منتديات مدائن البوح - عرض مشاركة واحدة

#1 11-30-2024, 02:26 PM

بنت الشعور
….
بديت العمر عنوانه على حبك وباعجابك
نهيت الحب واقداره بوقت تبيع انا اشري

انا بنت الحنين اللي يسافر بي باسبابك
ويكتب في طريق اسمي قصايد منتهى فجري

يطول الليل بغيابك وانا عيني على بابك
يطول الشوف من عيني وانت عينك تبي قهري

حسبت الحب في قلبي ولكن ضاع بحسابك
تحسب الحب يهنالك حبيبي ضاق بك صدري

عطيتك من هوى نفسي شعورٍ بس ماجابك
ابرحل في فراغ العمر بترك قولتك مدري

تعبت اشتاق لعناقك تعب قلبي من غيابك
تعبت احايل الانفاس واجبرها وهي تجري

تعبت أقرا رسايل حب مجملها بترحابك
تعبت من الجواب اللي سؤاله مات في ثغري

تعبت أشتاف بعيونك قوافل عشق لأحبابك
تعبت اعتب على قلبي و قلبك انت ولا يدري

تغافل روح تطعنها بسكينك وبعتابك
انا هالحين بعلنها وبكتب للهوى عذري

هنا النسيان يأمرني على نسيان أهدابك
هنا برمي غدر حبك خلص ماعاد بي يغري

بديت العمر عنوانه على حبك وباعجابك
نهيت الحب واقداره ابيع الحب ما اشري
#م

الـتـوق ,الْياسَمِينْ ,وارف ,عبدالله الصقري ,النقاء ,بُشْرَى معجبون بهذا

الموضوع الأصلي: بنت الشعور || الكاتب: منى العلوي || المصدر: اسم منتداك

www.domin.com

كلمات البحث

العاب ، برامج ، سيارات ، هاكات ، استايلات

المصدر: منتديات مدائن البوح