من عاش بالدنيا..

من عاش بالدنيا..

/

من عآش بالدنيا يشوف العجايب
ويلقى بها ناسٍ بها الشين والزين..


ناسٍ تجيب الشر لآقرب قرايب
وناس تحب الخير لناسٍ بعيدين..


ناسٍ تفرّق بين جمعه حبايب
وناسٍ تجمّع عادةٍ للوفيين..


وش عاد من شخصن رديٍ وخايب
همه بنفسه كل راسه شياطين..


ينثر سمومه من لسانه لهايب
يالله عسى تاخذه لقلعه ودارين..


البنت تشكي حظها تقول شايب
وان طاب حظه قافل الباب قفلين..


ياشوق لاتحرق خفوقاً وذايب
يكفيه لوعات جرعها من سنين..


وان طاب ظني بك علومٍ وصايب..
نزرع قطوف الورد عشق المحبين..

بقلمي

للمزيد من مواضيعي