عشان تنجح في حياتك

عشان تنجح في حياتك

عشان تنجح لازم تفكر أولا إنت فالح في إيه
بتحب تعمل إيه بمزاج وإخلاص وتأني وضمير مرتاح علي الآخر
وياتري لما بتخلص اللي في إيدك بتبقي مبسوط ولا عادي بالنسبة ليك
ولا معجبكش لسه في إمكانية تعمل أحسن وأجمل وأروع
لو حسيت بكده إتكل علي الله ونمي ثقافة عملك
وإخدمها تخدمك كل حاجة تخصها أقرأ فيها أي حاجة
في محورها عيد وزيد عليها متسكتش
ولو إقتنعت إنك كده خلاص لمتها من كل النواحي
وبقيت بارع فيها إعرف إنك سقطت بإمتياز فيها وعمرك ما هتوصل
للمرحلة اللي مبتنتهيش وبإستمرارية في تحسن ملحوظ تمللي يضيف ويضيف
مفيش علام إنتهي ولا علم وقف عند حد معين
بالعكس كل يوم جديد مهما كانت طبيعة عملك
لو رضيت باللي جمعتة وإنكفيت علي حالك حاصرت نفسك
في حتة ضيقة كل يوم هتضيق أكتر عليك إنطلق
وسع مجالك خليك دايما في الصدارة
متقبلش تكون كمالة عدد
عارف لو تميزت في أي حاجة أي حاجة مهما كانت
وأتعودت إنك تكون مميز
علي حق مش بق ولا عن جهل ولا غشومية
مستحيل ترجع تاني هتفضل ماشي في سكتك
ويوم عن يوم تميزك بيكبر وقيمتك بتكبر
وهتحس بلزومك في أي مكان تحط رجلك فيه
الأخلاص في العمل عبادة
والنجاح محتاج تميز وثقة
وحرص علي الإستمرارية
بطاقة متجددة نشطة
لا تعرف الفشل ولا الكسل
ولا الإتكالية
كن أنت
وأثبت كل يوم
إنك تستحق الأحسن
فتحي عيسي

للمزيد من مواضيعي