رد: عزف لقاء
أنا ذاك المولع
في طريق الشوق والتنهيد
إذا غنت مواويلي
دموع العين تبكيها
أنا اللي منكسر فيني
ضلوعٍ شوقها تجديد
مثل غيمة تجمع هطلها
واالقرب يحيها
تبي تعرف حدود الشوق
ليت الشوق له تحديد
يسافر مع شروق الوقت
تالي الليل يكويها
حنين الليل ماله حد
ولا له عد بس تمديد
يمد الوجد بقليبي
وصوت النزف يحكيها
سوالف داخل اضلاعي
تقاسم عمري والتسهيد
وكن عمري بقايا أرض
وكلي مرتمي فيها
أنا إن كانت همومي
حزن و يعانق التغريد
خذ الآلام من حولي
وآه الحب داريها
وضوِّي في هوى قلبي
ظلال اسمك بليلة عيد
وعطني مع شروق العيد
أغاني فرح أغنيها
|