المساعد الشخصي الرقمي

مشاهدة النسخة كاملة : ((لفني يا شوق في راحة يدينك))


القارظ العنزي
11-23-2021, 08:22 PM
يا خديني ليه ما ترحم ... خدينك
تلتفت له يوم بالعين ... الفضية
تلتفت لي يوم وتباشر ... حزينك
حزني اللي طال من حب العذية
ليتني يالترف من وشمة جبينك
او سلسال الجيد جيد الغشمرية
لفني يا شوق في راحة يدينك
لفني ارجوك مع ضمة ..... قوية
تنتعش عروق قلب من .. ضنينك
والحنايا تنتعش معكم ... شوية
تدري كم من يوم وحنا مرتجينك
ننتظر رحمتك تنزل ....... يالهوية
لو بغينا ناصلك جوة ... .. عرينك
لكن لاجلك ما نجيكم ..... بالاذية
دام ديني يالغضي منهاج دينك
انتظر ثم انتظر ما هي ... قضية
تدري انا يالغلاوي ..... مشترينك
ما نبيعك من حضر والا ... بدوية
اقبل اني بالعمر أبقى . سجينك
دام شوفك بينهم يسهل عليه
خابرينك بالوفاء توفي .. مدينك
ويعلم الله حبنا ......... رب البرية

القارظ العنزي

القارظ العنزي
01-04-2022, 12:01 PM
ربك اللي يعين يالقارظ . يعينك
يلتفت لك بالبشر بعض .. البرية
يلتفت للقاف من يفهم سنينك
يفهمونك وانتظر منهم شوية

للرفع فقط

سجايا
01-04-2022, 10:01 PM
شاعر العشق والهوى
سلطان القوافي
القارظ العنزي
صح لسانك ملايين
وضعك صعب ولازمك طب وعلاج
وتحتاج لطبيب ن يفهم بالقضيه

لولاي اخاف من كثر لوم . وحراج
جبت الدوا واعطيك ياه......بيديه

ههههههههه

صديقي وتوأمي بالحرف والمشاكسه
تقبل مروري َاعتذاري عن التقصير

القارظ العنزي
01-05-2022, 02:21 AM
ياللي قصفت الروح بجناح ميراج
صاروخها يحمل قنابل ...... نووية
قلبي ضعيف وخاطره كف ديباج
وروح خفيفة ظل تفهم ..... عليه
أقدم على درب الفضيلة بلا حراج
هات القوافي تطرب الروح .. ليه

صح السانك ملايين أيتها المشاكسة
العذبة سجايا دمت بود

عبدالعزيز
01-06-2022, 10:23 AM
الشاعر العذب القارظ العنزي : سبحان الله ! نصوصكَ الشعرية غارقةٌ في العذوبة (موهبةٌ بديعةٌ تبارك الله) .

القارظ العنزي
01-06-2022, 12:17 PM
هذا من طيب اصلك
ومعدنك وقيمتك
الراقية أيها الراقي
عبد العزيز طبت وطاب
مرورك وحضورك العطر