يـ زين الحب

يـ زين الحب

يـ زين الحب ، لحظاته مثيــره
تخلِّي العــاقـــل بليّــَا بصيـــره

شموســه تشرق و لو كان ليل
و قمــراه ان حضر دايم منيـره

و صُمَّ الصَّخْــر بـ اسبابه تِفَتَّت
و ذاب بـ سلسبيلــه في غديره

ثـوانيــه الحقيقيَّـــه و الاجـمــل
ملاحـم روح ، فيها ألف سيـره

تِـبِـــل كبــــود حُــــرَّا ظـاميـــه
تبي قطـرة مطـر تشفي ضريره

ترانيمـه رعــود تقـضّ مضجـع
و يسقيـك الخمـور بـ طعم شيره

و ربِّي لـ اجعَــل الأبيــات تنطـق
بـ حقّ عيــون الاحباب السهيره

أخَـذ منها السَّهَـر عمر و مدامع
و باتت في حَرَى نظـره كسيــره

تشاهــد في الخـلايـق حب عابــر
و تبكي وردهــا الزاهي و عبيـره

تشوف انسـان في ملبـوس مغرم
يفاخـر بـ السّميــر و بـ السّميــره

كما الآفــه نَخَـر ما عاش وسطه
و صار اكثر مَثَل بـ الفيـن ديــره

يِجِلَّــه فــاقـــد الرَّب و رسـولـــه
و لا يعلــم جنـــاه اَيَّـــة كبيـــــره

صغـائــرنـــا لـ من فيهــا مجــاهر
كبـآئــر أعـظــم , تْوَقِّـــد سعيـــره

على ظَـنّ الّــذي تْـمَــــدَّح بــهـــــا
يبــات و فــارغ عيــونـــه قـريــره

ولا يــــدري بـ إنّ اللــــه فـــــــوق
عليم و مطّـلِـــع خافي السِّــريــــره

يـ زِيــن الحـب ، يا زِينــه يـ زِينـــه
هو الأوضـح ، هو الأكسـى ستيـــره




10:55 ص ‏25/‏06/‏45

للمزيد من مواضيعي