فــ أول أيام السنة
تعبت أدور عن حلول
عن أماني ممكنة ..
وهذا هو جرح السنين
مايفارق مسكنه
لو حكيت كل الحكايا
لو حبست الدمع
في كل الزوايا
ماعرفت إلا قربك
إلا قلبك .. إلا حبك أتقنه
وماخذيت إلا ذكرك
إلا أنفاسك وعطرك
والبنفسج موطنه
ماسهيت عنك يوم
لا ولاشوقي غفى
لين انطفى .. ضي النجوم
في فؤادي أدفنه ..
تاخذ إيديني على كتف الهوى
واخذ ايدينك ونتمايل سوا
رقصة وحدة .. دمعة وحدة
بس كانت ليلة وحدة
ليلة وحدة ملونة ..
فــ أول أيام السنة
إنت وينك ..!
كان هذا الفرق
مابيني وبينك
تايه بدنياك متعثر وخايف
وأنا مثل السوسنة ..
أكبر أكثر وأعرف أكثر
إني من غيرك أطيب
صدق ياأغلى حبيب
إيه أحبك ،!
واللي رساني في قلبك
واللي خلاني أطير
أطير أطير وانتفض
من نشوة الحب الغزير
اللي أبد ماينتقض
واللي لملمني شظايا
بعد ماانا كنت أجمّع
كل أشلاءك معايا
وانجرح .. خل انجرح
وش يعني لو كان الجرح
أكبر من حدودي وسمايا
كنت أناجي وقتها ربي عليك
آه يارب البرايا
حبه أقوى/حبه أطهر/حبه أكبر
حبه يتشعب بروحي
فاق كل الأزمنة ..
فــ أول أيام السنة
إنت أفراحي وجرحي
والأماني الممكنة ..!