منتديات مدائن البوح - إحسآس .. و مجرَّد حروف

منتديات مدائن البوح

صفحة 1 من 14

1

الأخيرة »

عرض 40 مشاركات من هذا الموضوع لكل صفحة

منتديات مدائن البوح (https://www.boohalharf.com/vb/index.php)

- بوح الأرواح (https://www.boohalharf.com/vb/forumdisplay.php?f=11)

- - إحسآس .. و مجرَّد حروف (https://www.boohalharf.com/vb/showthread.php?t=6165)

عبدالله الصقري

09-27-2021 06:11 AM

إحسآس .. و مجرَّد حروف

https://up.boohalharf.com/uploads/162378738735481.gif

إحسآس ..و مجرَّد حروف
لـ بسآتين القلب و شـوآهـد العيـن
لـ شـرود الفكـر و عطآء الروح
لـ قصاصآت مترهِّله على جدآر الزمن
لـ الـذكريــآت

اللهم اجعل ما نكتب شآهداً لنا لا علينا
اللهم إن أصبت فبـتوفيقـك
وان أخطأت فـ منِّي و من الشيطآن

>::

عبدالله الصقري

09-27-2021 06:35 AM

رد: إحسآس .. و مجرَّد حروف

الشِّعْـر صغتـه من محبَّـه و من غُلْب
و من كل جـرح ٍفي ضميــري أدسَّــه

نصفـه من عـيـونـي و كلَّه من القلب
و ابعَــد من اللي شـآيفــه أو أحـسَّــه

ما ننـكـــرَه لو تُسلَـب عقـولنــا سَلب
ما يغـتني لو مـا يِـجِــسّ و نِـجِـسَّـــه

والـرِّيـح مهمـا غيَّــرت مَعلَـم الصَّلـب
ما ضَيَّـعَـت قـآف ٍ بـ الاعمـآق حِسَّـــه

عبدالله الصقري

09-27-2021 06:48 AM

رد: إحسآس .. و مجرَّد حروف

دعيتك يـ الهنا صدّيت عنّي و شدَّت رحـآلك
و غَيَّبك الزمآن و ما طرى لك شآقي ٍ يدمع

رقيق العـود .. في سـود الليآلي بَيَّن هلآلك
ينقِّض فيني جـروح ٍ بـ نآظـر للهوى يطمع

زرعت بدآخل الوجـدآن ورده ليت تحلى لك
أسَـقِّيهـا و انا خـآيف عـذولـي عنَّهـا يسمع

بغيتـك ما لقيت الا .. بقآيا حروف مرسآلك
تلآشى حبـرهـا من عين دآيـم فوقها تدمـع

عبدالله الصقري

09-27-2021 03:08 PM

رد: إحسآس .. و مجرَّد حروف

إهـــدآء خــآص

إلى أمي الغـآليــــه

لاجل اهـدي احسـآسي لـ مثلِك
أحـتـــآج عـآمـيـــن في الجنَّـه

من روض الإعـجــآزأقطف لِك
مـا عآنَـق الشّــوف و آحِـنَّـــه

إيــه اجمعـــه واحفظــه لاجلك
ميَّـــآس . زآهـي . و لـه كنَّــه

يبقـى نــدي ليــن يــوصــل لك
مــــا كَـنَّــــه الا عـلـى فَـنَّـــــه

عبدالله الصقري

09-27-2021 03:17 PM

رد: إحسآس .. و مجرَّد حروف

(إحساس و مجرَّد حروف)
هو اسم ديواني المصرَّح من وزارة الإعلام 1419 هجري
و دمعة كفوف هي قصيده أقدم
.

‏
أقـبــل يــبــي لـلـحــب تـعـريــف مــعــروف
غـيــر الـــذي مـــا يفـهـمـه مـــن حــروفــه

قلت اسأل التذكار عن " دمعة كفوف "
هــلَّــت قــبــل عـامـيــن فـيـهــا وصــوفــه

قـال افهـمـك واحتـاجـك تـوضِّـح حــروف
والاَّ تـمــنِّــيــنــي بــكــلـــمـــه عـــطـــوفــــه

قـلــت الأمـــل مـيـنـاه لـلـغــارق ســيــوف
والـحــب لــــو تــنــوي تـطـوفــه تـطـوفــه

قال استريـح و هـدِّي القلـب مـن خـوف
قــلــت الـعـنــا يــاخـــل بـالـعـيــن شُــوفـــه

قلبك لكلمـة ( حـب ) يبغـي لـه وصـوف
وقلبي على ( الحرفيـن ) طـوَّل وقوفـه

لـولا السهـر مـا بـاتـت جـروحـي وقــوف
ولولاك تهوى البعد مـا اهـوى صنوفـه

و لـولاي مغـرم جـرح مـا قلـت لــك روف
يــــا سلـسـيـبـل ٍ مــــا روتــنــي قـطـوفــه

يـقـول : حِــب وقـلـت مــا غـيـرك آشــوف
ولا بــ قـلـبــي غــــيــــر حــــبــــك يــلـــوفـــه

يامـا سقانـي الشـوق ءآلآم و حـسـوف
واخــاف انــا يـاشــوق تـالــي الحـسـوفـه

قال الهوى ( إحساس و مجرَّد حروف )
نـسـلـى بـجـرحـه مـيــر مــــا بــــه مــروفــه

قلـت الـهــوى دام استـقـرّيـت في الـجـوف
امَّـــــا افـهــمــه والا تـنــاســى حــروفـــه

عبدالله الصقري

09-27-2021 05:32 PM

رد: إحسآس .. و مجرَّد حروف

و للوطن حكآية أخرى
لا تصآغ الا بـ مآء الذهب و دمآئنا

إصلآحنــا

يالله يامـنـشـي الـصّـنـوف الـكـايـنــه
ومـعـلــمٍ أوّل بــشـــرك اسـمــاؤهـــم

يـامـرجـيٍءٍ خـلـقـك لـسـاعـه ءآيـنــه
تـنـطــق بـأفـعــال العـبــاداجـســادهـم

ءآياتـهـا الصـغـرى مـضـت والبـايـنـه
كــبــرى وفيهـا الـمـهـدي ودجّــالـهــم

بشّــربـهـا فـتـن الـقــلــوب الـغـابـنــه
الجـــاحـديـن بـمــا عـطــى خـلآّقـهــم

نـجّـي برحمـتـك الـقـلـوب الفـاطـنــه
يامنجـيـن مـوســا بـأمــر اغـراقـهــم

الـدّيـن ماغـيـرك شـرعــت منـايـنــه
للمسـلـمـيـن المـرتـضـيـن إلـهــهــــم

هــذي البـلادالـلـي بـخـيــرك زايـنــه
أرض انبيـائـك والـرسـول ختـامـهــم

صـانـت مـشـاعـر ديـنـهـا وأمـاكـنـه
مـن رجــز عبّاد الـوثـن واظـلامـهـم

كرّمـتـهـا بـأطـهــر بــقــاع الـكـايـنـه
قبـلـة هــل الإســـلام فـــي بلـدانـهـم

جـــرّة خلـيـلـك والـحـجـر ومـئـآذنــه
ءآيــات أوّل بـيـت لــك يـبـنـى لـهــم

أمّـنــت بـرحـابـه نـفـوســن راكــنــه
لعبـادتـك رغــم اخـتـلاف اجنـاسـهـم

وبطيـبـه الــروض المـكـرّم سـاكـنـه
المصـطـفـى بـرسـالـتـك لابـلاغـهــم

فـيـهـا بـلــغ بـالـدّيـن كـــل مـأآمـنــه
ومنـهـا بـــدأ تاريـخـهـم وامـجـادهـم

أمّـــة بـمــا كـلّــل علـمـهـا مـئـامـنـه
أورثـتـهـا زمـــزم و فـيــه شـفـاؤهـم

مـن بعـدمـا كـانـت قــرى متشاحـنــه
وحّــــد بــهــا عبـدالـعـزيـز لـوائـهــم

ردّالـريـاض احـلـى زهــور مـدائـنــه
وأيّـيـدتـه بـنـصـرك و لـــمّ شـتـاتـهـم

غـرســه جنـيـنـاه وثــمــار جـنـايـنـه
عـــز القـبـائـل واسـتـحــق ولائــهــم

شعبٍ على رغـم الظـروف الـراهنــه
شـامـخ بـوجـه المعتــديـن و داؤهــم

مـايـوم ننـقـض عهـدنـا و ضمـايـنـه
لــلّــه ولــلّــي شـمـسـنــا بـظـلالـهــم

شــعــب وفــــي ولاتــعــد مـحـاسـنـه
المملـكـه بـكــل الـجـهـات اوطـانـهــم

أوّل مـشـاكــل عـصـرنــا و كـمـائـنـه
فـكـر اليـهـود ) مضيّيـعـيـن كتـابـهـم

غــزوٍ يـسـخّـر بالـغـوانـي المـاجـنــه
بـحـرٍ مــن الـغــيّ امـتــلأ بشبـاكـهــم

كــم سلّـطـوا سـكـيـن غـــدرٍ جـابـنــه
تـطـعـم بـــدمّ المسـلـمـيـن حـرابـهـــم

كـفّــار للـنـصــر الصلـيـبـي ضـامـنــه
حمـلاتـهــم صـــرّح بـهــا إعـلامـهـــم

دستـورنـا القـرءان و ربّــي صـايـنــه
مايبدّله بـ ( فرقان حق !!) إلحـادهــم

زادوا علـى السـبــع الكبـائــر ثـامـنــه
ومـلـعــون مـعـهـم مـتّـبـع فـرقـانـهــم

والثـانيـه ( ذاك السفيـه .. و زبـاينـه )
و الخـايـب و مــن يلتـحـق بركـابـهــم

هم زمـره بـ شــرّ الدســائــس كامنـه
ولابدمـا تــذري الـريـاح اعـشـاشـهــم

بصـدورهـم أرض الحســد و مـدافـنـه
ومراتــع الشّــوك ازهــرت باعماقهـم

أقــوالــهــم وافـعـالــهـــم مـتـبـايـنـــه
أوّل طـريـق اصـلاحـهــم إفـســادهــم !

تسعـى لفتـنـة شعبـنــا .. و متراهـنـه
علـى الغنيمـة مــن جلـيـل مصـابـهــم

أفـكـارنـا دايـــم و هـــي متـضـامـنــه
هي في غنى عـنهــم و عن حركاتهـم

واصلاحـنـا مـاهـو بـكــفّ صهــايـنـه
تحشــد لحـرب المسلمـيـن اعتــادهـم

أو مـعــولٍ بـايـدي الـنّـوايـا الـدّاكـنـه
إصـلاحـنــا فـــي دحـــر معتـقـداتـهـم

والثالثه ( زيـف الـولاء ) و معادنــه
رايـــة جـهــاد مـلـوّوحــه بـأفـاقـهــم

إن الـجــهــــاد لمـبـتـغـيـن عـدائــنــه
ركــنٍ إذا نــادى الجـمـوع إمــامـهــم

ونـادت بـديـن الـحـق طغـمـه خاينـه
للديـن و استحلـى الغريـر اصواتهـم

قـــومٍ بـنـزعــات الـغـلــو مـتـعـاونـه
تـأويـلـهـم حــلّــل لــهـــم إرهـابـهــم

صــوّر لـهــم إبـلـيـس جـنّــه فـاتـنـه
أذّن بـهـم وإلــى الجـحـيــم اقـتـادهـم

ســـذّج بـالافـعـال العـقـيـمـه شـايـنـه
فــي ظنّـهـم ديــن الله بيسـمـى بـهــم

لين الجهـل أحـرق نـفـــوسٍ واهـنــه
تُغـرَس بـ قـيـعـان الـوحــل رآيـاتـهـم

نهـج ٍ . لـه جـمـوع الخليقــه دايـنــه
عاري . ولا يـسـتـر دجـــى نـيّـاتـهـم

نـور الصّبـاح المدّعـى .. و مكـامـنـه
نـــارٍ شـرارتـهـا نـشــت بـاوكـارهــم

ياربعـنـا يـااهـل الـخـيـول الصّــافـنــه
حــنّــا بـتـوفـيـق الإلــــه اعــدامـهـــم

و ان جنـدالـشـيـطــان كــــل قـرائـنــه
عـهـــدٍ عليـنـا نبـيــدهـم واعـوانـهــم

يبقى سجين الفـكــر ( لعبـة سـاجنـــه )
و الــحـــر مايـثـنـيـه نــبــح كـلابـهــم

أرواحـنــا دون الـوطــن تـتـحاضـنـــه
بــرجــالٍ يـعـطّـــر ثــــراه دمـــاؤهـــم

ذادوا عـــن ارواح الـعـبـــاد الآمـنـــه
و بـيّـن بسـاحــات الـشــرف إيمانـهـم

الــديــن أحـكــامــه جـلــيّـــه بـايــنـــه
ماهـو بحاجــة مـن عمـت أبصـــارهـم

وصـلاة مـن كـوّن صـنــوف الكايـنـــه
علـى شفـيــع الخـلـق فــي ميعــــادهـم

1425 هجري

عبدالله الصقري

09-27-2021 05:33 PM

رد: إحسآس .. و مجرَّد حروف

يـانـديـم الـلــوم لـك عــيــن ٍ تــبــات
وماتبـات عيونـي مــن الـلي يصـيــر

فالبحـور المظلـمــه مــابــه سـنـــات
وما تـشــعّ لمبـصـربـقـلـب ٍ ضـريـــر

لونفـعـنـي بـالـغــرق جــــادل نجــات
ماغـرقـت وماابـتـديـت مـن الأخـيـــر

قــصّـــةٍ سـمّـيـتـهـا قـصّـــة وفــــات
والـبـصـيـره لــلــذي فـيهــا بـصــيــر

الشمـوس المشرقــه بالضيـم جــات
وانطـفـى مــن ضيّـهــا نـجــم ٍ منيـــر

حــيــن هـلّــت مـا قويــت الإلـتـفــات
ومـن مكانـي ما بغـت رجلـي تسـيـــر

احتـضـنـت رمـاحـهـا والـقـلـب مــات
بـالـحـنـايـا قــبـــره وصـدري كـبــيــر

مــيّـــت ٍ واريــتـــه بـذيـك الـــفــلات
فــــزّ حـــيّ وفـــــزّ ويّـــاه الـضمـيـــر

كـنّــي بلـحـظــة لــفــوه الـمـرســلات
آخــــر احــســاس ٍ يــوادعــه الـقـبـيـر

قــال جــاوب قايلـيـن : العـلــم هـــات
قلـت وابشر بـالـنـصيــر مـن النصـيــر

كــيــف يــامــن لـلــذنــوب تـلـــمّ زات
نــاسـي الـكـبـرى وتـلـطــم بالصـغـيـــر

لاتــجــازي خــافــق ٍ مـطـعــون بـــات
في ضريـح الصمـت وافـــاه الـمـصيـــر

جــازتـــه دنــيـــاه بـالـمـنـكــر جـــزات
سبّقـت يــوم الحـشـــر بــايــدي نـكـيـــر

لـونـهــا يـا لايــمــي لـــــون الـعــبـــات
لــو سمــاهـــا بالنـظـــر لــول و حـريــر

قـــوم نـرسـمـهــــا بـكـف ٍ مــن رفـــات
غــرّتــك وآنــــا بــعـــد مـنـهــا غــريـــر

يــازمــان يــرجّــع الـجـوهــر حـصـــات
عــن بـســاط الـريــح يـغـنيـنـا الحـصـيـر

الـرضــا قــارنــه ربــــي مــن رضــــات
الـوالــديــن .. ومـن يعـق بـهـم حسـيــر

جــــاعـــــل ٍ بـاقـــدام كــل الأمـــهـــــات
جـنّــةٍ مــــن روضــهــــا فــــاح الـعـبـيــر

الـذخـيـــر الــلــي تـمـسّــــك بـالـصّـــلات
وتــاركٍ فـرضــه أبـــد مـاهــو ذخـيــر

والــورود الـلـي سقايـاهـن فـــرات
مـن شـذات انفاسهـن كـل ٍ يطـيـر

مـا بعـد ذاقـوا عسلهـن بالشفـات
وبالمـعـاشـر مـــا يـكـفّـرن العـشـيـر

شــوفــوا آيــــات الـقـيـامـه بـيّــنــات
يالـقـلـوب الغـافـلـه عـــن هالـنـذيـر

مــثــل تـشـيـيـد الــبــدو للـنـاطـحـات
والفـتـن واهــوال شــر ٍ مستـطـيـر

الـعـقــول الـنــيّــره نـــــور وهـــــدات
للقـفـول المغـلـقـه و جـيــل ٍ غـريــر

الـمـجـالات المـفـيـده بــكــل شــــات
والنـفـوذ لـمــا يـبــثّ اصـبــح خـطـيـر

الـمــراهــق ظـنّــهــا ســكّـــر نــبـــات
والـحـيـاه اعـمــار والـكـيّـس ظـفـيـر

واخـتــلاف الـمـلّـه وحـــرب الـثـقــات
واصطياد الغـرب فـي مانـا العكيـر

(إنتـهـاك الديـن)إحـدى المـفـردات
فــي اللـغـات المحـدثـه للمستعـيـر

حـربـهـم إرهـــاب دولـــه وامـنـيــات
بـيّـنـت ضـعــف و خــنــا ركّــــاب عــيــر

عـولــمــة أفــكـــار وبــدايـــة فـــنـــات
وانتفاضة شعب عايش في سعير

الـمـعـابــر لـلــمــدد قــبـــل الــنــجــات
لمـن يمـدّونـه بـكـم خيـشـة شعـيـر

والـزمـان الـلـي غــون فـيـه البـنـات
بــاهــج ٍ واعــمــى بـوهّـاجــه نـظـيــر

هـــذي مـــن الكـاسـيـات الـعـاريـات
وبـمـفـاتــنهــا لـغــرائـزنـــا تــثــيــر

وذيـك معهـا جملـه مــن الجـاريـات
مــن تهيـنـه مالـقـى مـنـهـا مـجـيـر

هن شتـات ومابقـى بعـد الشتـات
كـــود شـمــع ٍ يسـتـنـيـر بــمــا يـنـيــر

لامــســن بـاطـيـابـهـن لـــــذّات ذات
ماخطـر فـي بالهـن رفـس الحميـر

غــرمــوهــن ثــــــم قـالـوا:مـغـرمــات
والـدنـاسـه طعـمـهـا حـالــي مـريــر

لـــو أخـذنــا كــــل شــــيءٍ بـالـحـيـات
آخـرتـنــا مــوقـــف ٍ هــائـــل عـســيــر

مـاخـلـقـنـا الله بـقــلــوب و لـــهـــات
لاجـــل نـتـغـنّـى بـسـلـطـان و أمــيــر

كلّـنـا نـخـطـئ و نـوطــى السـيّـئـات
الله لــظــلــمــا خــوافــيــنــا تــنـــيـــر

تـرحــم الـلــي مـالــه بـغـيـرك ثــبــات
يامـجـيـر الـلــي بـلـطـفـك يسـتـجـيـر

شـايــف ٍ ءآثـامــي بــكــل الـجـهــات
غـيــر شـــيّ ٍ أنـــت أعـلــم بـــه خـبـيـر

ساعـةٍ أدعـيـك فــي وكــر العـصـات
و ساعةٍ أعصاك فـي ركـن ٍ طهيـر

للظـمـا مــن هاجـسـي بالـمـا روات
وبالهجوس الظاميه دايم سهيـر

لـي حــيــات ٍ مـبـتـداهـا مـنـتـهــات
وبـي جـروح ٍ فـي متاهتهـا أسـيـر

آتـجـمّـل أحـســب انّـــي فـــي غـنــات
وآتـأمّــل واثـرنــي فـــي قــــاع بــيــر

وآتــنــدّم والـحـظـيـظ مــــن الـنـبــات
مـيــت ٍ أحـيــاه مــــن هــمّــي غــديــر

لـيـتـه الــلــي حــدّتــه دنــيــاه مــــات
بـسـمّـهـا ومــــا ورّده جــــم ٍ غــزيـــر

عبدالله الصقري

09-29-2021 12:28 PM

رد: إحسآس .. و مجرَّد حروف

>::

صآئـمٌ
إلَّا عـن استقبــــآل وجهــك
و تقبيـــل كل مَــقــــدِس
فــ طهِّــري بـ رضــآب ثغـرك
من بـ ذا المحـرآب قآم
معآنقاً أستـآر قلبك
خــآشـعــاً
مـتنـسِّـــكــاً
عذب الكلآم
يطوف و الإيـمــآن بك
إلـزآم
و سعى لــ حضـنــك ِ محرمــا
بـك مـسـتــهـــــــآم
فـ بـ جـود صفحك عآنقي
متبتِّــلاً
ثم اشرقي
غفرآن ، رحمـه
ثم لا تتعجلي
فـ تلآوة العشآق كأسُ
أسقنيـــه و رتِّـلــي
ثـم بـ الأجــــر العظيــــم تـجـمَّــلي
في كل جنُـة أدخليــــــه و دلِّلــي
قد حقَّ قولك أنَّـه
عآص ٍ بـدونك
فـ اعـدلي
لـك تــــآب يا كل الهـــــدي
فـ تقبَّليــه و قَبِّليـــه
كـ صآئم ٍ
قد فـكَّ بالتحنــآن ريق
من الألف للـ يـآء
بــ عَــرَق جســـدك المخمـلـي

:e:ef:::e:e

عبدالله الصقري

10-04-2021 07:40 AM

رد: إحسآس .. و مجرَّد حروف

لا تـغـيـب هـنــآك
أنـا هـنـا .. كـلّـي معــآك
و مـا أمــلّ
الـسَّـفَـــر عـيـنــآك
و شـفــآتــك دلـيــل
و لـ عيــونــك صـرت ظِـل
.
يـ الّلي بـ هـمســك أذوب
إسـمـعـيـنـي ألـف مَــرَّه
و افـهـمـي
لـو بـس مَــرَّه
و ارحـلـي ويَّـــآي
و يـمكـن مـا تـتــوبـيــن
و أتــــوب
.
إسـمـعــي هـمـس الـقـلــوب
و خـلِّـي الـمـعـنـى لـكـي
و اجـمـعـي لــون الـغـــروب
و لــو مـلـكـتـيــه . امـلـكـي
.
لـو مـا بـ هـالـدنـيـــا مـكـــآن ٍ للـ هـــوى
كـان الـهــوى مـيِّـت
و مـتـنــا مـن زمـــآن
لــكــن غـــرآمـــك حــيّ
و ان هَــبَّ الـحـنـــان
اتـنـفَّــســــك
يا اَرَقّ نـسـمــــآت الـهــوى
يـ اَجـمَـل أحــاسيــس الـجــوى
سـحـــر و جـنــون
أنـفـــآســـك حـكــآيـــة فـتــون
فيهـــا تــرآتــيــــل و غـــوى
فيهـــا الـشّـجـــون
و دمــع فـي الـغــآلــب حـنــون
أشـبَــه بـ قــطـــرآت الـنـــدى
أو كــ الـهـتـــــون
و خـدود غـيـمـتـهــــا الـجـفـــون
يــــا ورد عــمـــري الّلـي بــقــى
يـ الــزَّيــزفـــون
إنـتـي الـقـمـــر
طــآغــي و بـــآهــــر
بَــدَّد ظـلآم سـنـيــن بـ شـعـــآعـــه
و اشـعــلـنـي فـتـــون
و انـبـلــج عـصـفـــور حـب
و مـآلـت بـ شَــدوَه غـصــون
تـغـــريـــد فيـه مـن الـشّـقـــا
بـشــرى الـعـيـــون
صـرت اسـتـمــع لـه فـي زهـو
و اِسـتَـمـطَـــرَ دمــوع الـمــزون
صـرت ارتـشـف قـطــره و هــو
يـسـتـنـــزف امـــوآجـــي سـكـــون
نــوحـــه طــرب , حــزن , و لَـهـو
كـنَّــه بـ شــآطــي الـهـــآف مــــون
و انـــا فـــؤآدي طـيـــر
لـو يـفــرد جـنــآحــه
يـضــم كَــون
و يــرســم الـبهـجــه عـلـى ثـغــر الـسّـمـــا
بـ الـفــيــن لـــون
يـغـــآر مـنــه الـطـيـف
و يـضـيــع الـشَّـفَــق
و يـبـــآت نـــون
لكن جـنــآحــه ورد ذآبــل
مـن جـنــآيــن أهــل بـآبــل
اللي بَـدَّلـهــا الـزمــآن
بـ فـوح بــآرود و قـنـآبــل
و اشـتـعــــآل الـقـلـب
مـا يـطـفـيــه وآبــل
لا ,, ولا تـنـبــت بـ خـفقـــآتــــه سنـابــل
كـل أرجــآءه مـــرآســي شـــوق
دآهـمهـــا الـغـــرق
كـل وجـــدآنــــه روآبــي تـــوق
يـنـسـفــهـــا الأرق
كـنّ ءآمــآلـــه جـريـمــــه
و طــوق مـن عـمــر احـتــرق
كـل هــذا الـنـبــض يــذبــح
و الـعــــزا
حـبــر بــ ورق
و كـل هـذا
مـن غــلآتـــك
مـن غـيــآبـــك
مـن شـــدا عـصـفـــور يـصــدح
هـيَّــض الـمـكـنـــون
و اسـتـأثـــر بـ نـجـــوآي
و طـــرَق
أبــوآب حـبِّـي الـمـــوصــــده
و ايــقـــظ بـرآكـيــن الـجـــوى
بـ اعـــذب لـحـــون
لـكـن بــ ربِّـــك
لآ يـطــول الـبـعـــد ذا
ما بـيـن اكــون او لا أكــون
لا يـ الـعيـــون اللي تـمـــون
يـكـفـي الغـيـــآب
اللي نـــزع قـلبـي و جــآك
و قـمَّــة ءآمــآلـــه رضــآك
يـ الـسَّــآكـنــة بـ قـلـبـي و بـ عيــونــي
يـ الـنِّـســمــــه اللي عـطَّـــرت كــونــي
دآم الـسـفـــر عـيـنـــآك و شـفـآتــك دلـيــلي
و لـ جـروحــك صـرت ظـل
لـيــــه الـغـيـــآب
انـتـي هـنــآك
و انـا هـنـا كـلِّـي مـعــــآك ِ
و مــا أمِــلّ
!؟!؟!؟!
<3<3<3<3<3<3

عبدالله الصقري

10-04-2021 01:24 PM

رد: إحسآس .. و مجرَّد حروف

جيت السَّهَـر مستلهـم ٍ هبـّـة الـنُّــود
شفـت الـسَّـنــا ما بين الافـلآك دآمي

يرسم جناحه بالشّفق وصل و جحود
كـنّــه يمَنّـي فـي حـيـــاتـي عـــدآمـي

يا ذا السنــا للشوف وش حدّك تعـود
خآبـرك لـ اوقـآت المحبّــه حــرآمــي

عَلّقْـتنـي يا مـوجــع الظلمــه وعــود
دون الـيـمــن سَـرّيـتـنـي يــمّ شـآمـي

شفت الأمـآنـي في تـواصيـفــك قيـود
يـوم الغــرق للحــرّ في شــطّ ظـآمـي

و اقبلت لك مفقـــود أو شبه مـولــود
قلب ٍ يحـلّ دمــآه تِــسـعِــيـــن رآمــي

ليه الّليـالي تسـدل رموشهــا السُّـــود
فيني و انا الّلي كُحلَهــا هـو عـلآمـي

دآمي , سِهِير . ودمعتي ريشة العـود
خـذ منظــر ٍ يغـنيـك عـن هـ الكـلامي

>::

عبدالله الصقري

10-04-2021 03:08 PM

رد: إحسآس .. و مجرَّد حروف

إحســاس بالغـربــه و نشـوة فرح
واحساس امان و ليل مليان خوف

وصدرٍ ٍ لـ ميلاف الـهموم انـشـرح
ماصدّق الـواقـــع وعينــه تشـوف

معـنـــاي ما يستـوعـبــه من جرح
لو يفهمــه ينــلاف بالجـرح لـوف

لو خآضـوا الســالـين بحــر المرح
ما يـجمعــون الـدرّ من كل جــوف

عبدالله الصقري

10-06-2021 03:20 PM

رد: إحسآس .. و مجرَّد حروف

مرجوم الأماني

بسم ربي بديت مسبِّح ٍ له شكَرْت
داعي ٍ يطلب الغفران من ذنبه
ماسرت بي خطاوي الجود لك وانتثرت
صاحبي جيتك بـ همٍّ علي قاضي

ليت نور القمر شي ٍ عزيز افتكرت
يعشب القلب ما يرهن و يرهن به
في مدى العشق غَيِّبني لو آنا حَضَرت
و اشعل الروح ما دامك بها حاضي

يا سلامي رفيق ٍ دون همِّي خطرت
يوصلك من فؤاد ٍ يحسبك جنبه
وانت غايب اقهويك بقصيدٍ بَهَرت
خامست كفَّه لقلبك عقب جاضي

هو رقيب ٍ على نجم ٍ رقبته و سَهَرْت
لا سهيل اخَّرَه .. لا الجدي قَدَّم به
ملكه براس مرجوم الأماني عَمَرت
من زمان بـ سراير قلبي اللاظي

جيت لك و الضمير معاتبي . و اختصرت
بعض ما في الفؤاد و ما يعتِّم به
شح نور الظلام ! و جَرَّده و استخرت
شفت رؤيا بها الملبوس فضفاضي

جبت لك من دهاليزه بعد ما استشرت
همّ يستاق همّ بـ همّ درهم به
فيه عن درب مظنوني رجول ٍ قصَرت
وفيه من صدق خِلَّآني شذا الفاظي

عطرهم شعشع المخ و غمرني و غمرت
كل صفحه بكل احساس مغرم به
بين ما يجبرك بوحك و ما له سَرَرت
مثلما بين جزر و مد لك فاضي

قلب يشكي عيون بـ سِرَّهَا مَا جَهَرْت
يومها قلبه المخلوق من جنبه
غَمَّضَت .. أُنزِلَتْ من جنّة اللي خَبَرت
و اصبحت جَنِّةٍ لِـ قفـار و فياضي

شد حبل النظر في بيتي ليا نظَرت
لو يعنِّي الوتد تيزاره و طنبه
خلَّك مْباري ٍ ظل الوهم لا سبرت
القمر في حُضُن غيمته متغاضي

ذاك طيري وانا من يوم حَدَّر صقَرت
و احتويته و متن الليل يوهن به
جيته اتشفَّع بقلب ٍ لعمره نذرت
قال خَلّ الطواف بكعبة الماضي

قلت له من خمر ذاك الكرز ما سِكَرْت
قال جفَّت عروقه وصرت مجتنبه
آه ياليتني بذاك الزمان اعتذرت
كان ما ضاعت اعوامي على الفاضي

قلت له كيف تتعبَّث بمن قد سحرت
كيف تضرب في هـ المَيِّت و تُأثَم به
قال كثر الغلا اللي صابني و انقهرت
بـ اجعله عِبرَه فـ بحري لمن خاضي

قلت قبل الغرق خذ مني اللي انتظرت
كلمة الحق لو يُبهَم و نُتهَم به
في ذراها خذ المقسوم و ان ما حَذَرت
خلك بما يجي من دونها راضي

ليتني عن زواميل السلا ما ازدجرت
يوم غَنَّوا حبمبه وَلِّع اللمبه
قالوا اصبر وقلت العمر كلَّه صبَرْت
أبـ اجحد الكل لو كل الملا قاضي

................

19 صفر 1420 هجري

عبدالله الصقري

10-07-2021 11:21 AM

رد: إحسآس .. و مجرَّد حروف

كلكم لا فـآت صـوت ٍ صِحت بـه
جيتـوا تْقولـون وش منَّه شِقيت

ماحَـد ٍ جَسَّ المشـآعر و اِشْتِبَـه
في بعض مابآن فيني وما كنيت

يـوم كل ٍ فيــه جــرح ٍ مـتعـبـــه
إنـتــم اَوَّل جــرح في قلبي لقيت

إنتم اَدرى بـ الغـريـق و مـركبـه
لـو تجـآهلتــوا معــآنـي كل بيت

عبدالله الصقري

10-09-2021 07:11 AM

رد: إحسآس .. و مجرَّد حروف

يالله ياللي كل مــا دونـك عـــدم
يا آمـر ٍ عبدك يطيعك و نـاهيــه
يامن فرضت بحكمتك شكرالنعم
أستغـفـرك يـارب ممّــا أنـا فـيــه
يامن بغيثك مزهر ٍ شوك السلـم
بالناظر اللي عانقه في خطاويــه
لاترحـم اللي بالعنــاد اقسـم قسم
حتى حسم بيدينه السـود ماضيـه
منّه لفـاني من هزمْـه و ما هزم
اللي انطفى واغنت نجومه مضاويه
من حالتـه موعــودٍ بحالي سقــم
والـروح معناهــا يطابق معانيـــه
بـ اكتب على صفحة لياليه بـ فحم
من لونها واسري بقافه و اغنّيـه
و اسهر أعلّق هالمصابيح بْـ جهم
صبح ٍ لفكره تلهم القلب و تنجيـه
تـخـبّــر اللي ما بعــد مــرّه رحــم
قـول ٍ يبلّـغ مـاهـو بْـقــول يرجيــه
ترى عشـم إبليـس بالجنّــه عـشـم
حتى ولـو يـسجـــد لـ ءآدم بتاليــه
لا والـذي سـاوى عربهــا بالعجـم
بعض المصايب ميّت القلب تحييه
خلّــه ولابــدّه مثل مـاهـو ضــــرم
يجيـك ينخى دمعـة اشفـاق تطفيـه
عـوّد لربّـك .. علّق بـذاك الحـرم
الغــافـر اللي من يناجيـه يرضيــه
يفـرّج اللي في محــانيـك ازدحــم
واللي يبي منه المسـاتيـر يكسيــه
واذا بـدى في لوحـة النــاظر نـدم
تراه نجم ٍ يلهي الشوف و يعميـه
يـقــدّي اللي لا تـأمّـلْــــه اقـتـــــدم
أمّـا الذي يبكـي مطيحــه يـردّيـــه
ترى عـذولك لو تمكّـن بك هــــدم
لاتجعلـه يــدري بمبنــاك و اعليــه
هذا زمان ٍ من زرع به ما صــرم
وكل ٍ على ليلاه يبــدي مشــاكيـــه
مـا كلّ رجّـــال ٍ تـشـمّــغ محـتـــرم
ولا كلّ من جـمّـل كلامــه توافيــــه
ما تحضن الكف النديّــه من هضـم
أغلى الحقـوق و ذوّق المر غاليـه
يا كيف حــر ٍ قـمّـتــه فـوق الـقمـم
حـداه وقته ينتـزع ريشـه بـ فيـــــه
والاّ عطـارد كيف بالزهــره صــدم
و اتفجّـر من القرب مغلي و مغليه
حتى الملـوك بنـارهـم صاروا خـدم
كل ٍ جحــد للـذات لـو كـان تدعـيــه
يـا عـلّ يمنــاً ما يدسّمهـــا الشحـــم
تقطف خريف عروقهــا ما تداريـــه
و ياعلّ يهنـأ بالوســم راعي الغنــم
ما يـرتحـل ويطــارد الغيــم بالتيــــه
ويـا علّ قلبـــــ ٍ مثـل قلبي ما سلـــم
يصبـر على دنياً من الشـرّ تغنيـــــه
شعــل بهـا نـــار ٍعلى راس العلــــم
و اصبـح علـم للنـار والنـار تـلظيــه
فيهــا بقى مشلول ٍ و أبكــم أصــــم
ولا درى به كـود حرف ٍ يواسيـــــه
يـلـبّـي و يبني لــه المعـنى هــــــرم
وان جات هقوى بالتجـارب يلاقيــه
لا يا قصيــدي ما معي غيـرك حكـم
عنـدك حبيب وعـنـد قلبي معـنّـيــــه
غـلاه في قلبي تقسـّـــــم و اقتســــم
عهــد ٍ مربّيني و عهـــد ٍ مربّيـــــه
شـوفي من العـلاّت يغشـــاه العتــــم
كنّ العنـاكب تنسـج خيـوطهــا فيـــه
لا والله اللي صبّ في قلبـي حـمــــم
مْجـاوب ٍ غيـري وانا اللي منـاديـــه
رويتـــه بـ دمّ الأنـــامـل بــالـقـلــــــم
ثـم اعـتبــرنـي لعبــــة ٍ ما تسلّيـــــه
هو الكريـم و قد ما اعطـاني حــرم
يبيني اشهـد بيعـة الحب و اغريـــه
هو الغـديـر اللي سقــانـي بـ الـوهم
رمى لي بْجال الظمــا شوق ٍ ابكيــه
هـو الهـوى علّق على قلبي سهـــم
ليتـه بعــد ما حـلّ وسطــه مهـنّيــــه
خـذاني الريشـه وعلى صدره رسـم
صـوره لإنسـان ٍ وهـو حيّ ترثيــــه
عليـه ثـقـل ٍ لـو تــداعبــْــه الـنســــم
تـتـبـسّــــم بعـطــره شفـاه و وجانيـه
واذا سـمـع منّي مـراسـيـــــل الألــــم
جفنـه يغضّ احسـاسه و دوم يخفيـه
المشكلــه مـالي علـى دربــــه قــــدم
مأسـور ٍ بـحـبـّـه و عجــزان احاكيـه
أنــا عـطـيـتـــــه أجمـل وأحلى نغــــم
وهـو عطـاني عن غرامــه مبـاديـــه
دامــه من اللي لاحـظـــه فيني فهــم
لا ينتظـر منهــو عـن الصبّ ينبيــــه
أمـانـتـــه قلبـــــ ٍ من الوقت انظلــــم
إمّـا يـهــــزّه بــالـغـــلا أو يـهــدّيـــــه
والاّ يســاقـيـنـي الهـوى من كل جـم
مــا دام عينــه بيّنت حبّ مـدمـيـــــه
ليتـــه يحسّ بـ خـافق ٍ مليـــان هـــم
ألفين قــاف من الولـــه ما تـكفّـيــــه

عبدالله الصقري

10-09-2021 10:21 AM

رد: إحسآس .. و مجرَّد حروف

ومن شاف البشر بـ عيون طبعه
و به عاملهم ... يشـوف الأذيَّــه

واذا المعـروف هـآن و جآز منعه
تسآوَى الطَّـيِّـب و راعي الرديَّــه

شتات الشَّمل عند البعض جَمعـه
و حتَّى المـوت فيهـم كـ الهـديَّــه

هذول اهل الحسد في شر صنعـه
تفـرِّق عيـن واحــدهــم بــريَّــــه

عبدالله الصقري

10-09-2021 11:42 AM

رد: إحسآس .. و مجرَّد حروف

أعتـرف .. ان الحيــاة اكبــر سـجـن
لو ما بها من ورد الاروآح اكسجين

و اعـتــرف إنَّ الفَـرَج يجلى الحـزن
تـريــآقـنــا الـفـعَّــآل ربَّ الـعـآلميــن

رحمته , نـوره .. هي الأجمل حضن
شـوف سيمآها فـ جبين السـآجدين

تـنـقـشــع كـل ابـتســآمــآت الـمــزن
لا لـفـت بـسمــة أنـــآس ٍ مـخلصيـن

نـآطقــه بـ كـل الـمعــآني فـي وســن
ديــم عِــز و نــآس مَــرَّوا ســآكتيـن

طيِّـبيــن يـعَـقّـبـــون اسـمى الـشَّجـن
ذا .... و هم بـلــوآهـــم تشيِّب جنين

عبدالله الصقري

10-09-2021 05:28 PM

رد: إحسآس .. و مجرَّد حروف

سرت الطريق مخاوي النوّ الغريق بــ وابلـــه
لين الشقا حوّط على قلبي ســـدود عاليـــــــــــه

يشهد علي برّاقــه الســاري بـ ظلـم يـنــاولــــه
يغني و لو هو بالنظــر قصّــه قديمــه جاليـــــه

يا ذاويٍ في خــافقٍ لا ما هـقـيـتــك نــايـلــــــه
شوف الوهم يزهر ألم و غصـون همَه دآليـه

تنبت من عيـــونٍ على حوض المنايـا غافلــه
و اسقيتهــا عمـرٍ جروحــه للمحـاجــر مـاليــه

إلى متى يــا خــافقي و الشك ينفـــح جادلـــه
و الاّ بـ صيـنـيّــة ذهب يهديك جمــره صاليـه

منه النــدى عيّــا يصـافـح كف شـــوقٍ حامله
والثانيه مهما عطت .. ماتمسك الحب.. خاليـه

ليه الأمـل فــآق الخيــال اللي رقـابــه طايلـــه
ديمــه على سـفــح الأمــاني ذكـريـــاتٍ باليـــه

وليه الليالي في قلــوب اهل الهــوى متسـاهلـه
المشكلــه في جوفهــا نبكي و تضحـك سـاليـــه

وليه الثــواني في شقـــات اعـوامنـا متمـاثلـــه
هــمٍ يقضّي لحظته و هـــمٍ بـ لـحـظــه تـاليــــه

و ليـه الخطـا يطغى و ترضـاه العقول العادله
و المــرّ نشربْــه و نقـول جروحنــا به حاليـــه

كيف المحبّـه عـمّـرت بيــد الصـدور الشايلـه
دام الخيــانه خصلةٍ بـ قلــوب غـيــر مبــاليـــه

كيف اعتلت في شوفنا بعض الذقـون السافله
نحسب على السنّـــه منابتهــا و هيّ ظلاليــــه

مـا دام بيّنت الـوجـيـــه الزايفــه المتخاذلـــه
لا بد بـ ارمــآس الحقيقــه لي وجيـهٍ غـاليـــه

ومـا دآم لـ عروق الوفا نبضة غدر متحايله
طعن الخفــا بين الشـفـايــا بسمــةٍ متحـالـيـــه

وما دمت ما تخلص لمن يغليك ما تستاهله
لو هو معانيــه و جروحــه ريشةٍ لك طاليــه

ومـا دامت الدنيــا سـراب مْولّعتْـــه القايلــه
وش ظلّهــا و نيرانهـا بـ سمـومهــا متواليـــه

وش ذنبنـا واللي مغـوّينــا "عقـوبه حايلــه "
عن جهْلنا .. واحكـامهــا المتجاهلـه متغـاليــه

وش حظّنا لا حل في درب السيـول السايله
أو عاصفـه ترقص على حسّ السما المتلاليـه

وش كـنـزنــا لو به كسينــا الغانيات المايله
أو هاجسٍ ينسف حصــون اعماقنـا المتبـاليــه

يـا ويلنـا كـان نترجّى دنيـــةٍ هي زايـلـــــه
و الاّ نــدوّر رحمـــةٍ و نْـفـوسـنــا متعـاليــــه

وش قولكم في كل حق ٍضاع واحنا نخايله
لا نـامت الشيمــه وعين سلومنـــا متماليـــــه

لو تشرهون . المهتوي حلم الأمان يخايله
في دنيـــةٍ صـــارت لمن قبّل ثراهـا واليــــه

عبدالله الصقري

10-10-2021 09:24 AM

رد: إحسآس .. و مجرَّد حروف

اَلُّلـولُـو

عآتَبـنـي مْـطَـوِّل اَلغـيـبَـهْ
يَـآحَـيّ تَعتـيـب زَعـلآنِـيْ

لَـو يَطلُـب اَلُّلـولُـو نْجِيـبَـهْ
وَآنَا عَلَى اَلغَوُصْ وَلهَآنِـيْ

اَلِّـلــي بَـلآنِــي بِـتَعـذِيـبَـهْ
مَحبُـوُبِـي وُ كُــلّ خِـلآنِـيْ

طِيِب اَلبَشَر ذَآبْ فِي طِيبَهْ
لَـو سَهِّرَالشُّـوُق بـاَجفَآنِـيْ

يِـقُــوُل : عَـذَآلَـنـا سِـيِـبَـهْ
خَلِّـيـكْ ويَّـــآيْ هَيـمَـآنـيْ

يِحِبَّكْـ اَلقَـلْـبْ تَــدرِي بَـــهْ
مَـآ هَمَّـه فْــلآن و فـلآنِـيْ

وَ اَقُوُل اَنَا اَلغير مَآلِـي بَـهْ
مَآ هَمِّنِـي قَآصِـي و دَآنِـيْ

تَعَـآلْ هَـاَلْحُـبّ نَسْـرِي بَـهْ
لَوُ نَوُصَل اَلكَوُكَـب اَلثَّانِـيْ

و يِقُـوُلْ و بـعينَـه اَلرِّيِـبَـهْ
لآ عَـآد يَــا خِــلّ تَجفَـآنِـيْ

سَخِّر لِـي اَلشُّـوُقْ و نْذِيِبَـهْ
أو بَآت فِي دَآفِي اَحْضَآنـيْ

و اَقُوُلْ و اَلقَلْبْ غَـآدِي بَـهْ
إنْتَا قِسَىَ اَلقَلْبْ واَلْـ(حَآنِيْ)

يَـا بُـوُ نَغَـمْ فِـيِـه تَطْرِيِـبَـهْ
فِـيـك اَلمَـوَآوِيـلْ تَنْسَـآنـيْ

و يِـقُـوُلْ لِلْـحُـبّ تَهْـذِيِـبَـهْ
إِهْـــدَأ شُـوَيَّــه و تَلْـقَـآنِـيْ

و اِنْ كُنْتْ مِشْتَـآقْ تَطبِيبَـهْ
بَـاَسقِيِكْ مِـنْ كُـلّ كِيِسَآنِـيْ

و اَقُوُلْ حُسْنِكْ اَهَـذْرِيْ بَـهْ
مَآعَآد بِي صَبْـرْ يَـاَلجَآنـيْ

خَلِّينِي اَشْرَبْ وُ أَغْشِي بَـهْ
لَـــوُ لِلْمَـتَـآهَـآت وَدَّآنِـــيْ

يِقُـوُلْ مَـنْ حَـبّ مَـاْ يعِيِبَـهْ
يَقْـضِـي لَيَآلِـيـهْ سَهْـرَآنِـيْ

لَـوُلَا جُرُوُحَـهْ تِغَـنِّـي بَــهْ
مَآ حَرَّك جْيُـوُشْ وُجدَآنِـيْ

وَ اَقُــوُلْ لِـلْـحُـبِّ تَغْرِيِـبَـهْ
مِـنْ قَبْـل يِدْمِيِـكْ أَدْمَـآنِـيْ

اَلبَعْضْ لَوُ كَآنْ يَمْشِـي بَـهْ
مَآ حَسّ لَحظَـآتْ حِرمَآنِـيْ

عبدالله الصقري

10-10-2021 09:25 AM

رد: إحسآس .. و مجرَّد حروف

يقول وش جابك تسـآبِق خطى السّآق
هذا و كفَّـــه فـــوق خـفَّــآقي تـجِـــس

قال السَّـلآمـه وش به النَّبـض خفَّـآق
رديت : من حبِّـــك و من شـي ٍ آدِس

على بسـآط الريــح لك جيت مشتـآق
يـقــودنـي قلب الشِّقـــا دونمـا حِـس

مثلي و ظــآمي ما لقى بَــلَّ الارمـآق
مثـل السَّــرآب آطـآردك مامعي حِـس

عبدالله الصقري

10-10-2021 10:59 AM

رد: إحسآس .. و مجرَّد حروف

يا قوّ قلبك لا تنـاسى و زَعَل
و اقفى و عن شوفي تباعد مداه

ما الوم .. لكن ما هقيته رحل
واغناك حتى عن فروض الصلاه

خابرك معذور ٍ ولا بك زلل
ومالك على ترويض قلبك جداه

مثلي ولكن ماصرفته هلل
أطيع قلبي مير ماني فداه

ذكّرتني من لهفتك للغزل
بالحب و آهآته و أوّل مهاه

عوّدت بي للهاجس اللي همل
أصدق تعابيره بـ ماه و دماه

بلاك ماتدري بسهم ٍ نزل
في خافق ٍ ما عذّب اللي رماه

شي ٍ على التوصيف ما هو سهل
يجمع من الماضي لجرحي عزاه

قلب ٍ على مدماة شوقه سدل
واخفى عذابه لين ما بهواه

من غالي ٍ له في ضميري محل
لا مالقاه المغرم و لا نساه

اللي ذبحني فيه طبع الخجل
حين استمال و هامستني شفاه

هو مترف ٍ بالحسن ماله مثل
من رقّته حسّيت موتي نجاه

أثر المحبّه موت ٍ بلا مهل
في كل حين تجرِّع الصبّ آه

ياما غشاني من فراقه وجل
واغليت في غبّ المحاجر سناه

مستقبلي أرسيته مْن الأزل
لعيونه وما نلت مرّه دفاه

راح و تركني فوق ذاك الجبل
أنقش حكاية حبّنا في حصاه

واعيش وحدي بلا حبايب و اهل
ولا منزلٍ غير المسا في خلاه

لاشك بالفكر المتيّم خلل
والقلب ماظنّيت يعشق سواه

أبغاه لكن لو حصل .. ما حصل
والله يصرِّفنا على ما يراه

ياصاحبي ما قلتها لك هزل
هي قصِّتي و الجرح لبًّى صداه

صوت ٍ على ونّات شعري حمل
معنى الألم و الهمّ للي قراه

في مرتع ٍ خايلته احلى نهل
و اثْره يغثرب كل صافي صفاه

في غبّ صدري لابس ٍ له حلل
من جوهر ٍ وصله بقايا جفاه

و اقول : ما عذّبني الاّ الجهل
حين استباح العمر كلّه وراه

يموت فيني كل لحظه أمل
والذكريات تزيد فيني لظاه

وان بان بالصفحات لا ما اكتمل
الهاجس الباقي يداري غلاه

والمشكله مادام فيها جدل
كل ٍ على مسراه يلقى جزاه

نصيحتي لاصار مالك بدل
عنها ولا لك من بَعَدْهَا غناه

شاور حكيم ولا تشاور خَبَل
ما من تصاريف المولَّع هناه

من سار في درب السلامه وصل
ومن هان ساسه ما تعلاّ بناه

ومن لاتوقّع.. لو بدى له شِكَل
مرحوم قبل الموت ياخذ مناه

مايولج بـ سـمّ الخياط الجمل
وما كلّ ينبوع ٍ يطيب اِلْك ماه

الليل يسبي ما عطاك بـ عَجَل
واللي يذوق البرد يبكي عباه

و مادام طبَّك في مرير العسل
خايف تصير اللي بـ كحله عماه

والاّ العمي لو كان شوفه خذل
يميِّز بقلبه مواطيء خطاه

واذا رضينا منك سوء العمل
لاواحسافه كان عقلك رضاه

خل الجهل و لكل علم ٍ أجل
وما كل ما نسقيه يحلى جناه

جرحك سبايبه الفراغ و ملل
والقلب يحييه الأمل بالأناه

آسف إذاه مْن الحقيقه زعل
و اقفى وعن شوفي تباعد مداه

عبدالله الصقري

10-10-2021 08:18 PM

رد: إحسآس .. و مجرَّد حروف

أمّ المدآرس

مـن الـتـلـمـيـــــذ في أمّ المــــدارس
إلى حَـمَـلَـــة شـهــــادات الـــدروس

لـمـا الـتفـكـيــر ضــدّه ألف حـــارس
وهـو عـن ظلمــة الجـاهــل تـروس

فلا يــرقى المصـاعـب غير فـــارس
على الأهـــوال بـ ايـمـانــه يــــدوس

و حنّا جـيـل عــاصــر بـرد قـــارس
و جـرّعـنــــا الزمن مـــرّ الـكـؤوس

بـــ وقــت ٍعــلّــــم الأمِّــي و دارس
و لا خـالـط صفــا النـيَّـــات ســـوس

تـعــلّمـنـــا الـجنى من كـفّ غـــارس
و فـي كــل الـعـلـــوم لـنـــا غــروس

ربـيـنــا و ديـنـنــا سـاس المغــارس
و بــــرّ الوالــــدين اعــظـــم دروس

رضـاهـــم عن جحـيــم الله متــارس
هـنـيّ الـلــي لـ مـآطــآهــم يـبـــوس

عبدالله الصقري

10-10-2021 08:20 PM

رد: إحسآس .. و مجرَّد حروف

متّبــع درب الخـراب يعـــاب
كـ الّـذي يرقى كثيب مهـيــل

أو كما نجم ٍ يطيح شْـهــــاب
يحتـرق بـالجــوّ قبل يـغـيـــل

هزّني صمت الـفــؤاد و ذاب
لين غــرّق دمعـي المنــديـــل

عشت مع صادق ومع كذّاب
تـهــت بين الظل و التـظليــل

بين بيبـــان المــوافـــا بــاب
مــات مفتــاحـه بـكـفّ بخيـل

حـرّم المعبــود شرع الغــاب
في هدى التـنـزيـــل كل دليـل

بين قطع رقـاب وعتق رقاب
مثـلمـا بين الســرا و الـنيــل

العفـاف اطهر و اعـزّ ثـيـاب
و العزيــز بـدون ديـن ذليـــل

دين جـاعـل كل شي بـكتــاب
منــزل التـــوراة و الإنجيـــل

غـافـر الذنب العلي التـــوّاب
مخـزي اهل الفيل بالسجّـيــل

عبدالله الصقري

10-10-2021 08:37 PM

رد: إحسآس .. و مجرَّد حروف

بَرَّآق نآب

آه لـيـت القـلـب مـمّــا جـــاه طـــاب
والـــدروب الـلــي مـشـاهـا زلّــهــا

وليـتـه الـلـي سـامـرٍ بالـذّنـب تــاب
مـاخــذا مــــن كــــل ديــــره دلّــهــا

لـلـعـتـاب قــلــوبٍ تــظــنّ الـعـتــاب
فــيــيّـــةٍ مـايــســتــراح بــظــلّــهــا

مــادرت انّ القـلـوب الـلـي تـهــاب
مــن الـهـوى مــا تستـريـح بخلّـهـا

إيــه يــا دمـــعٍ مـــن الـخــلاّن ذاب
لـــو عـذابــي مـلّـنــي مــــا مـلّـهــا

كيف بانساها و بعض الشوق جاب
مـــــا يـخـلّـيـنـي أبـــــوح لـطـلّــهــا

دامـهــا عـذبــه نـهـايـات الــعــذاب
خـلّـهــا تــقــرأ جــروحـــي خـلّـهــا

كــل جــرحٍ خــطّ بــابٍ فـــي كـتــاب
و كــــل حـــــرفٍ تـلّــنــي مـاتـلّـهــا

دونـهــا لـيــلٍ و نـجــمٍ فـيــه غـــاب
مـــا سـتـرهـا لـيــن بــانــت كـلّـهــا

للـشـفـايـف دلّــنــي بــــرّاق نـــــاب
و مـا سريـت الاّ أبــي أوصــل لـهـا

عبدالله الصقري

10-10-2021 08:53 PM

رد: إحسآس .. و مجرَّد حروف

حنين القلب .. معناه الغيــاب
لـ فـكــر ٍ لا قسى قلبي حضـر
معـاه اظمتني وعـودالسـراب
وضيّعـت البصيــره و البصـر
ينــادمني مثل كـاس الشـراب
و يحكي لي مواجـيـع البشــر
يـذكّـر بالعـبـر اهـل الصــواب
و من يستغـفــر المولى غـفـر
ألا ليت الغـنيمـه و المـصــاب
تـذكّــر من تـغــشـِّــاهـــم غرر
و ليت النّــور يفهـم ليه غـاب
ومن بعــد السّـكـر تأتي الفكـر
إرم ذات العـمـــاد من العــذاب
بعد شوف العيــان امست أثــر
أنا ما انـكــرت ربي و الكتـاب
ولا خـطّـيـت آيــــه بـالصخـــر
ولاني بـالّـذي لا اقفيت عـــاب
و لا من قــاده الشـوك لـ زهــر
بــلاي مـن الــذي لا حــنّ ذاب
و صـبّ آلآمــه بصـدري نهــر
هـذاك القلب ما يحسب حساب
سـوى لعهـــوده ولو ما انتصر
دعــاه الحبــــ و لبّـاه و أجـاب
وعــانـق بيض صفحـاتي مطر
فــؤادٍ مـع هـمـالـيـل السحــاب
غـمــرني بالأمــل ثـم انهـمـــر
روى بالـدّم صحــرا الإغتـراب
ولـيـت الغــرس جـانـا بالثمـــر
ألا يـا خــــافـق ٍ ذاق العـقـــاب
من اقـــدار ابــن آدم لا مـفــــر
إذا جافـاك مـيـثـــاق الصحــاب
خــــذ الـمـيـثــــاق للي به أمــر
وقــل يا الله لـك عـبــدك أنـــاب
و تـعــرف بعـدهـا ويش الخبـر
وتعرف من يَهابُ ومن يُهـاب
وتلمس وصلـه بـ نصف العشر
إذا شـــآب الطفـل قبل الشّبــاب
تـراهــا من نـواقـيــس الخطــر
واذا المجــروح بالأوهـام طـاب
بقى تـحـت امــر خـلاّق البشــر
لـيــوم ٍ سُمّيَ بـ يـوم الحســـاب
إذا بــه نــاسـي ٍ لـلـمـسـتــقــــر

عبدالله الصقري

10-10-2021 08:54 PM

رد: إحسآس .. و مجرَّد حروف

ولّ ياقلب ياللي من المحبّــه عنيت
ما تكفّ و تتوب من الغلا و الشجون

كيف ماتعتبر من دربك اللي سريت
في زمان ٍ بعد زان وصفى لك يخون

الوفا كلمه وتاخذ من الشعـــر بيت
جرحها ما عرفه اللي كتبها بـ هون

ضاع عمري ادوّر حاصله وش جنيت
راس مالي لقيته تذكره للجنـــــون

كم صدوق ٍ ليا مال الدهر وارتكيت
يبذل الروح لو حلّت بقلبه طعـــون

وكم صديق ٍ طواه الهم جاني وعطيت
يوم جار الزمن ما عاد عندي يجون

ليه يومي على حدّ الصراط اهتديت
راغت خطاي وماعندي ذنوب و ديون

وليه يومي جحيم ظروف غيري طفيت
أحترق مالي من الألف واحد حنون

ليه ساعة وفيت بوقفتي ما نجيت
مات حلمي و تذكاره بقى بالعيون

يالشعر يا أعزّ رفاقي اللي بقيت
خلنا دونهم نلهى بـحزن اللحون

أحسب انّي لهم فيما مضى لي وقيت
أثرهم بـاظلم الغبّات لي يحفرون

لو عرفت البشر أصناف لامابكيت
والزمن للذي مثلي غشيم ٍ يمون

عبدالله الصقري

10-10-2021 09:01 PM

رد: إحسآس .. و مجرَّد حروف

كل عاشق له وتر يعزف عليه
يطربـه لو هو بنغمـاتـه حزين

من فؤاده تنبش جروحـه يديه
لين يحيا هـاجس الحب الدفين

إنتهي يا قلبي و لا تقـول ليــه
لا تغـرك يالظمي غـيمـة حنين

دام تــالي جـنــة العشـاق تيــه
خلهــا يا ضـايـع ٍ بين السنيـن

عبدالله الصقري

10-10-2021 09:13 PM

رد: إحسآس .. و مجرَّد حروف

>::

طــرقــت انــا لأيّـامـي الفـايـتـه بــــاب
لـعـلّـي اعـــرف وش خـذاهــا حـيـاتـي
جاوبـنـي الطـيـف المـعـلّـق بـالاهــداب
شـفـتـه وذكّــرنــي بـفـرحــة شـقـاتــي
مـعـاه قلـبـن لـــي مـسـاريـه بـحـسـاب
أوّل .... قبــل مــا تستبــــاح امنيـــاتـي
معـه سـهـرت اراجــع سـطـور بكـتـاب
والله ولا استـوعـبـت قــصّــة وفــاتــي
مـاغــاب ياقـلـبـي مـــدادك ولا طــــاب
يامـدمـيـن لاجـــل الـمـجـاريـح ذاتــــي
البـسـمـه الـلــي علّقـتـنـي بـ الاغــراب
نسـيـت منـهـا الفاتـحـه فـــي صـلاتــي
كـنّـي بـهـا و الهـمـس بعيونـهـا شــاب
لا صـبّـهـا دمــعــه ولا هــــي تـحـاتــي
هي آيــتــن كـلـمــا تـأمّـلـتـهــا جـــــاب
معـنـى الـولـه شـوقـن بمنـشــاه مـاتـي
قـلـت اسـألـك يـاجـامـعـة كــــل خـــلاّب
هـو بالهـوى جرمـن لـيـا جــاك عـاتـي
قـالـت خـمـيـل الـوجــد لبّـسـنـي ثـيــاب
و مـعــه عـزيـز الـجـرح طــرّز عبـاتـي
قلت الـظـنـا هـاتـيـه فـــي خـافـقــن ذاب
قالـت عظيـم البـــوح و اعـظـم سـكـاتـي
صـوت الـوفــا بـالحـب مبـكـي إذا غــاب
و لاجــل الـهـنـا كـلّــن يـــدوّر هـنـــاتـي
ما ينفعــك مـن شوفـتـي حـلـم و عـتــاب
مـخـــدوع لـــو تـحـلــى بعينـكـ صـفـاتـي
وان كــان قـلـبـك للمـجـــاريـــح رغّـــاب
لا تطـحـنـك دنـيــاك داخــــــل رحـــاتـــي
حــرام تـرهـن عمـرك بلحـظــة اعـجــاب
قـلـت اسكـتـي يـكـفـيــه شـوقـي مـبـاتـي
يـانـاويــه تـبـديــل الاحــبــاب بـاحـبـــاب
خـــلّــــي بـقـلـبـكـ خـانــه لــذكــريــاتــي
و تذكّـريــه الـلـي سبــايـبــك مـــا طـــاب
يــامــا عــلــى شانــك تـجـاهـلـت ذاتــــي
و يامـا نجـوم الليل صارت لـي اصحــاب
ومــجـــاذب الأبــيــات جــــرّح لـهـــاتــي
لا ترســمـيـن الـحــب ونّـــات مــرتــــاب
أنـــــــا لــغـــيـــرك مـاقـويـت الـتـفــاتــي
أبـاعـتــرف .. هالقلب من شـفـتك انصاب
غـيّـرتــي بـخـمـســـة دقــايــق حـيــاتــي

>::

عبدالله الصقري

10-10-2021 09:14 PM

رد: إحسآس .. و مجرَّد حروف

ولّ ياقلب ياللي من المحبّــه عنيت
ما تكفّ و تتوب من الغلا و الشجون

كيف ماتعتبر من دربك اللي سريت
في زمان ٍ بعد زان وصفى لك يخون

الوفا كلمه وتاخذ من الشعـــر بيت
جرحها ما عرفه اللي كتبها بـ هون

ضاع عمري ادوّر حاصله وش جنيت
راس مالي لقيته تذكره للجنـــــون

كم صدوق ٍ ليا مال الدهر وارتكيت
يبذل الروح لو حلّت بقلبه طعـــون

وكم صديق ٍ بوقت الضيق جاني وعطيت
يوم جار الزمن ما عاد عندي يجون

ليه يومي على حدّ الصراط اهتديت
راغت خطاي وماعندي ذنوب و ديون

وليه يومي جحيم ظروف غيري طفيت
أحترق مالي من الألف واحد حنون

ليه ساعة وفيت بوقفتي ما نجيت
مات حلمي و تذكاره بقى بالعيون

يالشعر يا أعزّ رفاقي اللي بقيت
خلنا دونهم نلهى بـحزن اللحون

أحسب انّي لهم فيما مضى لي وقيت
أثرهم بـاظلم الغبّات لي يحفرون

لو عرفت البشر أصناف لامابكيت
والزمن للذي مثلي غشيم ٍ يمون

عبدالله الصقري

10-10-2021 09:15 PM

رد: إحسآس .. و مجرَّد حروف

سرى خلّي و اخـذ قلبي معــه
و انـادي لـه تعــال و ما يجي

أنـا وش حـاجتي حين اتبعــه
و ليش البـال عـنّه مـا سجـي

ألا يــا لايـــم ٍ قـلبـي دعــــــه
وش يهـمّـك نجى أو مـا نجي

ترى كاس الهوى من يجرعـه
يـورّده الـســـرآب و يـرتـجـي

حبيبي شرهـتـه في مـدمعــــه
و لـكـنّــه نـسـى يـــوم التجـي

قـريـبٍ منّي بـ وقت السعــــــه
و في ســود الليــالي ما يـجـي

عبدالله الصقري

10-10-2021 09:16 PM

رد: إحسآس .. و مجرَّد حروف

جمرة سْكوت

لا تبعــد المعنى .. و يكفيك تســـــأل
وابوح لك بـاسرار تلجمك بـ سكوت

ما همّني وش صعبها وشهو اسهل
لو ينفتح باب الصــدر خايف تموت

اللي ظلمني صــاين ٍ فيني اهـمـــــل
والملحمه بفصول تُدفَن بـ تــابـــوت

يُـدفَـن فـ بَحــر ٍ يَـدفِـن الحلم الاجمل
بَدَّل بيــاض اللـؤلـؤ بـْـ دَمّ يــاقـــوت

لَمحَـه يخلّي حـاجـر الشّــوف يَدمَـل
وشعــاد لو صافحت بالعين مكبـوت

جرح ٍ بدا بالهـون بـ سْتــار يُسـدَل
إلين خـانت هـالكـوالـيــس مبغــوت

و جرح ٍ عليـه مْغَـرِّدَ اَلفجـر يخجل
صعب الحكي به صعب ٍاحمِّله نوت

وجرح ٍ قتلني عقبه الوجد و اكمل
ناره تشاغل بالوفـا لحظـة قـنــوت

و عـقـل ٍ تقسَّـم بين عالـم و أهبـل
على جبين اقـداره الـســرّ منحـوت

بـ اجيك عـالـم يجهـل القول الامثل
فيه اِفـتِـكـر لا بَيَّـنَــه كل مـبـهــوت

واجيك جاهل واعقل الحرف وادهل
بيتٍ سكن في موجه الجال والبوت

و اصـيـر عـاقـل قبلمـا يقفي اقـبـل
تايه جمع صدفه و فجأه و موقوت

و اصـل بـ قلبٍ آمن بـ جـرح منزل
لمقدِّمه عن ملحمه بـ كفّ طاغوت

يلفظني بـ ءآخر نَفَس فيه و اَشْعَل
فيني هجاد الروح من جمرة سْكوت

عبدالله الصقري

10-10-2021 09:17 PM

رد: إحسآس .. و مجرَّد حروف

الدروب الطايله

أعترف لك يـ الدروب الطايله
يالثقيله حملك أتعب عايلي

لا نهايـه .. لا محطّــه دايله
وان تفرّعتي تزيد مسايلي

مــاتنــولين الـذي بك نايله
من سلكتك والعقل بي مايلي

من طعنتيني وقلتي حايله
ما انتهيتك ما سمعت القايلي

ما قضى نحبك عصور ٍ زايله
ما بدى من حاضر ٍ لك زايلي

بالنسب كنّك من ءآصل وايله
لابتي و فيهـا أعـزّ خـلايـلـي

يالنجــوم اللي بـ عـزّ القايله
وش تبين بـ حالي المتهايلي

السراب اللي كفوفـه طايله
لو صبرنــا ما يطـولـه طايلي

أكتب ومقصودي اللي شايله
و آتعـذّر كان قـصـّــر صــايلي

الطريق اللي بـ رغبه جاي له
مادريت انـّه بـ رعبه جـاي لي

مــا تـوجّـزت بــ قصيــد ٍ قايله
جف معناي و خــذآه السايلي

لي مصـابيح الليــالي مـايـلـه
بس منزالي جـفـــاه الخـايلي

عبدالله الصقري

10-10-2021 09:18 PM

رد: إحسآس .. و مجرَّد حروف

قنوت

ذي هــديـًّــه للعــزيــز المحـتـــرم
من فؤادي صغـتـهــا عـدًّة بيــوت

وان ســألت القلب جــاوبتـك نعــم
هـو مقــرًّك يا نـديمي ليـن امـوت

وان بغيت الصدق شف خطًّـ القلـم
قبل يـمحـيـه الدُّجى وعنًّك يـفـوت

و ابتسـم في وقتـك اللَّي ما اْبتسـم
غـيـر لــ صْحاح النوايا و البخوت

و ان تبـسًّــم لا يغــآفـلْـك بـْـ سهـم
قوسه بـ يـدْك..وسنين العمر قوت

لو نفعك الكيف ما عـشـت الـوهــم
لين صافحت الحقيقـه و مـآل بوت

في بـحــور الغيِّ كـم حلـم انـهـــدم
والغـرق طآل اَهْـلَـنـا وسط البيـوت

مـا تـعـنًــا غـيــرهـم أو شـآل هـــم
مـا تشيلــه لا جـبــال و لا خـبــوت

مــا لـقَــوا منَّـا ســوى كـل الألــــم
لين مـآتـوا من ألَـمْهـم في سكـوت

لا .. و مـن عـلًّــم نـبـيـًّـه بالـقـلـــم
و اَخرج لْمستغفره من بطن حـوت

الـحـيــــاه اللَّي بــلا ديــن و قـيـَــم
كـ الـسًّرآب اللًّي عن الظامي يفوت

و الــدروب اللًّي نهـايـتـهــا النـــدم
الحـذر لو تـنـفـرش نرجس وتــوت

ليتهـــا من شــوك صبَّــار و سَـلَــم
كـان ما شـفـنــا سمـايلهـــا كـيــوت

لـيتهــا ما جـرجـرت نـفــس و قـدم
و ليتـنـــا فــ دروب خالقـنــا قـنـوت

الـمعـــاصـي لا تـعـيـِّـشــك الـعــــدم
و ان بقى بك نبض مالك أي صوت

دام عـنــدك وآلـــديـك ارعَ الـذِّمـــم
بـرِّهــم مـن قـبـل واحـدهــم يمــوت

عبدالله الصقري

10-10-2021 09:18 PM

رد: إحسآس .. و مجرَّد حروف

حلمت بـ عقربه تدبي بـ جنبي
لهـا رجول ام أربـع واربـعيــن

لها لون الذهب والســــمِ بمبي
و مـدري جن كـانت أو هجين

و باتت لين حل الصبـح قربـي
وانا بــ آيــآت خالقـنــا حصين

وقلت: الله على ماشفت حسبي
يجنبني عن الـشــــر و يعـيـن

كفاني سـمــهـم بـ زلآل شربي
نعم واعمى عيـون الحاسـدين

وانـا محتــار و آداري و اخبي
على قول ام كلثـوم و حـزيـــن

فــ لا يخـفـى عليـك اللي بقلبي
و عشـرتنــا لهـا عـــدة سنيـن

ولا يخفـاك ابــد جــدي و لعبي
و همي في حيــــاتي و الأنـيـن

و بعيونك شهدت اعلآن حـربي
من اقربهم ,, و زادوا الحاقدين

على جال المشــاكل كان جــذبي
من اللي بــ الـجـهــالـــه مبتلين

علي اخطـوا كثيـر و زآد كـربـي
و صرت الخايـن لــ مـبــدأ أمين

وصار اصغـرخطـأ بـ البعـد ينبي
و هــم أكـبــر خـطايــاهــم حنين

و كثر اللي مضى و اهوال دربي
بـ عـمـري مـا حقـدت و ما أدين

سـوى للي معــه غـفـران ذنـبـي
وهـو سـبحآنـه اقـرب لـ الوتـيـن

عبدالله الصقري

10-10-2021 09:19 PM

رد: إحسآس .. و مجرَّد حروف

قيل قديما أنَّ المستحيلات ثلاث
الغول و العنقــآء و الخلّ الوفي
هل صحيح أنَّ الخل الوفي مستحيل

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هي قصيدة قديمه كتبت في هذا الشأن

بعد أن هجرني الشعر فتره

فكانت هذه عودته حينها

ووجَّهتها إلى أحد الأخوة الأعزَّاء

مدرجا فيها مفارقات عدّه

و إليكم النص وأرجوا ان ينال رضاكم

.........................................

صاحبي . نبَّهني مْن الجرح "جافي"
هـزّني بوصــالــه المرتـــاب "قافي"

طـمِّـنَـــــه في راحتيك وشوف مابه
خافق ٍ بين ( العيــون و كفّ ) لافي

أسـتُــرَه بين الظلـوع ليـا فـضـحني
و اَدفـنـــه حـيِّ ٍ عليـه الحـيّ رافـي

ما تكلَّفتــه قصيــدٍ لي تـشــوفـــــــه
لا ولا بـيَّـنْـت لـو بَـيَّـحــت خــــافـي

أســـألــك باللّه يــــوم الـكـل يـســـأل
مـسـتحـيــل بـصــدق نلقى خل وافي !!؟

هـالزّمـــان يـعـزّ من يدنيـــه كـذبــه
مـنَّـه الصّـادق جـنـى مليــون جـافي

و اســألـك باللّه لا تـشـــره عـلـيــَّــه
هاجسي لـ اتلآه يـاطـا الشـوك حافي

مـدلـج ٍ هـجَّـج من الأحــداق نـــوري
مرجهن .. من هـيَّض المكنون طافي

تـفهــم الـمعـنـى إذا ســــرَّاك معـنـــا
خـاطــر ٍ بـ شْـفـــاه رمش الآه غافي

مـخـلـف النيـَّـه يبي يسلى بـ نـوحـي
قـال : طيِّب؟ قلت : مابي منك شـافي

إيـه لي حـرف ٍغَـرَسـني بـ قاع غـبَّه
بـس مـا زَيـَّـف مـعــانــاتــي و زافي

صَـبِّـني بـعــروق ٍاَغْـرَقْهَــا الحـنـيـن
و مـا جـذبتــه في ذرا مرقــاب نـافي

هــزِّنـي جـرحـي و لا هـزّيـت جــرح
و ما جـنيـت من الـظـنـا لليــوم كافي

مستحيل آكـحِّــل عـيــون الـيـــديـــن
لو قصَــر شوفي وشفت النقص وافي

مـوقـفـي واضـح من الليل و نجومــه
الـنهـــار يــردّ نـجــم اللـيــل طــــافي

لـو تـنــام الغيمـــه بـ حـضـن السمـــا
لـ الـنّــوا بصمــه لو المجــدول ظـافي

آيــــةٍ لا مـــا يـشــــاهـــدهــــا خَـلِـيِّ ٍ
مـن خَــوَا نـبـضــه ينــاجي كل هـافي

كـلّ مـوق ٍظَـلِّـل اهــدابـــه سـرآبـــــه
ما اَنْـبَـت بْـوَجــده على ما راح سافي

مـن سـكـب دمـعــه عشانك لا تـلـومـه
قـبـلـمـــا يلقي الـســلام اقـفـــاه قــافي

غـصـب ٍ ولـو قَـلَّـدَك مـن درّ قـــافــــه
مـا أظنّ بـ قـطــرة ٍللـبــحــــر ضـــافي

دَمِّـي اَصـخـيـتــه بـ جُـود و جـفّ دمِّي
و الـنَّـظـــر بين السَّنـــا والـبــرق دافي

و البلا .. لو يـكـسـب الـدّانـي جـمـيـلــــه
او شـفـق بـالــدَّمـع واسـقـانيــه صـافي

مَــلّـنـــي قـلـب ٍ يــمــــالــــيـــنــي دوآه
عـفـتَــه و ممَّــا لـقـى بـالـضّـيــم عـافي

مــا هـفـى لاجـلي و لا ظـنّـيـت يـعـفــــا
عــادتــه يـظـمـيـنـي و يـرويــــه قــافي

عبدالله الصقري

10-10-2021 09:22 PM

رد: إحسآس .. و مجرَّد حروف

رسآله

كُلّمَا يِتلَخبَط اِحسَاسِي بْـ رِسَــالَـه
أَلتِـقِـي في دَاخِـلـي جَـــرح ٍ دفِين

جَرح غيراَلجَرح الاوَّل أَو بـدَالَـه
يختِـلِــج في قَلبـي المَـدمِي سِنيِن

يَـنـزِف و يسقيني لـ حَـدَّ الثّمَـالَـه
ليـن فِي وَجهِـي عَـلَامَــاتَــه تِبين

بين حِكْمَة عَاقِل وُ نَزوَة جَهَــالَــه
و بين آآهَة صَابِــر وُ بَسمَـة أَنين

كُلّ جَرح بْـ قِصَّـه وُإِثبَــاتْ حَـالَــه
وكُلّ دَمعَـــه تَجعَـل القَـاسِـي يِلين

ليتَهَـا لآنَت قُلُوب اَهل الجمَــالَـــه
مَا قسَت بالمِمتلي شُـوق و حَنِين

اَلرّسَـايـِـل لَا غَدَتْ للبُـــوح آلَــــه
خَلِّي الخَــافِقْ مَـعَـاهَـا مـسـتِكـيـن

إنْ طَرَى لَه جَرح وَالاّ مَاطَرَى لَه
خَلَّـه ينَــاجِي وَ لَا تِســأَلْـــه مـيـن

للحَيَـاة الظَّالمَـه صُـورَة عَــدَالَــه
مثلمَــا فِي ظَـالِـمِـيــنَـــا عَـادِلِـيـن

مثل من ضَاعَت يمِينَه فِي شمَالَه
يَآكُل بْـ يُســرَآه و يَحسِبهَــا يِمِين

متّقي رَبَّ المَلأ في كَسب مَــالَــه
مَا يسَـاوِيـه الّـذِي بَـه يِـسـتِهـيـن

من غَرَس في رُوضَةالخِلاَّن بَالَه
مَا جَنَى غَير الهَــوَاجِسْ كُلّ حين

يسْـرِجَ اَلتَّفكِيـر وَ الأَوُهَــام فَـالَـه
يفقِـد اَلتَّمييــز لَـو عَـقْـلَــه رزين

العَنَا مَوجُود واَشْقَـاني وصَــالَـه
والهَنَـا مَفقُــوُد واَلمَعنَـى الثّمِيـن

لَامنِي من يعتِبـر حِـسّــي هَبَـالَـه!
لَـو يِحِسّ الّلي فِـ ذَاتِي مَــا يِهِين

فِينِي التَّعبِيــر لَـه نَهْج و دَلَالَـــه
فِيه سَلوَى و فِيِه عِبْـرَه للـفطِين

هُو أَعَـزّ بْدَاخِلِي . وهُوَ الِّرسَالَه
لَو أَمُــوُتْ يظَلّ بين اَلعَــالَـمِـيــن

عبدالله الصقري

10-10-2021 09:23 PM

رد: إحسآس .. و مجرَّد حروف

هَمَس قلبك لقلبي بالوداد
و شفت بنآظرعْيونك دليل

و ليت الهمس للقلبين فاد
و لا بات الغلا دمعه تسيل

أنا آحبِّك وحبِّي فيك زاد
و من حبِّك غدا قلبي عليل

أخاف آصآرحك واجني البعاد
و اخاف ان ما تصارحنا تميل

من الحيره لهيب القلب قاد
ومن صمتي سهرت بلا خليل

عبدالله الصقري

10-10-2021 09:24 PM

رد: إحسآس .. و مجرَّد حروف

يـامـل قلبٍ يـونّ بعــالي رجـــومـه
يعاتبـونــه ولا يدرون ويش امـــره

لا قيل مجنون(مجنون الذي يلـومـه)
لو ان بعض المغـارس مـالـهـا ثمـره

سرت بليلي سكـايب جن مختـومـه
ومن العنـا جـابت انفاس الهوى غمـره

سبايب اللي هجرني و اقفت علومه
لا و الله الاّ حضنت بــ قـلـبـي الجمـره

في أي ملّه أناجي الليل و آصـومــه !؟
و بأيّ مذهب أصوم وأفطر بـ خمــره !!!

يا عل قلبِ سهرت فـ روضة همومـه
يصادف الفرحــه ليا طــابت السمـره

المشكله يشرب من اجراحه سمومه
و اذا نهيتـه يعـــاف لــ فذّة التـمــره

أقول هدّي..وتملا الكاس ديـمـومـه
تبلّ جوفي ولا حنّت لي القمــــــره

و اقول هدّي..و عوَمني على عـومــه
جعل بـ شوفـي جميـع الــدّور معتمره

لا ياقمر زور ليلي و قَـطِّــع هـدومـــه
اللي كساها عيوني و زادها حمــره

اللي رمتني معـاه اقـدار محتومـــه
نجى .. وخلاني بـ جال ٍ قوى طمـــره

لا شـك عيني على لامـاه موهــومـه
ما كنّي الاّ غــريب مـقيّـل بــسـمـــره

يا رامي القلب ما يستاهل سهـومه
لكن بسيطـه مـدام البــوح لـه زمــره

الليل نجمـه ..ومثلـي مضـيّـع نجومه
ورا غمـــامٍ غــرامـه نـــاويٍ دمــره

والحب بسمـه بثغــرالــورد مرسومه
وقت الربيـع ..وبعدهـا عـزّه فـعمـره

يا ويله القلب مابـاع الذّي يسـومه
أطيـع أمـره . وهو قلبٍ تحت أمـــره

عبدالله الصقري

10-10-2021 09:25 PM

رد: إحسآس .. و مجرَّد حروف

>::

بـلاني ربّـي احمـل هـمّ غيـــري
و فيـنـي مـا حــدٍ حــسّ و درى

و بكفـوفـي دِمَلْتْ جروح طيـري
و طــار و جــرح قلـبي ما بـــرا

الا وشلـون اضيِّـع خـط سـيــري
و ادلّ السَّــآهـــر دروب الكـــرى !

و ليلي .. في دجـآه اغتـآل نيـري
بَعَــد مـا ولَّــعَ الشّـــوف السَّــــرا

إذا تطمـس كـفـوف الشَّــر خيـري
فـلا غيـــر الـوفـــا حـلّ و طـــرى

بذَلْت الـرُّوح لاجل يعيش غـيــري
فـ تعبيـــري .. و انا تحت الثــرى

>::

عبدالله الصقري

10-10-2021 09:25 PM

رد: إحسآس .. و مجرَّد حروف

أسيرَك يَا بَحَر؟ وَالَّا أسيرَ الّليل ؟ مَدرِي
غرامك ما هـو الاّ غـبِّـةِ تَحوِي ظَلَامِي

أنَاظِر يا بَحَر موجَك وفِيه آشُوُف بَحرِي
يعُـوُمَك مَا يَبي غيرَك أحَد يَفهَم كَلامي

حَسَبتَك يَا بَحَر إنسآن قَدرَه فوق قَدْري
أثَاري ذِمّتَك دايم تِخُونْ ... و مَا تلامي

اَبـ اَسأل يا بَحَردَام اَنتْ بـ اَلغَـرقَـآن تَدري
حَياتَه وشْهِي اِلاَّ قَطْرةٍ مِنِّك!؟ و ظَامِي !!

سَرَقتَه يَا بَحَر منهو بـ ذِيِك اَلفُلْك يَسرِي
جذَبْتَـه مَا طَرَى في نِيِّيِتَك غير اَلعَدَامِي

يمِينَك يَا بَحَرمَركِبْ قِدِيمَ اَلخَير .. مَذْرِي
حَلاَ بِـ المِلْح ويسَآرَك بَهَا مِجدَاف دَامِي

و عينَك يَا بَحَر سِر ٍعَلى مَرفَــآه جَهْرِي
تنَاظِرنِي و تِنكِرنِي و هِي تَدري عَلامي

و قَلبك يا بَحَرتَجرِي دِمَآه بـ جَال صَدرِي
و مِنْ يَروَاك اِلاَّ قَلبِي و مَنْ فِيِك عَامِي

أَمَـآنَــــه يَـا بَحَر مَآ دَآمَنَـا جِينَــآك نَجرِي
تِسُـرَّ اَروَاحَنَا ؟ واَلاَّ عَلى خُبْري حَرَامِي

بِـ رَبَّـك يَا بَحَر لاَ بَــآتْ فِي ظَلْمَآك قَبْرِي
تَرَفَّق لَو أحِبّ يِكُوُن فِي جَوُفِـك مَنَـامِي

عبدالله الصقري

10-10-2021 09:26 PM

رد: إحسآس .. و مجرَّد حروف

قَالَـوا تَأمَّلْ قُلتْ مَااْشُوف اَنَا شَيّ
اللّي بِـ قَلْبِي عَـتَّــمَ اَلشُّــوُف لِيَّـهْ

لَامَابقَى لِي فِي مَدَى نَاظِرِي ضَيّ
اِلاَّ خَيَـال ٍ يِـشْـبِـع اَلجَــرْح فِـيَّـــهْ

يَاموُتْ نَبْضَه تَشْهَد اِنَّه مَعِي حَيّ
يَكفِي رَحِيلَــه يَكفِي اَلمـوُتْ نِـيَّــهْ

وُ لَو آتَـأمَّـلْ .. مَا بقَى للأَمَـلْ فَيّ
تَـدْرِي عُـيُـونِي كُلَ اَلآمَـآل هِـيَّــهْ

الساعة الآن 12:28 AM

صفحة 1 من 14

1

الأخيرة »

عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
مجتمع ريلاكس

Ads Management Version 3.0.1 by Saeed Al-Atwi

new notificatio by 9adq_ala7sas
دعم وتطوير نواف كلك غلا

1 1 1 2 2 2 3 3 3 5 5 5 6 6 6 7 7 7 8 8 8 10 10 10 11 11 11 12 12 12 13 13 13 15 15 15 16 16 16 17 17 17 28 28 28 30 30 30 31 31 31 32 32 32 37 37 37 38 38 38 39 39 39 41 41 41 44 44 44 45 45 45 46 46 46 47 47 47