المساعد الشخصي الرقمي

مشاهدة النسخة كاملة : ليه أنا وانت فى حبنا متغربين من سينين


الشاعر شوقى غنيم
01-24-2021, 07:21 AM
ليه أنا وانت فى حيبنا متغربين من سينين
للشاعر المصرى شوقى غنيم
*****

ليه انا وانت في حبنا متغربين
انت هناك وانا هنا من سينين
ليه مانعشي سوا ذي العاشقين
آه...آه......متغربين
*****
تسهر هناك واسهر هنا
مانشوفشي بعض ونشوف بس نجوم السما
وشعاع الشمس..ضي القمر هما اللي بينا
بنكلم بعضنا
لما بقوا حته مننا وفي دمنا
هما الوصال الي بينا بينك وبيني أنا
وانت هناك وانا هنا عايشين لوحدنا
نسهر ليلاتي بآهاتك وآهاتي
لما السهر تعب مننا من بعدنا من هجرنا
متغربين انت هناك وانا هنا
*****
وييجي الليل ومخدتك تسألني؟
فين انت؟ فين.... ليه وحدتك
وانت تطول في رحلتك
لو اعرفك فين كنت جيتلك
كنت جيتلك
وتقرب مني أخدها في حضني
واشوف عليها يا حبيبي دمعتك
وتوشوشني تقوللي في ودني
بحبك بحبك بحبك
وتقول سمعتك
موش دا يا حبيبي موش دا خيال
موش بس كلام بس بينقال
لسه عليها صورتك عليها رسمتك بسمتك
حتي مرايتنا لما بشوفها القى عليها طلعتك
وفى بلكونتنا وسط الياسمين بتشاورلي
احس بطلتك
****
يا حبيبي كفايه هجر كفايه بعد
بابعتلك جوابات وليه ما بترد
فكر مره ..مره بجد
والا يمكن شغلك عني حد
حتى موبايلك دايما مغلق
صارحني وقوللي كلمة حق
اوعى تقوللي حبيت غيري
اوعى تقولها ماتقولهاش لأ
داري عني لو كان دا حقيقه
اكدب عليّ ما تقولشي الصدق
مانت عارف مقدرشي اعيش من غيرك
ورغم غيابك برضه بحبك
أصل يا حبيبي قلبي اسيرك
واسأل عنه كمان قلبك
واسأل قلبك وهو يصارحك
قد ايه بيتألم في بعدك
ارجعلي تاني يا حبيبي
داوي جرحي واداوي جرحك
نعوض اللي ضاع في ليالي بعدك
وكفايه اللي عشته وحدي وانت وحدك

سليدا
01-24-2021, 09:27 AM
الختم والتقيم مع النشر

ومنحك مكافاة

لي عودة لرد

مكاني

سليدا
01-24-2021, 09:30 AM
تمت الاضافة

مبروك

عواد الهران
01-24-2021, 09:32 AM
بارك الله فيك .

والله يعطيك العافيه...

ماعرض يستحق المتابعه.

ولك الشكر والامتنان...

فهمي السيد
01-24-2021, 06:02 PM
الشاعر الراقي / شوقي غنيم
صح القلب وسلم القلم
جميل بكل حالاتك
تقديري

النقاء
01-24-2021, 06:25 PM
صح لسانك. أيها الشاعر الألق

ابدعت بالسرد وعمق الحروف
لك. قوافل الشكر والتقدير لحضرتك ....،

الصولجان
01-24-2021, 07:26 PM
..

حال العشاق مزري.. والغربه مرار ..
اعان الله قلوب .. تآكلها القدر ..
نصيب


تميزت ولك التوفيق

وشاآية حرف
01-24-2021, 09:14 PM
وليت الرجاء يتمم الوصل
وليت المناداة تلبّى ..
//

أيها الحرف العامي الأنيق
متعة هي قراءة نصك

بستان زهر

الشاعر شوقى غنيم
02-04-2021, 05:50 AM
اقتباس:
المشاركة الأصلية كتبت بواسطة سليدا http://www.boohalharf.com/vb/madaeen/buttons/viewpost.gif (http://www.boohalharf.com/vb/showthread.php?p=35898#post35898)
الختم والتقيم مع النشر

ومنحك مكافاة

لي عودة لرد

*******
شكرا لمروركم وهو أكبر مكافأه وتقدير
تحياتى وتقديرى

مكاني

الشاعر شوقى غنيم
02-05-2021, 12:23 AM
اقتباس:
المشاركة الأصلية كتبت بواسطة سليدا http://www.boohalharf.com/vb/madaeen/buttons/viewpost.gif (http://www.boohalharf.com/vb/showthread.php?p=35901#post35901)
تمت الاضافة

مبروك
***************
شكرا للاضافه ومع تحياتى