منتديات مدائن البوح - عرض مشاركة واحدة

02-21-2022, 06:19 AM

يا هلا والله وغلا بالعزيز والغالي ...
اخوي الصادق الصدوق .. القارظ العنزي ..

يا مرحبا باللي . . له القلب يرتاح
ياللي على السرات والضرا رفيقي

خلك هنيه .. داخل القلب وارتاح
ياجوهرة الماس . صافي البريقي

القارظ اللي .. لا لقى القوم نطاح
فزاع حتى .. للعدو .. والصديقي

عز الله إنه .. كالقمر بالسما . لاح
نور على درب الصداقه . طريقي

ارتاح لامن . شفته سالي ومرتاح
واضيق لا منه .. علينا .. يضيقي

هو بلسم الجرح . وللفكر مصباح
مسكين في بحر الحبايب غريقي

هذا هو إحساسي .. ولاني بمزاح
إي بالله إنه هو صديقي الحقيقي

صح لسانك وسلم نبض إحساسك وروعة بنانك ...
الحقيقه كفيت ووفيت وفالك البيرق ...
اتمنى ان ردي يكون شافي ومعافي ويرتقي ...
لمستوى ذائقتك وذائقة القارئ ...

يسلم إحساسك الرائع ومشاعرك العذبه ...

... لا خلا ولا عدم ...