مشاعر ساكنه ..

ويرتدي الصباح لون النقاء بعد عتمة الليل
فيبث أنفاسه بِـ نسمات تنفث في الروح أملاً بأن القادم أجمل ..
قد تبكي بكاء المضطر وتنام .. والله لاينام عن تدبير أمورك ..
تمهل! (إنه يدبر لك في الغيب أمورا لوعلمتها لبكيت فرحا)
صباح التوكل على خير المتوكليين

ياللي غلاك بداخلي توه جنين
ينبض مشاعر بالجوارح هاجده

تسكن حشايه بين قلبي والوتين
نبضات حيّه بالحنايا ساجده

تنبض ترانيم الغلا شوق وحنين
تحيي وسط قلبي مشاعر واجده

سمو معجب بهذا

مياسم الجوى ...


تعبت من الدنيا ..فؤادي عليل
اعلل نفسي والشقاء خليل

أماجد لو بانت من الوجد خلّة
أعزي فؤادي والعزاء جميل

ولم يُجدني صبري وقلبي يتوقه
طيوف حبيب بالخيال تجول

ويوقظ ذكرى قد طواها بحلمها
ولم يشف منها بالبكاء غليل

قوافل احزان تعيش بمهجتي
وتسكب دمعا في السكون يسيل

فياحسرتي امسيت وحدي على الطوى
جريح لفقدان الحبيب ثكول

ويسأل ليلي كيف تغفو جوارحي
وليس الي ماابتغيه سبيل

غرامي مياسم بالجوى و رسومها
بداخل قلبي بالضرام.. تصول

عذاب مرير بالخوافى مداره
وسالت به العبرات كيف تزول ؟

ايا حب عمري عافني قد قتلتني
بحبك استشفي فكيف تطول!

تراك على عهد الهوى ام سلوتني؟
وعمر هوانا في القلوب عليل

سمو معجب بهذا

حبي الأول ..


براءة طفلةٍ جيتــك أعيش الحـب بـــك غنوه
عيونك حلمـي الوردي وألحاني شذى عطرك

أموتــك نبض يحييني وكــل العمر لــك فدوه
أهليبك حنيــن وشوق بانفاسي تشبْ جمرك

ألا ياحي ذا الطـــله ألا ياحــي ذا الخطـوه
ألا ياهمس ياسرني وأهيجن دوم في شعـرك

ألا يانبـــع يــروينــي زلال الحـــب من دلـــوة
وتتفتــــح ورودي لـــك حدايق مــن نقـا نهرك

ألا ياحبــــي الأول ألا يــــاغــايــــة المــنــوه
حبيبـــي لك ارددهــا نغم يمـــلا سمــا قـدرك

أحبــك سيد الإحساس صوتك فـاح بي شدوه
وخلا كــل إحساسي أسيرٍ دوم تحـــت امـرك

وأحبــك نــور يسطـــع بي شعاعٍ زادني زهـوه
حبيبـــي يابعـــد عمري جمالي منبعه سحـرك

أعيشك عمـر ياعمري فرح مـع شوفتك نشوه
أمانــي دنيتـــي تزهــر ضياها مـن سنا فجرك

أنا كلـــي مشاعــر عاشقـــه أنسامك الحلوه
وأمواجـــي هواهـــا تحتضن أمواجــك وبحـرك

تعال وخــــل طوفــانك يلـحن داخلــي غنـــوه
لجل تترتــب أحشائـي وتستعذب هوى طهرك

خيبات الأمل ...


عجاج الشّوم عجل بالعجايـب
عجــاج اجيــال مافيها مبــرّه

مبــادي ثابته صارت معايـب
تلاطـم موجــها خـيره وشـرّه

عقوق(ن)ناخ وحموله نشايب
رمـانــي بالشقا والبـين صَـرّه

وحارت دمعتي والظّنّ خايـب
اكـابـر خيبــتي والحــزن ذرّه

ونيني يشتكي روس الحرايـب
وجـر الصوت مـره بعْد مـره

اهل وشلون صرنا كالغرايـب
وثـوب الـود كف ابلـيس جره

لعـب بعقـولهم سـاق الطلايـب
وغابــت عـزوتي وانفكّ سُـرّه

وهرج(ن)بالقــفا فـرّق قـرايب
عسـف موجــه بمـركبنا وفـره

عقولن خـاويه والراس شايــب
وصلنـي ضيــمها بعــد المـبره

وخيبـات الامـل دمـعه سكايـب
على عمرن قضى حلوه ومـره

ذبل ورد الحكي والوصل غايب
وسهم الظلم فــي ظهري مقــرّه

جروح الروح سبّــتها الحـبايـب
امــومه بالشـقى ذاقـت مضــرّه

وجعني جورهــم والحظ خايـب
وتـنهشــني الـوجــيه الـمكفهـره

عروش الفكْر تاهت بالحسايب
كسـر كـفّ الصّـبر تلّـه وزرّه

يسوق القهْر حزني لي ركايب
جمـر بالـروح نــاره مستشره

كوتني دمعــتي والقلب ذايــب
مــلامـح للــزمـن زوّد بمــرّه

مضى عمري لهم كنه وهايـب
عطيت ولا رجيت الا المسره

كفــــوف الـود اهطلها سكايـب
وتكبــر بالامــل احـلام غـرّه

قصور ابراجها فوق السحايـب
مزونه ما جرت في قاع بــرّه

ولاغنى حمامه لحْـــن صايــب
ولا جرحي برى من ضيْم شره

وياحيـف الوفى ان صار غايب
ضمايـــر جــورها ستـره تِشرّه

وميّـزت الردي عقـب النشايـب
غـروره اغـمره ..هو كان درّه!

اشوف الصمت اخْير بالمصايب
وفي بعض الحكـي ياكثر ضـره

ومـن يبغـى يروح البـاب سايب
ومـاني شـاري الخـاطـر وشـرّه

دوايــر هالـزمـن فيـه العجـايـب
سلـف مـع ديـن لـه كـرّه وفـــرّه

ومـافــاد الـنــدم والـكــلّ تـايــب
تشـوّش غفلتــه والـذّلّ عــرّه

مراره بالحشـا مالـه طـبايـب
وفرّة عـمرنا مـن غيـر كـرّه

حكم ربي سرى والبال طايب
ومهما ضاق بي بحــره وبرّه

كفـيـل الله بجــروح العطايـب
فعـول(ن) باقـيه والذنْب جرّه

ذنوب الخلق تبرق بالسحايب
تهـز الكــون ونجــوم المجره

جموع الخلق توقف للطلايب
بعـبرات الاسـى عيـنه تــذره

خطـايـا ثوبـها ماهــوب ذايب
مـراره شاربه عــقب المسـره

هقاوي ضــايعه والكل خــايب
ومــاضاعـت ولــو مثـقال ذره

يا نعيش ب.. عز يا مستشهدين
===========================
أمَـتي تذوي بصـمـت(ن) مـن سـنـيـن
فــي سـجـون الـقـهــر أوطانـي شتات

والـشقـا يـحــشــد بـأركــانــه ونــيـــن
مــن مـهـانـه كـاســهـا يطفــح رفــات

اكتــسـح مــوج الـجهــاله والــغـبــيـن
غــاب وقــت اهـل الـفـعول الطــيّبات

وانــقــضى فـيــنا علــوم الـغــانمــيـن
شـاطــح(ن) فـكــره ورا مـستـهجنات

هــو يســابــق ليــبـرالي مســتـهــيــن
فــي حـيــاتــه مـثْــل جـيفه بـالصفات

ضـيّــع اسـلـوم الرجـال الصّـامــلـيـن
عــاش فـســقه فـي ظــلام الـمـنكرات

غـربة(ن) تعـصف رياض الصّالحين
انــحدر ديــنـه ضـمـايـرهـم ســبــات

تسـتـغيـث القـدس ظـلـم الغـاصـبـين
والـيـمــن طـــاح ب أيـادي آثـمـــات

والعـراق ..الشـام يســقـط في كمـين
مــن مجـوسي قــادهــم للـمـهلـكــات

مـصْـر بـالاغـلال سـرّه ذا دفــــــين
والــزعـــامه فــي ربيــع المـظلمات

زادت الـنـكبـات والـجــرح المـكـيـن
بــعــثـرت اشـلاءنـا صــرنا بغـــات

صـفـقة(ن) مع صفـعة(ن)للغافــليـن
والـعدى خـطّت صكوك(ن) للنجات

قــيّــدونا فــي وعـــود الضـامـئــيـن
وانــطــوت اعـلامنا والـحـلم مـــات

والبــلا فــي قــومـنـا مــتـحــزّبـيــن
لـحنـهم غـنى عـلي حـلــم الــنـجـات

فـي بـحور الـوهــم عـاره بـالـجـبيـن
مـع جـمـوع الـذلّ فـي يــدّ الـبـغــات

صحوته غابت وسخطـه ذا حصـيـن
ضاعـت الـحـيـله وزاد الـتضـحـيات

شـعبـهم أسـرى وقـتـلى مـع سجـيـن
والـوطـن اعـطـوه مـع خـيره هبـات

والـوطـن يـصـرخ بـكـل الـطـيّـبـيـن
يـاحـمـاة الـديــن هــبّـوا في ثـبــات

ظـلـمـة الأهــواء سـادت بالـعـريــن
والــمـبــادي مــابـــقــى الا فـــتــات

والعــقــيده غـرغـرت جـور البـنـين
نـــورهــا أطْـفــاه ظُــلّام(ن) دهــات

مـاج جور الخـلق في الاسـلام حـين
ابـتـلى قــومـه بــلاوي مـعــضلات

فـي زمـنّـا الـغـثّ يـخلـط بـالسـمـيـن
مـانــفـــرّق بــيــن غـانــم او قــتـات

مــاعــرفــنـا هــو مـطـوّع كـلّ ديــن
لــو مــنــاره فـي دروبــه للـطـغــات

لـو جـزع سـطـوة قـلـوب(ن) ماتلـين
مـاتــت الـعــبره بـعــيـنه فـي سبـات

خــوفـــنا يــركـع لحــكّـامـه حـزيــن
أخرس الحق والصحيح اصبح هفات

اخــتــفى صـوتـه بأكــفان الــرزيــن
حيــرته تــرقب وصـول المعـجزات

امّـتي انــسـي الـمــواجــع والانــيـن
لمــلـمي جـرحــك مصايـب مقبلات

حربـهم حـقــد(ن)دفين(ن)من سنين
للـعــقــيده مســلــمــين ومسـلـمــات

بـالـدسـائــس والـخـيـانــه مـؤمـنيـن
الابــاده فـــرض واجــب لـلـعُــدات

يـا إلــهي ضـاق كــون الـصّابـرين
ضاعـت الحيـله ونطـلبـك النجــات

والــبـلا ضـاق الـفـضا بـالمسلمـين
تـصفق الــدّنيا بنـا كــلّ الـجـهــات

يــاعطـوفن بــالضعـوف البائـسين
دكّــت الامّــه عـواصف عـاتــيات

بــعـثــروا اجــزاءهــا الــظالمـين
قــطّــعـوا اوصــالنا والكلْ سكات

والدما طول المدى نــازف حـنين
للعروبه مع وحدة(ن) بعد الشتات

رحمتك تغْشى جميع الصّابـريــن
انت قادر تفرج الضّيق ل سعات

ليتهــا بـالـرمح والسيـف السـنـيـن
فــي ظهـور الـعاديات المسرجات

ودّي ب غـزوه مثل غـزوة حنين
تـنـصـر الاسـلام وتــذل الطـغـات

يا نعيش بـ عز .. يا مستشهدين
نـدخل الـجــنَّه وانــتم فـي لـظـآت

طوق الحنين ..


طوق الحنين إلتف من حول الانفاس
أزهـــق حنايــا الروح والقلب لفّـــه

صرخت لكن إحتضن صمتي أقواس
يبكـــي ولـــه ويهـــلّ دمــع ويكـفّـــه

أحلام عمري وغربة الروح هوجاس
علي رصيف اقـــدارنا البيــن هفّــــه

ماعـــاد باقــي للأمــل أي نسنـــاس
ماحـــول قلبـــي غــير ضيقٍ يحفّـه

تاهت دروب الحب والشوق همــاس
يهمــس لأنفاســـي مـــع كــلّ أفّـــه

حلمي أضم كْفوفــك بكــل الاخمـاس
زفـــة فرحنـــا مـــو مثــل أي زفّــه.

ياعزوتــي يامنيــتي ساســك المـاس
طاريـــك متربـــع على كــل ضــفّه

نبع النقا وعذب المشاعر والاحساس
من روضة أوصافك كرامــة وعفـّـة .

إنتـــه وصوفـــك دايــم الـدوم نبراس
يامنيــــة الخاطــــر وذوقــــه وشــفّه

يامـــالك الوجــــدان بعـــيون نــعاس
بـــوح العيون مـــــن العيون استشفّه

الله يجيـــرك مـن بـلا كــل وسـواس
ويرعــاك من جـوده وخيرات كفّـــه

عجاج الوقت
=======
على الطرق المثمن والنداوي
بدعت أبيات بالقاف الرهاوي

قوافي طرقها لحنه عجبني
وذيب الشعر بالهوجاس عاوي

عجاج الوقت وظروفه عصيه
ضماير تحتضر والعقل خاوي

ضياع الدين من ناسه مصيبه
ظلام وظلمة (ن) والحق ذاوي

عقول (ن) تايهه والغيّ سايد
قصور(ن) للهوى بالنفس ياوي

لبيب الراي مذهول (ن) وصامت
شعوب (ن) غارقه والبين ناوي

دمار وذل وغصّه بالحناجر
لهيب الضّيم بالأضلاع لاوي

أون الآه من ويل لحقنا
زمان الشّوم عجّل بالبلاوي

على صفحات أيّامي نزفته
أنين القهر في صدري شكاوي

الا يامن على كونه تجلّى
وتقبل دعوة اللي به رجاوي

تجيهم نكبة (ن) تمحق أثرهم
يجر البوم بأنقاضه حداوي

صوت العقل
=======
المـواقـف بــيَّــنـــت ضــعـف النــفـوس
بـرهَـــنَت لـي عــلَّــة الـوقــت الشحيح

والبــشر ثــلثـينــها تــهـوى الفــلـوس
لا رمـــيــت المال عـــلــمـك الصحيح

ثــــوريـــهـــا بـــالمحانـي يـــالــهـجـوس
خــــلـي الـمغــرور مــــن عيني يـطيح

كــــم ســـقــــانـي هــالزمن مرّ الكؤوس
ذقـــتــها علــــقـــم و خــــلــتـنـي طـــريح

لين صـوت العقْل فيــني حـاس حـوس
بيـــن جاهــل فكــره و عــقـل(ن) رجــيح

قبـــلمـــا يــــــنــداس قـــلــبي مـــنه دوس
ليـت مـــيَّـــزت الـــمليــح مــــن القبـــيـح

مسلمـــين و سلــمهم سـلــم المـجوس
هـــزت الــــوجــــدان مـــــنــهــم كـل ريح

انجــرحـت وكــــن فــي اليــدّيــن مـوس
ضـــاقــت الــدنــيـــا وخــلـــتــنـي جــريـح

ليـــت قـــلبي مـــاسقى ذيـــك الـغـروس
اثــمــــرت صــبَّــار والــمـــزروع شــــيــح

انصــــدمت بــــواقـع الحـــال اليـــئؤوس
لا وفــــا لا خـير لا صــاحــب نـــصيـح

كـــلّ طـــاهـر لـــو يخالـط لـه نجـــــوس
يــنـصــدم بالـواقـع و دمــعــه يــــســـيح

المـــواقـف..كـــم بـــهــــا عـبــــــره دروس
واللبيـــب اللـــي عـــقــلـها يــــا فصيــــــح

قل الاحترام ...


أحس الصمت في دنيا الضجيج
يبي لو شخص ينصت بـاهتمام

لــعـلّــه لا لــثــم بــوح الأريــج
يفـوح الحـزن مـن ورده غـرام

نســايـم عـطــرهـا دايــم يهيــج
يزيــد الشــوق فيــني والـهيــام

لحــونه ساكـنـه نبــضي لجـيـج
مشاعــر نوحهــا ظلـم وظــلام

تجـرّع مالــح احساسـه اجــيـج
تكيّــف مع همومــه لـو عظـام

ذبحنــي مـن سكوتـه لـو يهيــج
ويخفــي داخـلــه فـيـض الملام

سالنـي ليش صدرك به رجيج.؟
يلـج الصـوت مـن صوتك سقام

كفـاك احـلام طـارت بالعـجيــج
طـواهـا حاضر(ن)حكمه عـدام

قــدر مـكتــوب مامـنّـه هـجـيـج
مقـدّر حاصـل(ن) مـابـه عــلام

بحكمة جاهل و فكر(ن) سجيـج
اعــيـش بـوقــت قـل الإحتــرام

سقـط نبضي وسط جوفه حريـج
ومــن يقـدر علـي نـار الهــيـام

خـفــوقـي فـيـه تكـبيـر الحـجـيـج
صـدح بالصمت لا ضـاع الكـلام