اتساق الكلام ..! ( مساجلة وثنائيات شعرية )

رد: اتساق الكلام ..! ( مساجلة شعرية )

؛

ياصاحبي مهما الهوى بالوصل خان
في ليلي تبقى نور عمري وسراجي

وافتح شبابيك المحبة "على/شان"
ألمح طيوفك واعتبرها سياجي ،!

للمزيد من مواضيعي

 

؛



على كثر الوجيه اللي لـ قلبي بابها مشرّع
رفضت تمسّ نزوتها طُهُر حبّك ورى صدري !
،
تصدّد عنِّهنْ قلبي .. تصدد " شيخ " يتبرّع
بـ ماله ؛
ولا يبي
واحد
بـ كفّه
وش عطت ؟!
يدري !

رجل من الشرق ,روز معجبون بهذا

يـا مرحبـا بالجـرح .. و الله يحيـيـه
لا صـار مـن يمنـاك و الجـرح تـوّه

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه

رجل من الشرق معجب بهذا

؛


حياكِ الله يا روز ..
وشكرًا لمشاركتك الجميلة ؛
ولكن هنا يُمنع المنقول وإنما نبحث عن قول الشاعر ..
أتمنى أن تتحفينا بجمال حرفك لنغني معًا 🌹

رجل من الشرق معجب بهذا

وش أسوي دام محبوبي هجر
مالي غير الصبر في دنيا الهوىٰ

من همومي أسكب الدمعه مطر
فايض احساسي وعمري ما ارتوىٰ

ساهرٍ طرفي ولا ملَّ السهر
وشوفة المحبوب للعله دوا..!

البنفسج معجب بهذا

؛


وين أبلقى عنك يا البارح ممر
ما يؤدي لـ " ذاكرة كُنّا سوا" ؟!
،
و أدلهك فيما تبقّى لـ العمر
لا دموع ، ولا أنين ، ولا جوى !
،
ملّت أقدامي وهي تاطى جمر
ذكريات "الأمس" ملعون الثوى !

رجل من الشرق معجب بهذا

-

ما على روحك ولا قلبك أمر !
... ... ... ... لاترجعني على طاري الهوى

غرس حبي في رفيقي ما ثمر
.... ... ... ... يا وجودي ليت قلبي ما ذوى!

سلم لـ / ذكرى الليالي والسمر !
... ... ... ... وأعرف لـ نسيانهم؟ [ مالك لوا ]

الكلام اللي على المعنى خطر
قد شكى صمت الليالي واكتوى

صوته المبحوح في ضفة شطر
مثل حزن البارحة فيك ارتوى

يالقصيد العذب وش قصد العذر
لو تعذّر بالمواجع والنوى !

‏علي آل طلال معجب بهذا

المشاركة الأصلية كتبت بواسطة عهد النور

الكلام اللي على المعنى خطر
قد شكى صمت الليالي واكتوى

صوته المبحوح في ضفة شطر
مثل حزن البارحة فيك ارتوى

يالقصيد العذب وش قصد العذر
لو تعذّر بالمواجع والنوى !

حيهلاً بالأنيقة/ عهد النور ..
أضفيتِ على المكان نورًا وشعورًا ..
أهلاً بك على الدوام 🌹

عهد النور معجب بهذا

جميلتنا نورة ..
أسفرت وأنورت وصح لسانك

-

من درفه البارح إلى واقع اليوم !
... ... ... ... مافيه يومٍ [ دون ذكراك ] عدى

اللي مضى فينا مقدر ومقسوم
... ... ... ... والشوق من بين الضلوع أستبدا

اسمك بعد ربي في الاذكار مختوم
... ... ... ... وانت الوحيد الي بعمري : مبدا

يزورني طيفك في الاحلام وآقوم
... ... ... ... تقول كن أنت / الأمير المفدى

من حق غيري صرت، يا شرهه القوم!
... ... ... ... وانا عليها في الشعور آتعدى

عهد النور معجب بهذا