رد: إحسآس .. و مجرَّد حروف
كـلّمـا أمشي الـطريـق الملـتـوي
ينعـدل سيري وبه غيري يــروغ
يستوي لي في ثواني و ينطـوي
هوضياع اوهي علامات النبـوغ ؟!
قدّ ما أمشي على الدّرب السّـوي
يزدحــم والقى جماهيـره تـغــوغ
فيه يمشي الميل مشي المستـوي
والنّظـر من حق ما شـاهد يـزوغ
درب فيه النّـور و كنّـه ما ضـوي
أو كـأنّــه ليــل مـاعــانــق بـزوغ
فيه وجه الصبـح شعشـاع الغـوي
كـالدّيــار اللي غــدا منهـــا فـروغ
درب فـيـه مفـارقــات و محـتــوي
بيـن فـرجــاتــه مجاهيــم وفــدوغ
درب تحت اللّي يـدوســه مـنكـوي
فيـه أمشي قبل اصـل سـنّ البلـوغ
|