الألم ( رساله على عجل )

الألم ( رساله على عجل )

رسالتي
إليها
‏




لا القلـم يكتـب ولا الصفحه تشيـل
والألــم غـيـر الألـــم غـيــر الألـــم

الألـــم مـولــد عــذابــات ودلـيــــل
و الألـم صمت الفـرح باللي انهـدم

والألـم هو شرهـة الشـوق البخيـل
بيـن محــروم الـغـلا و قلـبٍ حَــرَم

لا غـــدا بـيــن الأحـبــه مستـحـيـل
مستحيـل يطيـب مـن حَبّ و غَــرَم

انتـي اعــذب مــن زلال السلسبيـل
زهر ينبت في الصخـر فـوق القمـم

جيتي فـ قلـبـي غــلا حـالـي جليــل
وصرت في روضة غلاك احياالعدم

صــرت بــارد حــس متبـلـد ثـقـيـل
كنّـي البُـوم او من اســرآب الرَّخـم

صقـر انـا يـا بنت شايـل هــم فـيـل
و آدمــي مــن زود ما فـيـه انهــزم

ايــه احـبـك قــد مــا دمـعـي يسـيـل
وانـتـي تموتـيـن فيـنـي حــب جـــم

مـيـر مـالـي حــظ اسـمــع للهديـــل
او اشوف الشمس فـي داجي الظُّلَـم

كـ اليتيـم المنـفـطـم مـا لــه خلـيــل
جاهل لصـوت امـه وغصـب انفطـم

يكبــر و وجــه امَّــه وجيـهٍ يخـيــل
يحلـم و يحلـم و يـسـعـــده الـوهــم

رغـم فـقـده كــل غـالـي مــا يمـيــل
دايـمـا يـدعـي لـهـم و هـــم الأهـــم

هــذا هــو قلـبـي ولا غـيـرك بـديــل
يـا أحـن الخلـق و اقسـى مَـن حَـرَم

الـوفــــا إنتي و قلبــك ذا نـبـيــــــل
اصــدق العـالـم و شيخـه في الكـرم

مــا بخلتـي يــوم حـتـى المستحـيـل
جايــدة بـه و شايفـه الممكـن عــدم !!!

يالأصـيـلــه لا تـخـافـيـن الأصــيــل
دام صــدره يحتـضـن عـنـك السَّهَـم

عـهـد ربــي بينـنـا يـــا ام الشـلـيـل
مـا اخونـه لـو بــي الـجـرح احـتـدم

ذي لعـينــك قـالهـا عــابــر سـبـيــل
عـنـد بــابــك طــاح وانشـلَّـت قـــدم

لو كتب مهمـا كتـب يبقـى الجميـــل
ما كتَبْـه لروحــك بْـ دَمَّــه و رســـم

للمزيد من مواضيعي