((يا لطيف الروح))

[القارظ العنزي]

يا حسين الخد وعيون ....... وذوايب
ما تشوف البين متسلط ........ عليه
الهوى مع حضرتك جاب .. المصايب
ساهر بالليل وعيوني .......... شقية
لا حميت الخل ولا ارخصت .. الترايب
يمكن اني اعذرك لو هو ...... شوية
روحي اللي راحت مع زولك نهايب
من يرد الروح ليه .............. يالعذية
حسك اللي أفهمه سادي العجايب
مجرم بي وانت عذرك ....... نرجسيه
ليتك مني بالعرب والا ...... القرايب
يمكن تحصل شوفتك لي .. ضحوية
لكن الله قربك وانتم ........... غرايب
حبك اللي قربك وانت .......... اجنبية
يا لطيف الروح يا سيد ..... الحبايب
التفت لي رحمة لله ................ برية
قدم لله صدقتك للعود ....... شايب
ما يتحمل صدكم يا هل ..... الحمية
ارحم صوت جاوبه صلف..... الهبايب
مع طيوف زارته صبح .......... مسية

القارظ العنزي

[عبدالله الصقري]

و هنا موعد آخر مع الإبداع و الإمتاع

صح لسانك يالعذب على هالنايفه
ولا حرمنا الله جود قريحتك النقيَّه

لك جل تقديري واحترامي
مع أرقواجمل تحيه

[القارظ العنزي]

صح بدنك يالعذي
عبد الله الصقري
ولا حرمنا تواجدك
في متصفحنا المتواضع

[نبيل محمد]

هنا نؤكد أن المفردات حينما يصوغها شاعر ك : القارظ

العنزي
نرى أن النص قد طغت عليه الصور الفنية الأدبية

المذهلة
في كافة أرجائه
صح لسانك

الختم وللتنبيه
ومكافأة المنتدىflll:

[إلهام]

الله يسمّح له الدرب والنية

صح لسانك

[القارظ العنزي]

اشكر ضنك بنا وذوقك
الراقي سيدي نبيل محمد

[القارظ العنزي]

اللهم آمين صح
بدنك إلهام

[النقاء]

يا لطيف الروح يا سيد ..... الحبايب
التفت لي رحمة لله ................ برية
قدم لله صدقتك للعود ....... شايب
ما يتحمل صدكم يا هل ..... الحمية
ارحم صوت جاوبه صلف..... الهبايب
مع طيوف زارته صبح .......... مسية



الشاعر المتألق دومًا ذوق الكلمة القارض

ياذا الفكر النير والمكنون المُبطن بالشعر الزاخر
والذي لايشبهك سوا بوح قلمك
تأتي كـ غمامة حبلى ب أنقى معاني الشعر
تبعث الآهات حروفك آهات الروح
لبوحك أنساب نزفه بين السطور
عميق بِالروعة والموسيقى الشعرية المدهشة


صح لسانك واعتلى شأنك

مبدع دائمآ


شكرًا تتكاثر لروحك الجميلة هناااا

[القارظ العنزي]

شكرا لمرورك العذب النقي
أيتها النقية النقاء كم أسعدني
هذا الحضور والمرور العطر

[سجايا]

:eek:
الله الله يالطرب والجو...طايب
بوجود الغلا تحلالي... السهريه

من حليت بحيينا واحنا..... حبايب
وعيوني تناظرك صبح.... ومسيه

عن غرامك القلب ماهوب... تايب
ولا نساك بيوم لو انت..... ناسيه

وشلون ابنساك وانافيك....ذايب
طاعت لك الروح لوهي.. عناديه

عسى ظني بالغلا ماهوب خايب
ولاتشمت بي حسادي....وعاذليه

انت ياهلي وناسي وكل القرايب
لو يسمح الزمن وشوفك. حواليه

والله لو دورت مابين... الصحايب
ماغيرك الي اقدمله قلبي هديه

نبراس الحرف
وسلطان القوافي
القارظ العنزي
صح لسانك ملايين
تقبل مروري كماهو

ودي واحترامي


snabil:

[اوراق]

ابيات جميلة
دوحة عذبة
يسمو الحرف ليرتقي بك
تسلم الايادي

[فرح]

نص ياخذني للعلوو من ناصية الاعجاب
وجرس الحرف كثيرٌ ايها الجزل
مداه ومسيقاه تبقى في نفوس الماره
صح بوحك واعتلى شانك fl

[نجم ضاوي]

:eek:

اشوف الماء في وسطه . شوايب
وإنت .. تشرب منه . . وبليا .. رويه


اظن مسعاك . في المحبوب خايب
خذ كلامي جد . . ولا تزعل . . عليه


قالو .. إن القارظ .. فكاك النشايب
وقالو إنه قرم .. ما يخلي . . خويه


وانا اشوفه غير . . تنصاه المصايب
مصيبته في الحب . . عز الله قويه


خل عنك الحب .. يا ذيب .. الطنايب
خذها نصيحه من سمي ينصح سميه


الله الله عليك يا صبي .. عنيزه .. ما اروعك ...
من اروع ما قرات لك ...
انت رائع وعذب السجايا ...

صح اللسان وسلم نبض الفؤاد وعذب الاحساس والبنان ...

يسلم الحس والذوق الفريد ...

... لا خلا ولا عدم ...

bosra:

[القارظ العنزي]

:eek:

يا هلا بالترف مجدول الذوايب
بالحلا والزين ما شفنا .... حليه
لأجلها يا ناس نشد .. الركايب
ما تبرك غير في ساحة .. وليه
مرحبا بالقاف من سيد النجايب
مترف بالبيض ما يترك .. خويه
ناصلك يا زين لو دونك كتايب
لاجلكم نموت لو رحنا .. ضحية
كانكم بالحب تشكون الحبايب
حنا يالغالين نعيش .. القضية
هذا هو الحب لولاس وحرايب
الحظيظ اليوم من فاز بهويه

صح السانك سجايا ولا هنت ي
تطربني دوما مجاراتك يالغالية

bosra:

[القارظ العنزي]

الجمال في مرورك
وشهادتك الكريمة
والزكية أيها الزكي
أوراق لاهنت أخوي

[القارظ العنزي]

أسعدني مرورك الكريم
وتقريضك اللطيف فرح
طبت وطاب مرورك وحضورك العطر

[القارظ العنزي]

:eek:
قافكم يا ضو ولع بي ... لهايب
ما تعين اخوك في عشق البنية
كنت اظنك دوم من بين القرايب
اثرك يالمحتال ما عندك ... حمية
انا لو حبيت احب ........... الحبايب
مدمج الساقين يرميك .... بهبية
قلبي الياحب ما حب .. الشوايب
حبه دوم شي ما تلقى ... حليه
يا جزيل القاف حماي .. الحلايب
يا نطاح القوم في وقت المنية
افتخر بك دوم من بين الصحايب
يالوفي يالقرم يا ذيب . السرية
عامري الدم من ستر ... النجايب
حاضر الفزعات ....... قطاع الثنية

صح السانك واعتلا شانك اخي وصديق
الطريق والعمر ابو سلمان العامري نجم
ضاوي . لاهنت ولا هان منطوقك

bosra:

[نجم ضاوي]

:eek:

أنا ولد جازان . . وابن النجايب
اعجبك لا ثارت . بدمي الحميه


ما اقوم لسهل قومتي لصعايب
ما همني . . لو كان ذقت المنيه


ابشر بعزك . . ولا ترتد . . خايب
تسلم ولا تسلم .. نفس ن رديه


من شان عينك . . يا ريح الحبايب
افزع لعمان . . معي موتر هديه


واسوق مهر الزين حمر الركايب
خذها هديه من الضاوي لخويه


bosra:

[القارظ العنزي]

كفو يالضاوي كفو يا بول سلمان
تقول وتفعل وتطول عساك
على القوة متى ماحتجناك
نلقاك لاهنت
انت عضيد الروح يا غالي الروح
انت رمز الخوة والوفاء يالسنافي
عساك تبطي حي وصح السانك
افداك

[لحن الحروف]

يالطيف الروح
جملت المساءبرونق الحروف
الروح هنا فقئت الجمود في عين التكلف
هنا رهافة حس ونبض حنون


استاذي القارظ العنزي
حرف أعلن موازاته لرحيق الياسمين
وأكتنز من عطر الحرف ما يروم المدى
سلم القلم واليراع مبدعنا

https://3.bp.blogspot.com/-8gdkPWKCZ-0/WMvbAmTy71I/AAAAAAADGew/sLNIqEY62QIwcJ1W92L_zMoK4iKCeOA2wCLcB/s1600/0_fd65f_2ebfeb54_XL.png

[القارظ العنزي]

يسلم حرفك لحن الحروف
سعيد انا في مرورك العطر