منتديات مدائن البوح - عرض مشاركة واحدة

04-21-2025, 06:52 AM

تدرين يابنت الغرام ،،،،،،، اني على حبك جدير
اقرا جميع اللي تخفينه ،،،،،،، "من عيون الغلا"

اجمع تفاصيل الوله والشعر والوصل المنير
من شوفتك يا نبض قلبي معطي الضيقه جلا !

اسامر احساسك معي بـ الثلث الاول والاخير
والليله اللي ماتسد ،،،،،،،، العشق مافيها حلا

لو انتظر ساعة لقى ،،، من شان تحديد المصير
العقل يبطي مانسى ،،،،،، والقلب يبطي ماسلا /

اول حروفك يبتدي ،،، من اخر حروف الغدير
ماودي اقول الحروف ،،،،،، الباقيه قدم الملا 🤍

يا ملهمه يافارقه ،،،،،،،، بـ الغيد يا نسمة عبير
يا شاعره يا حاكمه ،،،،،،، بـ القلب يا ريم الفلا

انا طبيعي لين اشوف الجسم كاسيه الحرير
واضيع مع ذات القوام اللي عطت قلبي ولا (:

دام البلا محصور بـ النظرات والحب الكبير
استمتعي من خلقت الدنيا ،،،، وانا فيني بلا

من عقبها صرت اتلذذ و اطلب الشي الخطير
الجاش ما يشكي عذاب ،،، اللي يحبه لا نفلا ؛

نور الخدود اللي نشى ،،، من ظلمتي عبر الاثير
كيف استفز الذيب دامه مهتوي شوف الخلا ؟

الليا اجتمعنا عن بطا فوق السما يمكن نطير
والليا نزلنا نرتكي ،،،،،،،،، بـ شدادنا فوق شعلا

انتي خبيره بـ المشاعر ،،،،،، مير انا ماني خبير
والشعر لو زلزل شعورك ،،،،، زلزل جبال العلا

على العموم اني ،،،،، سنافيً على حبك جدير
ذكراك لا مرت على ،،،،،،،،، باله يردد يا هلا🌷

الشاعر:سلطان الضعيان