ترى اللسان
ترى اللسان:
ترى اللسان أحيان ينكب لـه أنسـان = وكم واحدٍ جت نكبتـه مـن لسانـه وترى اللسان احيـان يكـون ثعبـان = لـه لدغـةٍ خطـره وفيهـا عفانـه وترى اللسان حصان يبغالـه إعنـان = ويـورط اللـي مايجـود عنـانـه ويحتاج له في كل الاوقـات ميـزان = ميـزان عـدلٍ ولاتجيـه الخيـانـه ميزان عـدلٍ معتـدل كـل الاحيـان = وكـل الجـوارح تعتبـر كالأمانـه وكـم لسـانٍ زل راعيـه وانهـان = وقال المثـل كـلٍ لسانـه حصانـه ومن يستمع لفلان ويصـدق فـلان = تلقـاه دايـم متعـبٍ فـي زمانـه والهرج يرضي احيان ويزعل احيان = ويحتاج له حكمـه ومعهـا فطانـه وياشين هرجٍ مايجـي فيـه ثبتـان = ويازين هـرجٍ ينوجـد فـي مكانـه وياشينهـا لاقالـو فـلان غلـطـان = ويازين من جـود لسانـه وصانـه والهرج يحصل فيـه زودٍ ونقصـان = ولاخير فـي هـرجٍ قليـلٍ احسانـه والصدق يطلع له حقيقـه وبرهـان = وكلٍ يبين وينعـرف ويـش كيانـه ويعرف مجال الصدق من غيرعنوان = والكذب يعرف فـي مجالـه جبانـه ودايم مجال الكذب راعيـه جابـان = مثل الحصيني ميـر عنـده ذهانـه دايم طويل لسان ولايقضـي الشـان = يـدرج لسانـه كنـه الاسطـوانـه وتلقاه في كل المواضيـع خسـران = وليـا نصحتـه زاد فـي عنفوانـه مافيه طيرٍ طار مـن غيـر جنحـان = وليا انكسر حـدا الجناحيـن خانـه والرابح اللي منهجه ركن الاحسـان = الصادق اللي منهج الصـدق شانـه الشاعر: مبارك بن فايز البخيت السبيعي منقول: عواد الهران |
رد: ترى اللسان
ماشاء الله 22 مشاهد 0 صفر الردود
الشكر الجزيل................ |
رد: ترى اللسان
قصيدة نبطية تزخر بالحكمة
سلم النقل وصاحبه |
رد: ترى اللسان
الله يجبر بخاطرك هههههه
شكرا لك والله يعافيك تواجد اسعدني |
رد: ترى اللسان
رااائع فيها من الحكمة الكثير
أبدعت ذائقتك |
رد: ترى اللسان
نقاء اياسمين
مرور اسعدني وتواجد طيب ولك الشكر |
رد: ترى اللسان
.
قصيدة جميلة سلِمت الذائقة |
رد: ترى اللسان
انتقاء جميل
عواد شكرا لك دمت بود |
رد: ترى اللسان
ذات العماد
لك الشكر |
رد: ترى اللسان
سليدا
لك الشكر على المرور الطيب |
الساعة الآن 08:31 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
مجتمع ريلاكس