رد: سرابيل بوح تقيني الصمت
على وتر :
ياجعل يخطيك الحزن ياحزينه
مهما ضحكتي لي يبين بملامحك
الجرح يقبض معصمك في يدينه
أعرف شعور الجرح إذا مايسامحك
كلك شموخ وعز نفس وسكينه
وهذا الذي مع باقي الناس ذابحك
قلبك يرده عن رحيلك حنينه
والشوق مهما تبعدي عنه يلمحك
لا ماتردين الضغينه..ضغينه
واللي يبي يصافحك يقدر يصافحك
لبى علومك يالفتاة الرزينه
مايخسر اللي صار بالصدق رابحك
لك روح ريفية يابنت المدينه
والكلمة الحلوة من احساس تفرحك
خوتك في كنز المعاني ثمينه
تموت لعيون الصداقه مصالحك
لا لا تقولين : الوفي ذاك وينه ؟
أنا بجاوب يالرفيقه وأصارحك
جرحك زعل منك وبقيتي حزينه
وانا مع جروحك تراني بصالحك!
|