منتديات مدائن البوح - عرض مشاركة واحدة

#1 09-25-2022, 08:12 AM

والله وكبرت كتير يا روحي في عنيهّ
وحوضك بالحب كل أيام عمرك الجايه
حخللي حياتك كلها في سعاده وهنيه
بتقوللي أنساك ....دي كلمه تقولها ليهّ
دانت يا روحي ضحيت علشاني
علشان مصر والحريّه
بتطلب شيئ مقدرشي عليه
اللي عملته حفضل احكيه للناس واحكيه
احكيلهم اذاى عديت وصمدت يا بطل واتحديت
وبدمك الغالي رويت ورويت
وعشان نكون في العالي ضحيت
بتقوللي انساك دي كلمه تقولها ليهّ
دانت يا روحي ضحيت علشاني
عشان مصر والحريه
دانت يا روحي رجعت البسمه تاني للشفايف
دانت يا روحي رجعت الفرحه لكل قلب كان خايف
وضحيت بعنيك عشان احنا نشوف النور
خليتنا من تاني نشوف مراكبنا في قنالنا تسير
خليت الميه تجري في سينا تروي البور
حعيش وياك وابقى النور اللي ينور طريقك
ومهما عملت يا روحي معاك موفي بعض حقوقك
دانت هدية مصر ليهّ وحبك اكبر شرف ليهّ
والله وكبرت كتير يا روحي في عنيهّ
دانت بالصبر عديت الصعب وليالي المر
ووياك بالحب حنعيش أجمل أيام العمر
وقدمت يا بطل أعظم عمل انكتب في تاريخ مصر
واذاى بعد دا كله تطلب أبعد عنك
دا كفايه سعادتي وفرحي وهنايا
لما تاريخك يفخر بيه ابني وابنك
ويقول انا ابن بطل قدم لمصر أعظم عمل
عدى القنال حرر سينا رفع العلم
*******

عبدالله الصقري ,مشاعر ساكنه ,بُشْرَى ,هادي علي مدخلي معجبون بهذا

الموضوع الأصلي: والله كبرت كثير يا روحى فى عنيّه || الكاتب: الشاعر شوقى غنيم || المصدر: اسم منتداك

www.domin.com

كلمات البحث

العاب ، برامج ، سيارات ، هاكات ، استايلات

المصدر: منتديات مدائن البوح