 الساعة 10:39 PM
|
|
10-24-2023, 11:13 PM
|
#5 | ||
|
رد: هجين تجار الدم
اقتباس:
ماتشوف شر أبدا يارب أي شئ تاني مش مهم المهم صحتك وبعدها يحلها حلال سلامات ياراجل ياطيب |
||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| " تميل الدنيا ولا اميل ابداً " شغب ريشه~ | ملاكـ | شغب ريشة وفكر منتج | 14 | 06-19-2022 01:27 PM |
 |
العرض العادي
