قالت سِتِّي ..
 

"قالت ستي
وقت الكَباب سكروا
الباب
ووقت المجَدَّرَة نادوا
للمعترة



قالت ستي
البخيل متل الكديش
بيحمل دهب وبياكل حشيش



قالت ستي..
خايف هزك يا غربالي
يوقع منك كل عزيز وغالي



قالت ستي ...
العشرة يلي هانت
ياريتها ما كانت..!



قالت ستي..
اللي بيعاتب الرخيص
بيرخص



قالت ستي
قالتلا ياجارة سكبيلي .. ردتلا بكفوفي ولا بصحونك الي ع رفوفي



قالت ستي
لا تضرب وتغمق الجرح
مابعد العداوة إلا الصلح



قالت ستي
ناموا عندي ليلة
فكروا حالهم من العيلة



قالت ستي
بنت الأصل
بتخلي كوخها قصر



قالت ستي
خليكي عند أهلك عزيزة وشبعي دلال
صح كتار الشوارب بس قليلين الرجال



قالت ستي
قبل ماتركبي لأذانك حلق روحي ركبي لتمك غلق



قالت ستي ...
ماصفي حدا صالح
كل الناس مصالح



قالت ستي...
الله يكفينا شر من رحب فينا وهلا
ومن ورانا حكى علينا وما خلا



قالت ستي
شيل الريحانه وشمها
وخود البنت على ريحة أمها



قالت ستي...
يلي ألو غايب
بضل قلبو دايب



قالت ستي ...
لا تاكل هم حدا
لأن وقت همك الكل عامل ريجيم



قالت ستي...
الست مالها غير صحتها
لا رجال بيشفع ولا أولاد بتنفع"



منقول ..

رد: قالت سِتِّي ..
 

.
.

تسلم ستك وأقوالها كلها حكم
نقل جميل
شكرا يا جميلة

رد: قالت سِتِّي ..
 

رد: قالت سِتِّي ..
 

رد: قالت سِتِّي ..
 

سلمت على طرحك ومنفعته
مودتي والياسمين
وريحانة محبة fl

https://up.boohalharf.com/uploads/164761800945772.gif

رد: قالت سِتِّي ..
 

طرح رآقي وانتقـــاء مميـــز ومجهود رائـــع
الله يعطيكـ العافية

رد: قالت سِتِّي ..
 

طبتم جميعًا ورُقيّ البصمة وأنيق الحضور
شكرًا لكم .. بل ألف شكر