الشاعر شوقى غنيم
07-31-2021, 12:24 PM
حكاية أم مع ابنها
قصه حقيقيه
**
اتمنيتك تجيني واما جتني كان يوم عيدي
وفى حضني وعلى ايدي كانت اكبر فرحه
بيك يا وليدي
ومن فرحتي بيك عليت زغاريدي
وكنت فرحتي فى الدنيا وحبيبي
وكنت راحتي رغم تعبي وتعذيبي
ومن حنيتي اديتك ومن عمري وشبابي
ويوماتي اشوفك بتكبر واقول باسم الله .الله اكبر
نعمه واعطاها ليّه الله.. واسبح بحمده واشكر
على حبه لّيّه ورضاه ..وتمنيت بسرعه تكبر
وسهرت جنبك الليالي وكنت فى دنيتي منور
وكنت عزوتي ومالى وما فيش فى غيرك بفكر
وكل مراحل العلم علمتك وليلاتي معاك أسهر
ومن كدي وشقايا اديتك........اديتك كل ماقدر
ولما كنت بتخرج من بيتك ميجينيش نوم واسهر
ما قصرتش فيك وربيتك وانت يوماتي بتكبر
كنت فاكره ذى ما حبيتك انت بتحبني أكتر
لكن ولاد السوء اتلموا عليك ومعاهم ليلاتي بتسهر
ولربي عشانك صليت ودعيت ترجع لصوابك وتتغير
لكن انت اللى أصريت من غير وعي ولا بتفكر
وبقيت بتغيب عن البيت وقالولي الناس عليك بتسكر
وفى يوم قلتلك ابعد عن الولاد دول قولتلي موش حاقدر
قولتك يابني انت ابن اصول.... يابن يا ضنايا فكر
قلبي ليلاتي عليك مشغول انا ما بنمشي بتقلب على جمر
انا عليك بيتحرق قلبي انا عشانك شايفه المر
مديت ايدك علىّ وضربتني ووقعت من طولي على الارض
وكمان يابني شتمتني ومالقتشي مني اى رد
ورحت المستشفى وما زرتني وما كان منك اى ود
جات الشرطه تسألني قلت انا ما ضربني حد
وغصب عني دعيت عليك وقلت يفرج عليك خلقه
ما اعرفشي اللي حيجرى ليك
وقالولي واحد من صحابه بسكينه طعنه
ولقيت كل الناس حواليك
وضنايا ابني غرقان فى دمه
بكيت وحافضل ابكي عليك
وافضل ادعي قدام قبره
ان ربنا يرضى عليك
واقول يا رب انا قلبي مسامحه
يا ريتني ما كنت عليك دعيت
قلبي بسرعه ربنا استجاب له
دي حكايتي باحكيهالكوا
للكل يشيل على راسه أمه
دا الجنه تحت اقدام الامهات
واللى يكرم أمه يكرمه ربه
ويعيش سعيد فى الحياة
بدعوه واحده من أمه
***
****
ملحوظه
هذه قصه حقيقيه قالتها لى أم
وهى تبكى
فجعلتنى ابكى معها
وبكيت فى كل حرف من حروفها
اقدمها درس لكل ولد او بنت
فدعوة الام عند الله مستجابه
ويعجل الله بها فى الدنيا
اللهم اكرم امهاتنا
مع تقديرى
قصه حقيقيه
**
اتمنيتك تجيني واما جتني كان يوم عيدي
وفى حضني وعلى ايدي كانت اكبر فرحه
بيك يا وليدي
ومن فرحتي بيك عليت زغاريدي
وكنت فرحتي فى الدنيا وحبيبي
وكنت راحتي رغم تعبي وتعذيبي
ومن حنيتي اديتك ومن عمري وشبابي
ويوماتي اشوفك بتكبر واقول باسم الله .الله اكبر
نعمه واعطاها ليّه الله.. واسبح بحمده واشكر
على حبه لّيّه ورضاه ..وتمنيت بسرعه تكبر
وسهرت جنبك الليالي وكنت فى دنيتي منور
وكنت عزوتي ومالى وما فيش فى غيرك بفكر
وكل مراحل العلم علمتك وليلاتي معاك أسهر
ومن كدي وشقايا اديتك........اديتك كل ماقدر
ولما كنت بتخرج من بيتك ميجينيش نوم واسهر
ما قصرتش فيك وربيتك وانت يوماتي بتكبر
كنت فاكره ذى ما حبيتك انت بتحبني أكتر
لكن ولاد السوء اتلموا عليك ومعاهم ليلاتي بتسهر
ولربي عشانك صليت ودعيت ترجع لصوابك وتتغير
لكن انت اللى أصريت من غير وعي ولا بتفكر
وبقيت بتغيب عن البيت وقالولي الناس عليك بتسكر
وفى يوم قلتلك ابعد عن الولاد دول قولتلي موش حاقدر
قولتك يابني انت ابن اصول.... يابن يا ضنايا فكر
قلبي ليلاتي عليك مشغول انا ما بنمشي بتقلب على جمر
انا عليك بيتحرق قلبي انا عشانك شايفه المر
مديت ايدك علىّ وضربتني ووقعت من طولي على الارض
وكمان يابني شتمتني ومالقتشي مني اى رد
ورحت المستشفى وما زرتني وما كان منك اى ود
جات الشرطه تسألني قلت انا ما ضربني حد
وغصب عني دعيت عليك وقلت يفرج عليك خلقه
ما اعرفشي اللي حيجرى ليك
وقالولي واحد من صحابه بسكينه طعنه
ولقيت كل الناس حواليك
وضنايا ابني غرقان فى دمه
بكيت وحافضل ابكي عليك
وافضل ادعي قدام قبره
ان ربنا يرضى عليك
واقول يا رب انا قلبي مسامحه
يا ريتني ما كنت عليك دعيت
قلبي بسرعه ربنا استجاب له
دي حكايتي باحكيهالكوا
للكل يشيل على راسه أمه
دا الجنه تحت اقدام الامهات
واللى يكرم أمه يكرمه ربه
ويعيش سعيد فى الحياة
بدعوه واحده من أمه
***
****
ملحوظه
هذه قصه حقيقيه قالتها لى أم
وهى تبكى
فجعلتنى ابكى معها
وبكيت فى كل حرف من حروفها
اقدمها درس لكل ولد او بنت
فدعوة الام عند الله مستجابه
ويعجل الله بها فى الدنيا
اللهم اكرم امهاتنا
مع تقديرى