شمعة ابتهال

شمعة ابتهال

إلى روح الشعر:






ياباعث صوتي إذا مس الهوا فيه الحبال
طالبك اذا هو مرتفع بالشعر يدمي له صدى

مما تعلمنا نعلم قافنا الصيد الحلال
وتحسن ختام المطلع اللي ضل في قفلة هدى

وتكفي الصدر والعجز في ساحاتنا شر النزال
من هاجس اللي هيجن القيفان لين اللي حدا

ويارب تكفي كف ذهن في عسر ذل السؤال
وتسقط له الفكر الجني لاهزهز جذوع المدى

ويارب تكسي عاري التصوير منسوج الخيال
لان التخيل لا سدى ..جاه التصور وارتدى

يارب أحسن بالبديع أرض بكر تنشد جمال
يورق سجع يزهر طباق وتوريه تصحب: ندى

ونلقى معاني بيوتنا بنيان مرصوص المنال
على نوافذها وقع إيقاع واقعنا وشدا

ويبقى علينا فلسفة هالشعر من دون ابتذال
تصبح تجاربنا جواربنا إذا الموقف عدا

مايعني النظم انتظامه او رجولته ارتجال
ممكن تكون المنفعل وهو يكون اللي هدا

ممكن تنادي له يصد وتطلبه : تكفى تعال
ممكن قبل ( تكفى تعال ) يجيك دون أية ندا

مابين أوراقه ورقراقه تدلى الإحتمال
ولاراح غرس بين مطبوعه ومسموعه سدى

هذا الشعر بحره بهي حبره شهي وراس مال
في كل حالاته يسوق الفخر والعزه عدا:

في حال صابه كسر والا انتحال واحتلال
يجتاحنا حبه وهو يحتاجنا وقت الردى

يحتاج نوقد له بجوف الصمت شمعة ابتهال
يالله تحسن خاتمة بوحي اذا المطلع بدا


.


*

للمزيد من مواضيعي