رد: اتساق الكلام ..! ( مساجلة شعرية )
جميلتنا نورة .. أسفرت وأنورت وصح لسانك - من درفه البارح إلى واقع اليوم ! ... ... ... ... مافيه يومٍ [ دون ذكراك ] عدى اللي مضى فينا مقدر ومقسوم ... ... ... ... والشوق من بين الضلوع أستبدا اسمك بعد ربي في الاذكار مختوم ... ... ... ... وانت الوحيد الي بعمري : مبدا يزورني طيفك في الاحلام وآقوم ... ... ... ... تقول كن أنت / الأمير المفدى من حق غيري صرت، يا شرهه القوم! ... ... ... ... وانا عليها في الشعور آتعدى |
رد: اتساق الكلام ..! ( مساجلة شعرية )
اقتباس:
حيهلاً بالأنيقة/ عهد النور .. أضفيتِ على المكان نورًا وشعورًا .. أهلاً بك على الدوام 🌹 |
رد: اتساق الكلام ..! ( مساجلة شعرية )
- بأسمك ياربي ارفع الصوت وآقول ! ... ... ... ... يا الله تكتب لي العفو والتياسير وتكتب لغيري ماحلم إنه ينول ... ... ... ... وتعفو لكل الذي : خذته المقادير عشت الحياة الواهيه عرضٍ بطول ... ... ... ... ولا حسبت حساب باكر وش يصير ابعتذر ماكنت في وضع مسؤول ! ... ... ... ... والطيش اخذني في زمان التدابير جيتك على حلمك ومغفرتك آعول ... ... ... ... يارب..! تقبلني وتكتب لي الخير |
رد: اتساق الكلام ..! ( مساجلة شعرية )
؛
ما بين لا يُعقل أسيبك … ومعقول كانت تحث لـ نفترق؛ رجلك السير ! ، حتى غدى ما بيننا الصبح مشلول شيئًا فـ شيئًا؛ لين حسّيت شي غير ! ، إن الدجى؛ من بعد ما كان مغلول صار " الفجر " عنّه … يفك الأزارير ! ، وآمنت بـ إن البعد لا شك محصول بذرة سكوتي يوم أجي وماني بخير ! |
رد: اتساق الكلام ..! ( مساجلة شعرية )
؛
جيت أسيّل وجهك البارح بـ عيني وأتخذ لك بـ المُقابل .. وجه ثاني ! ، ما أبي ؛ يبقى لك ؛ وماضيك فيني أي شي، يْفكّ لـ "الذكرى" حناني ! ، واستعيدك .. وانا ما فِيّ ؛ لـ حنيني لا استثار ودسّ اِسمك، في لساني ! ، و " كـبـريائي " تعرفيه .. و تعرفيني رغم ضعفي .. طابعه: جدًّا أناااني ! |
رد: اتساق الكلام ..! ( مساجلة شعرية )
- آه ليتك يـ/ المشاعر تعتقيني ! ... ... ... ... ولا تطري لي هوى منهو نساني ذاك ما كان بنظر عيني ضنيني ... ... ... ... كان أبو قلبي وكان أغلى خٌواني كان منٌا :e عايشٍ بيني وبيني ... ... ... ... أشهد أن العشق لعيونه : عماني يوم كنت أشعل لعينه راحتيني ... ... ... ... كان هوٌ يجهز طعونه : عشاني ! كنت أحسبه مثل ماحبه يبيني ... ... ... ... وأكتشفت إنه بعمره؟ ما هواني |
رد: اتساق الكلام ..! ( مساجلة شعرية )
؛
نمت ياصوتي وما صانوا الكلام كن ما به لـ اتساقك؛ غيري فَمْ ! ، ما بـ احمّلهم عتابي ، والمَلام إنت أوّل من بـ " نومك " مُتَّهَم ! |
رد: اتساق الكلام ..! ( مساجلة شعرية )
تهمتي ترفرف على غصن الغرام
والحقيقه مايسنبلها الوهم إسجنيني خلف قضبان الغمام الظما في عالم العاشق أهم |
رد: اتساق الكلام ..! ( مساجلة شعرية )
؛
كثر ماني؛ معْك "ذقت الإنهزام" ما تبقّى للـ " أحبـــك " بي نَهَمْ ! ، استحلتك حتى في " عزّ المنام " كن وجهك منخلق من رحم هَمْ ! |
رد: اتساق الكلام ..! ( مساجلة شعرية )
..
إيه انا العايف ومملي بالملام ولو تبي عفوي ؛ أبد ماقلت سم ! ، ذي أنا لي عزة ، وقدر ، ومقام ما التفت للي بعد فرقاي تم ! محاولة ركيكه جدا * .. شكراً للشاعر :تركي حينما امطر عليها بقافيته ووزنه >:: / |
الساعة الآن 01:52 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
مجتمع ريلاكس